قيود زاكي

الجزء37

الجزء 37
غسلت وجهي وجيت فتحت خزانتي ونشوف مع لبسة كون منهبلوش ملا هو طيرتو ڨاع كي نلبس ونضرب الحطة ايه معليش اليوم نحيها لعروس رحت قعدت بديت نماكيي ونتحف في روحي تحف بالغت بزاف فالمكياج كثرت فوق اللازم يروح يقود درت هبطت لقيت زينة شافتني قاتلي وااااو بشوية برك راح طيري لعريس من مريانا ضحكت قتلها ارواحي ديريلي لتخاس لشعري قاتلي اقعدي هنا دارتهولي ومع شعري طويل جات روعة وطلعت نشوف واش نلبس لي نشوفها ماتعحبنيش يا معريين بزاف يا مستورين بزاف رحت بسيف لقيت روبة فالروج لارج لبستها وتتحزم بخيط تحت صدر ومن الفوق ذرعيها تاع تيلو فالباج لاصقة على الحم حتى على الصدر نص منها  تاع تيلو حتى سوتيا ملداخل يبان نضت نشوف مع روحي والله ما تبان قدامي هذيك الكلبة درت ساعة لي شرهالي درت بارفا فحفحت  روحي مليح وهبطت نمشي بعقلي كون مانهبلوش اليوم ملا مانيش نجاة خرجت من الكولوار لقيتهم مزال نفس لبلاصة وليت نمشي بعقلي ودخلت عند ام مريانا وبنتها شافتني قاتلي يا نجاة بنتي ماطيرليش العريس على بنتي قتلها اسمحيلي بصح لازم نطير عقل راجلي وزيد بنتك وين تزيد قمر قعدت مع مريانا وهي خرجت مريانا نشوف فيها دورة مادورش قتلها واشبيك لاه ماكيش فرحانة قاتلي وعلاه نفرح قتلها بلاك ربي شاف فيها خير بلاك طارق صح مايخرجش عليك سكت سمعت زاكي يعيط عليا خرجت عندو لقيتو دخل للكولوار رحت عندو عوجت شنايفي قالي ماتعوجي شنايفك على ز** ماوالو ضك تطلعي تنحي هذا البرديل لي راك لابساتو قتلو والله ما نحيه قالي راكي تمكري فيا سكت قرصني من ذراعي قالي واش قتلك على هذا اللعب  جيت نهدر دخلت  ام مريانا ورانا طلقني   قتلنا واش الخير برك سكتنا شافت عندي لقات عينيا مدمعين قاتلي واشبيك قتلها قالي روحي بدلي تخنزر فيا قاتلو علاه بصح واشبيها لبستك قتلها ماعرف ولا خرج قاتلي غيار  بصح اعندك تشعليه وتشعلي روحك سكت شوية قاتلي ام مريانا انتي روحي ابقاي فالكوزنية مع زينة حتى نجي  خرجت انا وزينة لقيتو مزال برك يتخنزر فيا والله ما ديتها فيه نضحك  ماعلباليش بقيت فالكوزينة حتى نسمع فالحس شفت نسا فاتو عند ام مريانا وحس تاع رجال وليت طليت انا وزينة حتى عيطت زينة قاتلي ياي طارق قتلها وينو وريهولي قاتلي هاهو لابس فاست كلاسيك بلونوي بقيت نشوف معاه علابيها مريانا هابلة عليه بصح والله ماغلطو لي قالو ما يتصاحبو حتى يتشابهو سبحان الله هو وزاكي تقول خاوة نفس لاطاي نفس الحضور نفس الكريزما حتى الوقفة كيفكيف رجال لي معاه دخلو وهو بقا واقف مع زاكي فالهول صافح على زاكي ويحظن فيه يقولو خلاص غلطت وطلبت منك سماح وديت طريحة منك واش تحوس ثاني و زاكي يقولو مزال نزيد نكسر راسك هو يضحك قالو واش تحب دير مهم افرح لخوك دخلو لداخل قلت لزينة انا نروح نجري نخبر مريانا ونجي رحت نجري دخلت لشمبرتها قتلها مريانا علبالك طارق