"ဒီနေ့ နေသာတယ် ကိုယ်တို့ပန်းခင်းတွေဘက် လမ်းလျှောက်ထွက်ကြမလား ပေါက်စလေး"
"နည်းနည်းတော့ဝေးမယ်ထင်တယ်"
"တောင်ကြောဘက်ထိမသွားဘူးလေ ရေတံခွန်ဘက်ကအခင်းတွေဆို ရွာနဲ့သိပ်မဝေးပါဘူး အဲ့ဘက်သွားကြမယ်လေ"
"ဟုတ် ခင်ဗျားသဘောလေ"
ရွာမှာပေါက်စလေးနဲ့အတူတူလမ်းလျှောက်ထွက်နေကျမို့ တချို့နေရာတော်တော်များများကို သျှန်သွားတတ်လာတတ်ပြီးအလွတ်ရနေပေပြီ။
နေ့လည် တစ်နာရီဆိုပေမဲ့ နေပူရှိန်သိပ်မပြင်းပေ တောင်တွေပတ်လည်ဝန်းရံထားလို့များအအေးဓာတ်ပိုနေသည်လားတော့မသိ။လေအေးတွေတိုက်ခတ်နေသည်မို့ နေပူဒဏ်ကသိပ်မသိသာ။
"ပန်းတွေအများကြီးပွင့်နေပြီလားဟင်"
"အင်း အများကြီးပွင့်နေပြီ လေတိုက်တော့အပင်တွေယိမ်းနေတာပိုလှတယ်"
"အင်း အရင်ကဒီအချိန်ဆို ပန်းခင်းတွေကြားမှာကျွန်တော်အလုပ်ရှုပ်နေပြီ ရိတ်သိမ်းချိန်မရောက်မချင်း ပန်းပွင့်တွေနဲ့အသီးတွေကိုကျွန်တော်တို့အရမ်းဂရုစိုက်ရတာလေ"
"ပန်းခင်းတွေကြားထဲသွားချင်လား ကိုယ်နဲ့အတူသွားမယ်လေ"
"ဟင့်အင်း မသွားတော့ပါဘူး အလုပ်သမားတွေအလုပ်ရှုပ်နေမှာ ကျွန်တော်သွားရင် ပိုရှုပ်ကုန်လိမ့်မယ်"
"အဲ့တာဆို ဟိုးဘက်မှာအပင်ကြီးရှိတယ်လေ အဲ့အပင်အောက်မှာထိုင်မလား"
"ယူကလစ်ပင်လား"
"ဟုတ်မယ်ထင်တယ် အဲ့နားကအရိပ်လည်းရတယ်ဆိုတော့ ကိုယ်တို့အေးဆေးထိုင်လို့ရမလားလို့ ပန်းခင်းတွေနဲ့လည်း သိပ်မဝေးဘူးလေ"
"အင်း ထိုင်ကြတာပေါ့ "
"လာ ကိုယ့်လက်ကိုတွဲပေါက်စ"
"ဟုတ်"
နွမ်စိုင်း ဒီလူကိုမစွန့်လွှတ်နိုင်မှာသေချာပေမဲ့ အခုလိုအနားမှာဂရုစိုက်ပေးမှုတွေကြောင့် ဒီလူသားကိုပိုပြီးလောဘတက်လာမိသည်။ပိုင်ဆိုင်ချင်လာမိသည်။ကိုယ့်အတွက်မဟုတ်မှန်းသိနေရက်နဲ့တောင် ချစ်နေပေးခဲ့နိုင်သေးတာ အခုလိုကိုယ့်အနားမှာအနီးကပ်ရှိနေပေးတာတွေကြောင့် ပိုပြီးသဘောကျလာသလို ပိုပြီးအရယူချင်မိလာသည်။သို့သော် နွမ်စိုင်းလိုမျက်မမြင်တစ်ယောက်ကဘာများလုပ်နိုင်မှာတဲ့လဲ။
YOU ARE READING
Fiend // Complete //
Fantasyအရင်းနှီးဆုံး ရန်သူတွေ..... တနည်းအားဖြင့် မင်းကို ယစ်မူးစွဲလမ်းနေမိတဲ့... ကိုယ် ^^ဥပမာပေးရရင် ခင်ဗျားက Alcohol လိုပဲ သောက်ခါစမှာ အရမ်းခါးပြီး နောက်ပိုင်းကျင့်သားရသွားတဲ့ချိန်မှာ အဲ့အခါးဓာတ်ကိုပဲ စွဲလမ်းတပ်မက်မိသွားရတာမျိုး ...... နာကျင်ရပေမဲ့ အဲ့...
