الحلقه الحاديه عشرة...(11)
عند بسمه
كانت راقده ع كنبه و بعد سمعت باب الشقة انفتح فتحت أعيونها
قابلها محمد جاي شورها صبت قعمزت علي حيلها
محمد جا و قعمز ع كرسي يالي كان امقابل بسمه بس بعيد
من عليها
محمد قعد ساكت و ماحكش ولا كلمة
بعد عشر دقايق
بسمه: أنـــا ..
محمد قاطعها: ما ايهمنيش شن تعرفي خويا ولا ايهمني
شن شيلك الشقته ولا ايهمني شن كنتي ح اديري معنها قاعده
واضحه بس مش ح نسألك علي شي أنا من الصبح و عقلي
يشتغل و انفكر كيف ح انحل هـ القصة يالي صارت لأن فـ نهاية
يالي ايهمني من الموضوع لا انتِ ولا خويا يالي ايهموني زوجتي
و اولدي و أمي كلا انتم تنحرقو مالياش دخل
بسمه معش قدرت تسكت و صبت علي حيلها و اقعدت تبكي
و تحكِ ابـ صوت عالي
بسمه: خلاااااااااااص كفاية لحد هنا محد عطاني فرصه نحكِ
ولا حد عطاني فرصه انبرر من امبدري و أنا نسمع فيكم
تتهمو فيا بــ بيعة شرفي و يالي متهمني بـ الخيانة ويالي
ايقولي يا رخيصة حرآم عليكم خلوني نحكِ اندافع علي
تفسي ولو أشوية
محمد قعد ايبحت فيها و ساكت
بسمه: أنا خوك لا نعرفه ولا عمري شفته الا أول
مره كانت فـ الجامعه و ......
محمد قاطعها: ما ايهمنيش كيف عرفتيه ولا شن صار بينكم
كل يالي ايهمني هليييييييييييي فهمتي
بسمه ابـ صوت عالي: دبينه هلك هما يالي ايهموك عليش
وافقت تزوجني عليش ما خليت خوتي يقتلوني
محمد سكت و معش عرف ايرد
بسمه: اااااااااااااه قول عليش ما خليت خوتي يقتلوني
محمد صبى و قعد ايعيط: لأنِ كنت خايف علي روحي و علي حياتي
كنت خايف ننقتل و يقعدو هلي قلالة فهمتيييييييييي عليش مات خليتهم
يقتلوك مش عشان خاطرك ولا علي خاطر أعيونك لالا علي خاطر
هلي و اولدي يالي مزال ما شاف شي من الدنيا
بسمه تمسح في ادموعها: باهي تمام تمام توا شن المطلوب مني
تبي اطلقني , طلقني و تو نطلع من حياتك بكككككككل
محمد ابـ هزوة: هه بعد ايش تبي تطلعي من حياتي بعد ما ادبست
فيك خلاص معش ينفع شي توا
بسمه: يعني شن تبي مني توا
محمد: يالي نبيه منك توا انك اتقعمزي فـ الشقه و ما تطلعي
منها بكل و رد بالك اديري أي شي بدون ما تسأليني
كلها فترة نين نلقى حل مع خوتك و انطلقك و كل حد يمشي
في حاله
و صبى محمد طلع من الشقة و بسمه قعمزة ع كنبه و حطت راسها
بين ايديها و حست راسها اقريب ايتفجر من التفكير و الصداع
..............
عند كمال
كان ماشي شور حوش خاله علي رنة فونه بحت لقاه
حسن صاحبه
كمال رد: ايوا حسن
حسن: وينك و وين أيامك تي وين مختفي يا راجل
كمال: قاعد من دراه لدراه
حسن يضحك: كنك شن في
كمال: أنت وين توا
حسن قاعدين فـ قطعة خليفة ديرين سهره تعال غير جو
معانا
كمال: القنة تبيلي تغييرت جو
حسن: معناها تعال نرجو فيك
كمال: خلاص هيا جايكم
و سكر كمال من حسن ولف سيارته و عدى شورهم
و طبعاً كيف العاده فات أميرة و مابش حتى ايرن ايقوللها
أن مش جاي
.............
عند أميرة
اقعدت ترجى في كمال طول الليل و كانت اترن
عليه لكن كمال ما كان ايرد عليها و اقعدت طول
الليل وهي فـ الجنان ترجى فيه نين طلع عليها الصبح
هاجر: أميرة أميرة
أميرة: همممممم
هاجر: تي نوضي فيش اديري راقده هنا
أميرة فتحت أعيونها لقت روحها راقده ع كرسي
امقابل الباب الخلفي
هاجر: شن رقدك هنا يا بنتي
أميرة قعمزة اكويس: احم , فـ الليل اضايقت قلت نطلع
انغير جو شكلي غفيت هنا بدون ما انحس
هاجر: باهي هيا صبي افطري و بدلي ادبشك بيش تمشي للجامعه
أميرة صبت: تمام
و خشت أميرة و أمها للحوش فطرت أميرة مع هلها و خشت دوشت
و بدلت دبشها و طلعت لقت باتها يرجى فيها ركبت امعاه و عدو شور الجامعه
...............
