قيود زاكي

الجزء 7

#قيود_زاكي
#بقلم هوس ريجا
الجزء 7

فاتت 15 يوم على هذاك نهار انا مافتحت تلفون هو ماحوس ماعيط عند بنت عمي سكت حسو ڨاع بصح هكذاك وقلبي يحوس عليه ديما نسقسي عليه سارة نقولها ماعيطلكش تقولي واش ديري به تهنيتي منو بصح وليت مانيش عبد ماكفاتني لا سما ولا لرض حابة نطير عييت نصبر عليه نار شاعلة في قلبي عليه حابة نشوفو يا لوكان من بعيد نضل نطل كاش ما نشوف طوموبيلتهم حتى هما مكانش خرجت انا وسارة مرة وجينا بلاك يلحقنا ومكاش بقيت نمشي ونحوس عليه كاش ما نشوفو تلفون نفتحو الف مرة فنهار نقول بلاك عيطلي يدخلي مساجو حتى رونفوا درتها كي يعيط يدخلي مساجو بصح والو فص ملح ذاب راح وخلاني كالمهروجة وليت هابلة عليه غير نشوفو غير نسمع صوتو حكموني الأعصاب حتى القلقة ديما مقلقة وغير نعيط وماما تقولي يا طفلة واشبيك راح تاكلينا نولي نتقابض انا وياها ،لعشية كنت  فالكوزينة ندير لعشا سمعت الباب يطبطب لحت الخمار على راسي ورحت فتحت الباب حتى نلقاه في وجهي قعدت غير نشوف فرحت  ضحكت معاه قالي البكاية تاعي كالعادة يفرفر قلبي من هذه الكلمة  قالي فرحتي بشوفتي سكت قالي واشراكي قتلو لباس قالي ماتسقسيش عليا انا ضحكت قالي اهدري نسمع صوتك بقيت غير نضحك قالي ياعمري فرحتي بيا ڨاع هكذا سير كنتي تستناي فيا درتلو براسي ايه قالي حرام عليا نخلي البكاية تاعي تستناني بصح والله مافي يدي قتلو علاه قالي ماكنتش هنا شفتي هذيك الليلة لي عيطتلك فيها كان عندنا خدمة في بلاصة خلاف حتى كملتها وجيت فت ديراكت عندك قلت نشوف البكاية تاعي هي لولى ضحكت سمعت صوت ماما قاتلي اسمعي مع من تهدري خبطت الباب في وجهو جات عندي قاتلي مع من تهدري قتلها حتى واحد قاتلي مع من تهدري ارواحي هنا بقيت نشوف معها وانا هيمانة خرجت حلت الباب طلت مالقات والو قاتلي مع من كنتي تهدري سمعت الباب يطبطب قتلها وليد جارنا صغير برك بقات تشوف معايا وليت هربت منها ورحت للكوزنية حسيت روحي طايرة كي شفتو لعشا درتو وانا عقلي معاه غير كملت لعشا قلت لماما نروح عند سارة قاتلي لاه من قبيل كنتي عندها قتلها هكذا مانطولش رحت نجري لبست عبايتي وخرجت نجري طايرة عندها حلت عليا لبابا لقاتني راح نطير قاتلي واش راح تفرفري من الفرحة قتلها علبالك جا زاكي قبيل قاتلي زاكي وقتاش جا هذا وين وجا وين كان قتلها جاني لدار وكان عندو خدمة قاتلي وانتي لاه فرحانة هكذا قتلها شفتو قاتلي ايه وامبعد قتلها كيفاه وامبعد وشفتو وهدرت معاه قاتلي ايه وامبعد واشنو قتلها واشبيك انتي ديما طيحيلي المورال قاتلي مانيش نطيحلك المورال بصح كي هدرتي معاه وشفتيه واش من فائدة واش تبدل هاو جا وراح سكت قاتلي نجاة تفيقي مع روحك ولالا قتلها لاه قاتلي نسيتي بلي السيد متزوج ولا لالا سكت قاتلي نجاة واش راكي ديري هكذا مزلتي مراهقة راكي تعرفي صلاحك خمي شوية ماتكونيش مراهقة السيد متزوج نحيه من راسك واذا دارك راح يديرك عشيقة وفالسر وإذا حابة ترخسي روحك وتكوني عشيقة فالسر الله يسهل عليك بصح ديري في بالك انتي الخاسرة خرجت ديراكت هبطت نبكي والله صح وليت مراهقة مافهمش واش صرالي ماكنتش ڨاع هكذا ضك وليت إنسانة بلا عقل وليت عايشة احلام وردية دخلت وخبطت الباب قاتلي ماما بعقلك طفلة واشبيك قتلها والو ودخلت لشمبرتي هزيت تلفون شفت مساج دخلو لقيتو هو عيطلي خاطر دايرة الكود نحيتو عيطتلو كوبا عليا زدت عيطتلو زاد كوبا عليا وبعثلي مساج شوية نعاودلك مديرونجي زدت عيطتلو كوبا وزدت عيطت حرقت عليه