『omegaဖြစ်ပြီး‌နောက်ကိုယ်ဝန်ရှိမှန်းသိရ,omegaျဖစ္ၿပီးေနာက္ကိုယ္ဝန္ရိွမွန္းသိရ』

Part - 34 (Z+U)

ချိယွီက ခဏလောက်စောင့်နေလိုက်ပေမယ့်လည်း၊ ယွီကျိုးလေးဆီက ဘာတုံ့ပြန်မှုမှ မရတာကြောင့် သူက သူ့လက်ကို အသာအယာဆန့်ထုတ်လိုက်ကာ ယွီကျိုးလေးရဲ့မေးစေ့လေးကို ခပ်ဖွဖွညှစ်လိုက်ပြီး မေးလိုက်တယ်။
"မှတ်မိရဲ့လားလို့?"

ရှောင်ကျိုးလေးက မျက်တောင်သာခတ်ပြလာကာ၊ သူ့ရဲ့ ခပ်တင်းတင်းဆုပ်လို့ထားတဲ့ လက်သီးဆုပ်လေးတွေဟာလည်း ပြေလျော့လို့သွားပြီး သူက ချိယွီရဲ့လက်ချောင်းတွေကို လှမ်းဆွဲလို့လာတယ်။

ချိယွီခဏတာ ရပ်တန့်လို့သွားကာ၊ ခဏချင်း အသက်ရှူသွင်းလို့နေရတယ်။

သူက ယွီကျိုးလေးကို တည့်တည့်စိုက်ကြည့်လိုက်ပြီး၊ ယွီကျိုးလေးကလည်း သူ့ခေါင်းလေးကိုစောင်းရင်း သူ့ကို မျက်တောင်တချက်မခတ်ပါဘဲ စိုက်ကြည့်လို့လာတယ်။

ရုတ်တရက်ဘဲ ရှောင်ကျိုးလေးက ပြုံးပြလာကာ သူ့ရဲ့မျက်လုံးခပ်ဝိုင်းဝိုင်းတွေကလည်း လခြမ်းသဏ္ဍာန် ကွေးညွှတ်လို့သွားခဲ့တယ်။

သူက ရှေ့ကိုငုံ့ကိုင်းလာပြီး ချိယွီရဲ့ လက်ဖဝါးပေါ် သူ့ရဲ့ဖောင်းအိအိပါးပြင်လေးတွေနဲ့ ပွတ်သပ်လာကာ သူ့တစ်ကိုယ်လုံးနဲ့ကို ဖိချလာပြီး လက်ပုတို‌လေးနှစ်ချောင်းနဲ့လည်း ချိယွီရဲ့ မျက်နှာကို ပွေ့ဖက်လို့လာတယ်။

ရုတ်တရက်ပါဘဲ၊ သူ့ရဲ့ နှာဖူးပေါ် နူးညံ့လှတဲ့အထိအတွေ့လေးနဲ့အတူ ခပ်စိုစို အမှတ်အသားလေး ထင်ကျန်လို့နေခဲ့တယ် ။

ချိယွီတစ်ယောက်လည်း စိတ်သက်သာရာရသွားပြီး၊ သူ့တစ်ကိုယ်လုံးရော နှလုံးသားလေးပါ နူးညံ့သွားသလို ခံစားလိုက်ရတော့တယ်။

"မား!"

သူ့ခေါင်းထက်မှာ နို့နံ့သင်းကာ အစွမ်းထက်တဲ့ ယွီကျိုးလေးရဲ့ အသံတစ်ခုထွက်ပေါ်လို့လာခဲ့တယ်။

ဒီအသံကိုကြားတော့ ချိယွီက သူ့နှလုံးသားကို ချုပ်တည်းမထားတော့ဘဲ လုံးဝလွှတ်ချလိုက်တော့တယ်။

သူက စိတ်သက်သာရာရစွာ ရယ်မောလိုက်ကာ၊ သူ့လက်ကိုမြှောက်ကာ ခေါင်းထက်က ရှောင်ကျိုးလေးကိုကောက်ချီလိုက်ပြီး ၊ သူ့လက်ချောင်းတွေနဲ့ အကောင်ပေါက်လေး‌ကို ကလိထိုးရင်း ယွီကျိုးလေးကို ကော့လန်ကာရယ်မောနေအောင် လုပ်လိုက်တယ်။