Hart with Lav and Valentine

Chapter 25

PAINTING

Lia's POV

Mejo malayo pa kami sa backstage ng makarinig kami ng sigaw dahilan para mapahinto sa pagtakbo itong mga kasama ko kaya napahinto na rin ako.

"Damn we're super late." rinig kong sabi ni Yuto

"And we're definitely dead." dugtong naman ni gagong oppa

"Dalian nalang natin." at sa pagsabing iyon ni Maicey ay muli silang tumakbo kaya sumunod na rin ako sa kanila.

20 minutes ata kaming nastranded dun sa loob ng elevator na mukhang isinusumpa nila gagong oppa. Idagdag mo pa ang pagiging awkward namin minsan. Hindi naman sana ako kasali kaya lang mukhang may kakaiba talaga sa kanilang tatlo eh.

Yun bang parang may nangyaring hindi maganda noon kaya ganun nalang nila kung tratuhin si Maicey. Naawa na nga ako sa kanya kaya kinakausap ko nalang.

Mukha naman syang mabait.

Etong dalawa lang talaga ang may topak.

Naabutan namin sila Mr. Mariano at Mr. Wu sa loob kaharap nila ang isang lalaki. Ito ata yung nakita ko sa Flower Shop nung sinundo ko si Yuto.

Napasinghap nalang ako ng sampalin ito ni Mr. Wu. "Kahit kelan wala ka talagang kwenta. Simpleng bagay na ngalang, hindi mo pa magawa."

Huminga ng malalim si Mr. Mariano at aalis na sana pero napahinto ito ng makita kaming apat na nasa pintuan kaya pati sila Mr. Wu ay napatingin din sa amin.

Hindi naman nagsalita si Mr. Mariano at naglakad papunta sa amin. Agad akong hinigit ni Yuto palapit sa kanya na syang ipinagtaka ko. Yun pala ay dadaan si Mr. Mariano palabas ng backstage.

"Nandito na pala kayo?" bati sa amin nung lalaki na parang walang nangyari.

"You okay?" tanong ni gagong oppa sa kanya saka ito pumasok sa loob at nagsisunod naman kami sa kanya. "Ano na naman ba ang ginawa mong kasalanan at nasampal ka na naman ng tatay mo?"

Biglang bumukas ang ibabaw ng malaking kahon at lumabas si Lav na syang ikinagulat naming apat. "Kayo ang may kasalanan kung bakit napagdiskitahan itong si kuya Thyme." sabi nito saka nagulat sa kanyang nakita. "At aba! magkasama pala kayong apat? anong nangyari?"

Sasabat pa sana si Yuto ng makarinig kami ng nagsasalita sa labas.

"Mag-uumpisa na ata ang program." sabi naman ni Maicey.

"At ikaw bakit ka naman nagtatago jan?" tanong ko kay Lav kaya lahat ay napatingin sa kanya.

"Syempre ako sana yung nasampal! tsk." sabat naman nito

Alam nyo sa totoo lang, mejo hindi ko gets ang mga nangyayari dito.

Ngumiti sa akin yung lalaking nasampal. "We already met pero hindi pa pala ako nakakapagpakilala sayo." saka nya inilahad ang kanyang kamay sa harapan ko. "I'm Thyme. Hilaw na kapatid ng mga tarantadong to."

Inabot ko naman ang kamay nya. "Lia nga pala." saka ko din sya nginitian.

Matapos ng pakikipagkamayan namin ay muli syang nagsalita. "Bawal kasi ang late sa pamilyang 'to. Kaya ayun.." wika pa nya bago nagkibit balikat. "Nasampal ako ng tatay ko hehe. Pero buti na yun kesa si Mr. Mariano ang magalit."

Grabe ang brutal ata ng mga tao dito. Nakakatakot.

Hindi pa man ako nakakareact ng may babaeng staff na pumasok. Mukha syang staff ng hotel. "Pinapatawag na ho kayo para sa Picture Taking at cutting of Ribbon."