تلفون ريبوندا قالي وي نجاة راني مشغول نخلص برك نعاودلك قتلو اسمع انت ماتزيدش تعيطلي ولا جي عندي فهمت احشم على روحك راك متزوج عيب عليك قالي واشنوو كوبيت عليه وغلقت تلفون خلاص نفرق علينا سوق حتى انا مافهتش واشبيا جيحت هكذا لاه غير هو لي راجل ديجا عندي نبيل خير منو فالفيزاح ويحبني وعاقل وصغير ماشي كيما هو كبير ومتزوج وبولادو وكل ليلة مركبلي الخلعة و  مايتعاشرش وانا قاتلة روحي عليه معرف لاه ، جا بابا حطيت لعشا تعشينا غسلت لماعين خلصت رحت فتحت تلفون لقيتو حرقو بلي مساج هزي وافتحي تلفون ولا نجي ليك ظاهرة كي مافتحش لقيت بعثلي مساج راني توال داركم تهزي ولا نطلع عندكم رحت نجري طليت شفت طوموبيلتو مڨارية ياخاه عليه سمعت بابا يهدر درت صيلونص وخبيتو  وجيت سمعت يهدر فالتلفون قال وقتاش صرات هذه خلاص رانا جايين وكوبات قتلو بابا واش كاين قالي جدك برك فالسبيطار قاساتو طوموبيل قتلو كفاه هذا قالي ماعرف راح نروح نشوف قال لماما وجدي روحك قتلو بابا وانا قالي ابقاي هنا ضك نعيط لمومن يروح عيطلو قالو وينك انت قالو نص ساعة نجي قالو خلاص ملا حنا رايحين ازرب ختك فدار وحدها حنا رايحين لجدك قالو اك قالي اغلقي برك الباب مليح واعطاني تلفون ماما قالي هاكي كاش ما كاين عيطي مومن مايطولش قتلو اك خرجو غلقت الباب ولحت لشمبرتي شفت مساج دخل من عندو نحي الكود نهدر معاك وليت نحيت عيطلي قتلو وي ناض يعيط واشبيك اه قتلو والو قالي راني نهدر معاك واشبيك قتلو واش دخلك قالي اسمعي تعدلي فمك اقسم بالله نطلع عندك نكسرهولك سكت قالي يماك وباباك وين راحو ياخاه والله شافهم قتلو علاه تحوس قالي نجاااة راكي بديتي تقلقيني قتلو انت واش تحوس عندي علاه ماتفهمش قتلك بلي مانيش انا لي تحوس عليها روح خطيني قالي  علبالك بلي ضك نقدر ندخل عندك نورمال وندير فيك ما نحب وماعندك ماديري خلعني كوبيت ديراكت ياخاه شكون هذا زاد عيطلي كوبيت عليه بعتلي اقسم بربي وماتهزيش غير نطلع عندك هو كي يحلف خلاص هزيت قتلو خويا رآه جاي هنا قالي وامبعد قادر ضك نحرش عليه  كاش واحد وشوفي شكون يخلصك هو قالي هكذا وانا وليت نترعد ڨاع ندمت على نهار لشفتو فيه سكت قتلو انت تتفرج لهنودا بزاف قالي البكاية تاعي مزلتي صغيرة ومن حظن ولديك ماتخرجيش مزلتي ماتعرفي والو على شارع واش يدير علبالك تباتي ساعة فالشارع يحبس قلبك من الخوف مزلتي ماتعرفيش شارع واش فيه واش يدير الشارع فيه حوايج ما تلقايهمش حتى فلهنودة قتلو لاه انت وليد شارع قالي تقدري تقولي تربيت فالشارع وعشت فالشارع اذا انتي تباتي راقدة وتباتي تحلمي انا نبات فالشارع كون تشوفي واش نشوف انا وتعيشي واش نعيش انا تتشوكاي انتي مزلتي بريئة ونية قتلو بصح علاه تقولي هكذا قالي شفتك مزلتي بريئة مازلتي ماتعرفيش ناس واش دير على جال صلاحها ماتزيديش تقولي هنودة شفتي لحوايج لي يصراو هنا فليل فالشارع مايصراش فلهنودة شارع حاجة باشعة بزاف توقعي كلش سكت قال هاه زيدي قتلو علاه دير هكذا قالي انتي لي تخليني ندير هكذا سكت قالي قولي وين راحو داركم قتلو لجدي فالسبيطار قالي ولاه يخليك وحدك قتلو ضك يجي خويا قالي ماتخافيش راني هنا ارقدي مهنية انا نعس على البكاية تاعي والله لي يوصل باباكم نشعلو ديما يعطيني الامان سكت قالي نجاة لاه تهربي مني سكت قالي قولي قتلو نخاف منك وزيد متزوج قالي واش فيها كي نكون متزوج ياك حقي في 4 شكون يسالني قتلو وشكون هذه لي تخرب دار وحدة وتديلها راجلها قالي شكون قالك تخرب دارها راح يتزوج