"ညို နိုးပြီလား "
"အင်း..."
"ကိုယ် ကြက်ပေါင်းခေါက်ဆွဲ လုပ်ထားတယ် စားလိုက်အုံးနော်"
ည၆နာရီလောက်က ဆေးသောက်ပြီးပြန်အိပ်နေတဲ့ ညို က ည၉ နာရီလောက်ကျ နိုးလာပြီးဝရန်တာမှာထွက်ထိုင်နေသည်။ညလယ်စာအဖြစ် သျှန်ကိုယ်တိုင်လုပ်လာတဲ့ ကြက်ပေါင်းခေါက်ဆွဲ ပန်းကန်ကို ညိုထိုင်နေရာ ဝရန်တာဘက်သို့သာ သယ်လာလိုက်တယ်။ ညိုက သူနိုးနေတဲ့အချိန်ဆို ဝရန်တာမှာပဲထိုင်ပြီး ခြံထဲက စိန်ပန်းပင်ကြီးကို ကြည့်နေတက်သည်။ အရင်ကထက်စာရင်သက်သာလာတဲ့ ညို ကိုကြည့်ပြီး သျှန်လဲ အခုမှသက်ပြင်းချနိုင်တယ်။
"မင်းကိုယ်တိုင်လုပ်ထားတာလား"
"ဟုတ်တယ် ညို က ကိုယ်လုပ်ပေးတဲ့လက်ရာမှကြိုက်တာမလား "
"အင်း မင်းလက်ရာက တီလေးလက်ရာအတိုင်းပဲမို့"
စိန်ပန်းပင်ကြီးကိုငေးမြဲငေးလျက်ပြောလာတဲ့ညို က တီလေး လူ့လောက က ထွက်ခွာသွားတာကိုတော့ပြန်မှတ်မိရှာပြီ။ တခါတလေ ဖုန်းလိုက်ရှာပြီး ချေချေ့ကိုသီချင်းဆိုပြဖို့လုပ်တက်တာကလွဲရင် အရင်လိုတိတ်ဆိတ်နေတုန်းပဲ။
"ညို ကြိုက်ရင် ကိုယ်ကနေ့တိုင်းလုပ်ပေးမှာပေါ့ ပူတုန်းလေးစားလိုက်နော် "
"ကြက်ပေါင်းနေ့တိုင်းစားရင် ငါ အတောင်ပံ တွေထွက်လာမှာပေါ့... "
"ဟမ်"
"မင်းက ငါ့ကိုမင်းဂိုဏ်းထဲသွင်းချင်လို့အကွက်ချစီစဥ်နေတာမလား"
"ပေါက်ပေါက်ရှာရှာ ညိုရယ် ကိုယ်က ညိုအားရှိအောင်ကျွေးတာပါ"
"သေချာလား"
မျက်မှောင်ကြီးကုတ်လို့မေးလာသူကြောင့် အမြန်လျှောက်တင်ရသည်။
"ဒါပေါ့ ညိုရဲ့"
"ပြီးတာပဲ"
"ဟူးး"
ညို မသိအောင်သက်ပြင်းအသာခိုးချရတယ်။ 'အလျှောက်ကောင်းလို့ အထောင်းသက်သာ ' ဆိုတာ သျှန့်ဘဝပဲ။ တခါတလေ ငယ်တုန်းကလိုဂျစ်တီးဂျစ်ကပ်တွေပြောပြီးသျှန့်ကိုရစ်တက်သည်။ တခါတလေကျလဲ သျှန်နဲ့စိတ်ဆိုးတုန်းကအချိန်ကိုမှတ်ဉာဏ်ရောက်သွားပြီး သျှန့်ကို လက်သီးနဲ့ထထိုးသည်။
YOU ARE READING
Fiend // Complete //
Fantasyအရင်းနှီးဆုံး ရန်သူတွေ..... တနည်းအားဖြင့် မင်းကို ယစ်မူးစွဲလမ်းနေမိတဲ့... ကိုယ် ^^ဥပမာပေးရရင် ခင်ဗျားက Alcohol လိုပဲ သောက်ခါစမှာ အရမ်းခါးပြီး နောက်ပိုင်းကျင့်သားရသွားတဲ့ချိန်မှာ အဲ့အခါးဓာတ်ကိုပဲ စွဲလမ်းတပ်မက်မိသွားရတာမျိုး ...... နာကျင်ရပေမဲ့ အဲ့...