عند بسمه
فتحت أعيونها لقت روحها راقده ع كنبه صبت
و قعمزت علي حيلها
بسمه حطت يدها علي رقبتها: آآآآآآآآه ياربي أرقبتي آآآآآآآه
وصبت بسمه عدت شور الحمام(حشاكم) غسلت وجها
و طلقت شعرها و بلاته بــ أشوية اميه و ردت لماته
بسمه طلعت من الحمام: ادبشي وين عدى شكلي سيبت الشناطي تحت
مسحت بسمه وجها و جت تبي تفتح باب الشقة علي فتحت محمد الباب
محمد أول ما فتح الباب قبلاته بسمه
محمد مدلها الشناطي: هذي حاجتك
بسمه خذتهن منه و خشت بدون ما تحكِ أمعاه
محمد قعد امصبي أشوية و بعدين لف نزل و سكر وراه الباب
أما بسمه خشت للحمام دوشت نص و بدلت دبشها و طلعت
دارت قهوه و اقعدت تشرب فيها
.............
عند أميرة
وصلت للجامعه نزلت و خشت قابلتها زينب
زينب: صباحؤؤؤؤ حبي
أميرة: صباحؤ النور
زينب: كنك لاوية بوزك ع صبح
أميرة: شي
زينب: تعالي قوليلي شن صار في سوما من أمس انرن
عليها لكن ما اترد عليا , أكيده ردت الحوشهم و خوتها
خذو منها الفون مسكينه
أميرة ابـ هزوة: هه مسكينه , أنا يالي مسكينه مش هي
زينب ابـ رفعت حاجب: كنك تحكِ عليها هكِ
أميرة: يا سمحة يالي بالك مشغول عليها هي قاعده في شقة
احميده ولد عمتي
زينب بـ ستغراب: تشتغل عندهم يعني
أميرة ضحكت: شن تشتغل بسمه أمس انقريت فاتحتها علي
محمد ولد عمتي
زينب شهقة: نعممممممممم
أميرة: اهاا كيف ما سمعتي
زينب: تي انتِ فيش قاعده تحكِ
أميرة: وقسماً بالله العظيم كيف ما نحكِ
زينب: تعالي تعالي احكيلي كيف صار الكلام هذا
و عداً أميرة و زينب شور الكفيتيريا و قعمزاً و اقعدت أميرة
تحكِ الــ زينب كل يالي صار
................
عند سمر
سمر تبكي: بابا أنت اسمعني بس
بات سمر راقييييييييلة: سمر سكري ع الموضوع
سمر: بابا احميده مالاش ذنب و بعدين أكيد ح ايطلقها
مش ح ايخليها عنده
بات سمر: تي يا بنتي افهمي هذوم ناس ## كيف تبي
تقعدي عندهم و ولدهم هكِ أنا مستحيل انخليك تقعدي في نفس
الحوش مع سلفك الـ ##
سمر تمسح في ادموعها: باهي احميده يشريلي شقة برا
بات سمر: سمرررررر خلاص هي كلمه وحده مافيش غيرها
قصة محمد سكريلي عليها و معش نبي نسمع أسمه لا هو ولا هله
علي اللسانك فهمتييييييييييييي
و صبى بات سمر و طلع من الحوش و سمر اقعدت تبكي
و أمها و أختها ايهداً فيها
..............
عند أميرة و زينب
أميرة: و هذا كل اللي صار
زينب ابـ عصبيه: معقولة يالي درتيه يا أميرة معقولة اتصدقي
كلام كيف هذا علي صحبتنا و تمشي تحكِ أمعاها بـ الطريقة هذي
أميرة وهي راقيلها: معش اتقولي صحبتنا هذي وحده خاينة و رخيصة
زينب استفزها كلام أميرة و هوووووب تعطيها كيف
أميرة حاطه يدها علي خدها و مصدومه
زينب: أخسارة صحبتنا و عشرتنا و أخوتنا اتفووووو(حشاكم)
و خذت زينب شنطتها و طلعت و سيبت أميرة يالي كنت مصدومه
زينب طلعت من الجامعه و كلمت السواق امتاعهم أشوية و جاها
عطاته عنوان حوش عيت عمة أميرة و عدو شورهم
..............