لي جا خطبك ناضت راح تخرج قاتلي وينو احلفي بلي هو  حكمتها قتلها والله غير هو قاتلي هيا ملا زيدي اعدليلي مليح قتلها ماعندك وين تزيدي ولات تسوطي من الفرحة مسكينة واش تحبو قتلها راح نخرج ضك نجي خرجت من الكولوار لقيت باباها هذا وين وصل دخل لصالو و زاكي خرج وصلنا للباب قالي دوري هكذاك بلا خمار اليوم نشويك قتلو تزيد تقيسني والله غير دار بابا قالي  اصبري يروحو واش ندير فيك  دخلنا قالي هاتيلي القهوة مديتلو داها وراح قلت لزينة ادي  القهوة وانا نمد ديسار لزاكي باه نجي راحت دات وقعدت نستنا حتى دخل عليا قالي  هزيت لبلا عطيتهولو  حكمو وزرب باسني على فمي وبعد قالي نحبك شفت معاه قالي نعشق فيك بصح اليوم نشويك قتلو قيسني قالي ضك تشوفي وخرج دخلت زينة قاتلي علاما دخلت حسبتني لعروس قتلها راهي جاية دالتك قاتلي ايه نشالله يكون شباب برك خرجت ديت  الديسار ودخلنا حطيتهم  وسلمت عليهم قالولي ملا انتي هي لعروس ضحكت قتلها لالا ماشي انا قعدنا شوية ناس دارهم هايلين عجوزتها عسل سلافتها  زوج هايلين هايلين مرت سلفها روعة سبحان الله عطاها ربي حساب قلبها يادرا طارق كيفاه راح يكون معاها قالت لعجوز نوضي جيبولي عروستي نشوفها راحت زينة عيطتلها جات دخلت غير دخلت ناضو ليها العجوز بقات تسلم عليها وتخظن والشابة والوردة كلاوها ماكلة داروها وسطهم واش فرحو بيها سمعت زاكي يعيط عليا خرجت عندو قالي نوضو اخرجو  باه يدخل يديرلها الخاتم قتلو واشنو الخاتم ياك راح يديرو شوفة برك قالي واش من شوفة لاه ما شفهاش راح يدير ديراكت الخاتم قتلو وحنا لاه نخرجو راح نشوفو قالي واش تشوفي نوضي قتلو لاه يعني حابة نشوف قالي ممنوع قتلو زاكي تعيش تعيش والله ياك نديرو خمارات سكت قالي بوسيني قتلو ييي هذا مكان ارواح نبوس بستو على خدو منا ومنا قالي قوليلهم يديرو خمارتهم قتلو ايه قالي وانتي غطي الفضيحة هذه الفوق حتى نلتهالك قتلو ايه ايه روح برك قالي راني راح ندخل معاه نلقى حاجة منك تبان نقتلك حتى وجهك غطيه ياربي وتقابليه ويشوفك قتلو لاه نقابلو ويشوفني جاي على جال قالي راني قتلك قتلو ايه روح برك   راح وانا دخلت قلتلهم ديرو خمارتكم راجل راح يدخل يدير الخاتم نطقت ام مريانا قاتلها واش من خاتم ياك شوفة برك قاتلها لعجوز اواه نديرولها الخاتم هكذا قالي وليدي قالت معليش درنا خمارتنا شوية دخل زاكي ومعاه طارق صافح على مريانا حشمان ومهبط راسو تخنزر فيا زاكي دارلي براسو ارواحي منا باه ما نقابلوش واحد الموسوس راجل مرتو وما شافش فيه مهبط راسو  راح يشوف فيا انا بقاو يهدرو يضحكو انا هيمانة فيهم عجبوني هزيت عيني لقيت جميلة تشوف في زاكي تقلبت حوالي شفت مع زاكي لقيتو  يتفرج فيا ضحكت ايا بيا كون نحكمو يشوف معاها نقلب عليه دار شوية دارولها الخاتم قاتلنا لعجوز زغرتو وليت نزغرت انا نعرف نزغرت زاكي تخلع فيا بقاو شوية وراحو روحو ،