بالشرع والقانون ربي ما قالش زواج مرة ثانية خراب بيوت لي قادر يتزوج يتزوج على روحو مهم العدل مرتو ماتسالوش عجبها الحال تبقى ماعجبهاش تروح قتلو والله قالي لاه غلطت ياك مدارش لحرام  مع انو من الاحسن  يتزوج عليها قدام عينها خير و يعدل بيناتهم مرة هي مرة ضرتها وصاي خير مايروح يخونها وتديه هذيك ڨاع وتبعدو على مرتو وولادو والخيانة والحرام يزينهم الشيطان سكت قتلو حتى انت راك تخون في مرتك سكت   قالي خوك وجا كوبي قتلو باي وكوبيت وغلقت التلفون خبيتو سمعت الباب طبطب رحت فتحت لقيتو خويا حطيتلو تعشا وراح رقد وانا رحت لشمبرتي غلقت الباب فتحت تلفون لقيتو بعثلي مساج مدام جا خوك انا نروح حظنت تلفون كي المهبولة ورقدت بايتة نحلم بيه ، صباح روح بابا وماما من عند جدي ،  لعشية خرجت مع سارة رحنا الفارمسي باه نشرو دوا دخلنا شرينا وخرجينا جينا نمشو فاتت طوموبيلتو علينا عرفتو قتلها سارة زاكي قاتلي واشبيك فرحانة هكذا قتلها سارة واشبيك ديما طيحيلي المورال قاتلي يا الجايحة فيقي رآه متزوج واشبيك انتي قلقتني درنا لقيناه واقف يستنا فينا قاتلي هاه شفتي مايخافش حتى عليك وعلى سمعتك وقت لي يحب يجي يجي ماهموش ڨاع فيك كون جا صح عينو فيك كون رآه يخاف عليك بصح علاه يخاف عليك وانتي ديجا ماكيش خايفة على روحك قاعدة تبعي فيه تبعي ملا بصح سمحيلي مانيش حابة نتفضح معاك على جال واحد مايخافش عليك  وراحت خلاتني جا هو عندي قتلو واشبيك انت تبع فيا اخطيني سبحان الله ماتفهمش قالي واشبيك قتلو واش تحوس عندي قتلك اخطيني ياك ماشي بسيف وجيت ماشية حكمني من ذراعي هو حكمني وانا ركبني شيطان قتلو نحي يدك ماتزيديش تمسني شكون انت حتى تمسني قالي نقصي صوتك واهدري باحترام ماتقلقنيش قتلو وكي تتقلق واش دير قالي ماجربنيش قتلو مانجربك ما تجربني بعد عليا واحشم على روحك راك كبير ومتزوج قالي انتي راكي ديري هكذا غير كي عاد حسبتني متزوج قتلو مايهمنيش فيك و ماتزيدش تعيطلي خطيني تعيش قالي اذا حاسبتني متزوج والله ماني متزوج شفت معاه قالي والله بقيت ساكتة قالي هذا لي بيك سكت قالي ريحتي ضك قتلو بصح مكانش منها باين متزوج قالي والله ماني متزوج قتلو قول والله قالي والله قتلو ولاه ماتزوجتش راك كبير قالي كنت نستنى فالبكاية تاعي تكبر ضحكت قالي حتى انا فهمتها بلي راكي ديري هكذا كعدتي حاسبتني متزوج سكت فجأة شفت جارنا لي يسكن مقابيلنا تاع هذاك نهار لي هدر معاه  خرج بقا يتخنزر فيا راح ياكلني جا عندنا قالي نجاة بنتي كاش ماكاين قتلو لالا عمي مكان والو قالي ولاه واقفة هنا وحدكم هو شاف فيه بنص عين قالو انا لي حبستها قالو معليش حضارات كاش ما كاين مشكل قالو والو قالي تقدري تروحي رحت اييي هذاك المشكل طحت فيه كيفاه نفهم بابا سمعت جارنا عيطلي درت عندو جا قالي لاه حبسك قتلو سقساني على مومن قالي ولاه يسقسيك انتي يسقسي باباك ولا خاوتك قتلو ماعرف جيت نمشي كي شافني جا عندي سقساني قالي ماتزيديش توقفي معاه فالطريق وحدك اذا سقساك قوليلو ماعلباليش وروحي خليه قتلو وايه وجيت انا وياه طلعنا انا دخلت وهو دخل لدارو نسيت المشكل و  وليت طايرة كي عرفت ماشي متزوج ،رحت ندير فالعشا فرحانة سمعت خويا لكبير يعيط عليا عرفتها خبرو جارنا خرجت عندو قالي واش بغا عندك هذاك راجل قتلو سقساني على مومن قالي ولاه يسقسيك انتي قتلو ماعرف شافني جا عندي سقساني عليه بقا يشوف معايا قالي نزيد نشوفك واقفة معاه نكسرلك رجليك سكت ورحت للكوزنية والتلفون مافتحتوش ڨاع كعاد جات ختي