عند كمال
كان امقعمز فـ الجنان و ايهدرز هو و حسن
حسن ابـ صدمة: قصدك هي نفسها امتاع الجامعه
كمال: اهاا هي نفسها
حسن: عليك صدفة الزح
كمال: مش غير صدفه
حسن: لكن القنه أخسارة راحت عليك ليلة عمرك
كمال ابـ حسرة: مش غيييييييييييييير
حسن: باهي توا كيف تبي ادير مع هلك
كمال: فـ الأول فكرت نبرم علي بنت خالي و انخليها اتجيبلي
أخبار حوشنا و اتشوفلي أخر الأخبار لكن بعدها طلعت الفكره
من راسي و امفكر توا انسافر فترة برا البلاد
حسن: هي هذي سافر غير جوك فترة و بعدين رد , بالك تقعد الأمور
استتبت ولو تبي انسافر أمعاك عادي
كمال: خلاص تم خليني انشوف أموري و أنقولك
حسن: خلاص تم
و اقعدو كمال و حسن ايكملو في دوتهم
..............
عند محمد
كان امقعمز عند باب حوشهم و يشرب في قهوه
علي تدرسة سيارة زينب فتحت الباب و نزلت
زينب جت شور محمد: السلام عليكم
محمد: وعليكم السلام تفضلي
زينب: هذا حوش محم أفلان
محمد بـ ستغراب: اهاا أنا محمد تفضلي
زينب: أنا صحبة أميرة و بسمه جاية أنشوفها
محمد صبى: احم خشي تفضلي
و خش محمد ز في جرته زينب ركب هو وياها للشقة
فتحلها باب الشقة و نزل
.............
عند بسمه
كانت اتصلي فـ المربوعه
بسمه: السلام عليكم و رحمة الله السلام عليكم و رحمة الله
زينب من وراها: تقبل الله
بسمه برمة ابـ سرعه و بعد شافت زينب صبت شورها
تجري و اضبطتها و اقعدت تبكيييييييييي و كأنها كانت ترجى
في حد ايجيها عشان اتفش عبرتها
زينب خنقتها العبرة: خلاص ياروحي
بسمه تبكي من وسط قلبها: حقيتي شن صار فيا يا زوبه
حقيتي شن يالي صار في صاحبتك
زينب: خلاص ياروحي اهدي و خلينا نحكو
بسمه بكت أشوية و بعدين بعدت من زينب و اقعدت تمسح
في ادموعها
زينب: تعالي خلينا انقعمزو و بعدين احكيلي كل يالي في خاطرك
و جاً زينب و أميرة شور الصالون و قعمزاً و اقعداً يحكاً
...............
عند محمد
بعد ركب زينب خش لقى أمه حاطه الفطور قعمز
و قعد يفطر
محمد صبى
غالية: زيد
محمد: الحمدالله شبعت
غالية: من يالي جا من اشوية
محمد: صحبتها
غالية ابـ عصبيه: و انشالله خليتها اتشوفها
محمد: ها شن نبي انديرلها يا أمي انزلها يعني
غالية: اهاا لزها أساساً البنت الحقيرة هذي ما تستحق اتشوف
حد خليها محبوسه كيفها كيف الكلاب(حشاكم) نين اتخمج و اتموت
محمد: أستغفر الله باهي يا أمي توا تبي حاجه
غالية: كيف وين ماشي
محمد: نبي نمشي للعمل وين نبي نمشي يعني
غالية: باهي عدي مربوحه
محمد: منصور كان تعبك رني عليا
غالية: باهي ان شاء الله
محمد: هيا سلام
و طلع محمد ركب فوق عشان ياخذ ادبشه و يمشي
للمستشفى وصل للشقة لقى الباب مفتوح خش شور
الدار خذى ادبشه و طلع يبي ينزل سمع صوت بسمه تبكي
و هكِ جاه فضول يسمع فيش تحكِ قدم شور المربوعه
و قعد يسمع
بسمه تبكي😭: ........
محمد😔💔
.
.
.
.
يتبع ..
محمد شن ح يسمع ؟ وهل يالي ح يسمعه ح ايغير
حاجه بينه وبين بسمه ؟
سمر شن ح ايصير فيها هل فعلاً محمد ح ايطلقها بدون ما يعرف
هي شن دارت ؟ ولا في شي ثاني ح ايصير ؟
كمال يالي مزال ما علم بـ يالي دراته سمر
ازعما هل ح يعلم ؟ ولو علم من يالي ح ايقوله ؟
و بعد يعرف شن ح ايدير ؟
هذا كلا ح نعرفوه في حلقة بكره
ان شاء الله بكره ح انزل حلقه
أودي الفرجاني💚
