"လွန်းသော် ဗိုက်ဆာလား ကိုယ်တစ်ခုခုလုပ်ပေးရမလား"
"ရပါတယ် ကျွန်တော်နားချင်နေတယ်"
လွန်းသော်ကိုအိမ်ပြန်ခေါ်လာခဲ့ပြီဖြစ်သည်။အခုကစပြီးကိုယ်ကလွန်းသော်ပေးခဲ့တဲ့အချစ်တွေနဲ့ဂရုစိုက်မှုတွေပေးပါ့မယ် လွန်းသော်ခံစားရတာတွေလည်း ပြီးပါပြီကလေးရယ်...
"ဒါဆိုအခန်းထဲသွားရအောင်နော်"
"ဖေဖေရော"
"အစည်းအဝေးကြောင့်အလုပ်ခန်းထဲမှာ"
"ကုမ္ပဏီမသွားတော့ဘူးလား"
"အင်း ကိုယ့်အလုပ်တွေဖေဖေ့ကိုဘဲလွှဲထားလိုက်တော့တယ်"
လွန်းသော်ကနားမလည်သလိုလေးကြည့်ကာ မေးချင်တာကိုမမေးဘဲ ခေါင်းလေးတစ်ငြိမ့်ငြိမ့်။
"ကိုယ့်ကိုအဖြေပေးရဦးမယ်"
လွန်းသော်မျက်နှာလေးရဲတက်လာပြီး ရှက်နေတော့သည်။
"နားချင်လို့ပါဆို"
"နားပါဗျာ နားပါ ကလေးလေးအိပ်ယာနိုးရင်ဘာများသုံးဆောင်မလဲဗျ"
"ကြက်ဥကြော်ကျွေး"
"ဟုတ်ကဲ့ပါဗျာ အနားယူပါ"
လွန်းသော်ကိုစောင်ခြုံပေးကာ ကန့်လန့်ကာချပေးပြီးမီးအိမ်မှိန်မှိန်လေးဖွင့်ထားပေးလိုက်သည်။ချစ်ရသူကောင်းကောင်းအိပ်ပျော်ပါစေ။
-------------------------------------------
"လွန်း""ဟင်"
"မောင့်စီလာ"
"ဟင့်အင်း မင်းက မင်းငါ့ကိုရိုက်မှာ"
"မောင့်စီလာခဲ့ပါ"
"ဟင့်အင်း ဟင့်အင်းလို့ ကြောက်တယ်"
အမှောင်ထဲကနေခါးပတ်ကိုင်ထားတဲ့ Adamကသူ့ကိုခေါ်နေသည်။သူကြောက်တယ် အခုချိန်သူ့နားသွားရင်အရိုက်ခံရမှာ..
"ကြောက်တယ် ကြောက်တယ်"
"လွန်းသော် လွန်းသော် သတိထားပါဦး ကိုယ်ရှိတယ် ဘာမှမကြောက်နဲ့"
"အီး အဟင့် ကြောက်တယ် ကိုကို"
သူ့တစ်ကိုယ်လုံးကိုကို့ရင်ခွင်ထဲရောက်နေကာ လန့်နိုးလာတော့မှ အိမ်မက်ကြောင့်ငိုချမိသည်။
YOU ARE READING
သုံးနှစ်တာဆက်ဆံရေး(complete)
Randomသုံးနှစ်ဘဲကိုကို... ကျွန်တော့်စိတ်တိုင်းကျသုံးနှစ်လောက်တော့နေပေးပါ (MYANMAR OC FICTION)