قيود زاكي

الجزء 36

الجزء 36
بقينا نستناو فيه حتى جا دخل راحت ام مريانا تجري عندو قاتلو زاكي تعيش اديها الفوق واهدر باباها وخوها هنا كون يسمعو كاش مايديرو فيها ولات تحاول فيه جا حكمها من ذراعها قالي انا وزينة الحقو انتما طلعنا الفوق جات ام مريانا والعجوز غلق عليهم الباب دخلنا لصالو وقف مريانا وزينة و انا قالي روحي لهيه واقعدي حتى جي دالتك رحت قعدت راح عند زينة هي لولا قالها علبالك بلي كانت تهدر معاه قاتلو ماعلباليش عطاها كف قالها ماتكذبيش ناضت تبكي قالها اهدري علبالك ولا لالا قاتلو ايه علبالي قالها من وقتاش وهي تهدر معاه قاتلو اليوم برك وين قاتلي هي عطاها كف وخرجها جا عند مريانا قالها نسقسيك وتكذبي نشويك قالها من وقتاش وانتي تهدري معاه قاتلو كيما جيت هذيك الليلة ولقيتني عند نجاة شاف معايا قالي قتلك وانتي كذبتيني وتحلفي كذب بصح معليش قالها نجاة لي قاتلك عيطيلو قاتلو لالا عيط عليها ماتكذبيش قاتلو والله ما هي قالها كانت معاك كي عيطتيلو قاتلو لالا ضربها قالها ماتكذبيش قتلك ناضت تبكي قالها بلعي حسك ما نسمعوش ولات تترعد انا لي جربت كفوفو كف واحد من يدو يطروش قالها جاوبي قاتلو والله ما كانت معايا كنت وحدي قالها لاه عيطتيلو بقات ساكتة قالها جاوبي لاه عيطيتلو لاه رخستي روحك عندو هو يقولك ماتعيطليش وانتي ترخسي في روحك وتحاولي فيه شفتك كي بقيتي تحاولي فيه باه يهدر معاك وهو غالق عليك تلفون بقات غير ساكتة قالها اهدري فاه خير منك هو حتى ترخسي روحك على جالو واش خصك عند باباك واش ناقصك حتى طيحتي بقيمتك وقيمة باباك وقيمتي مالقيتي حتى واحد بغير صاحبي باه طيحي قيمتي عندو انا واش درت معاك باه طيحي قيمتي بنت خويا بنت العز والجاه لي تربت غير فالحرير طيح بكرامتها لراجل ماشي سامع بيها قوليلي واش بيك حتى ترخسي روحك عندو هكذاك علبالك كي رحت عندو واش قالي قالي ماشي انا لي عيطتلها هي لي بقات تعيطلي وانا نلكيدي فيها عجبك الحال هكذا كي طيحتي بقيمتك انتي بنت خويا تحاول في واحد باه يهدر معاها بقات غير ساكتة وتبكي سمعها واحد الكلام حسسها باحقر وحدة على وجه الارض قالها شفتي هذه نجاة لي قدامك وشفتيني انا ماخلاتني نوصل ليها بسيف ليالي وهي مجرجرتني غير باه نسمع صوتها حفيت باه نوصل ليها خسرت كلمتها فيا كون ماشي حكموها خاوتها راني مزال نجرجر على جالها ديريها في راسك مليح الراجل يحب لي تبكيه ماشي لي تبكي عليه وتحاول فيه كي الكلبة كيما انتي هو غالق عليك تلفون بقات ساكتة قالها طيري من قدامي مانزيدش نشوف خليقتك راحت خرجت دار عندي قالي اتڨعدي نضت وقفت قالي وانتي لاه كذبتي عليا قتلو فاه كذبت قالي لاه قلتيلي ماعيطتلوش قتلو ماعلباليش قالي ماعلبالكش ملا ويعطيني كف طروشني قتلو واشبيك تضرب فيا انا واش دخلني فيها يماها انا حتى تحاسبني على جالها كبيرة تعرف صلاحها قالي ومزلكي تجاوبي فيا قتلو روح بعد عليا جيت ماشية حكمني من شعري رجليا تهزو من لرض شعري تڨلع وليت نعيط بالصوت قالي زيدي عاودي ردي لجواب في وجهي كون ما نكسرلك فمك قتلو اطلقني برك قالي تزيدي تعاوديها نحيك قتلو يا زاكي شعري فكني برك طلقني الجلدة تقطعت حكمت راسي قالي شوفي هنا عندي شفت معاه قالي من اليوم نسقسيك على حاجة ولا تخبي عليا حاجة المرة هذه نشويك سكت قالي مفهوم قتلو مفهوم وخرجت رحت لدوش شعري واقف وجهي مطراسي نخوف عييت نمس راسي باه نحكم شعري غسلت وجهي وخرجت رايحة لشمبرا دوزيام لقيتو خرج من الشمبرة قالي ارواحي هنا وين رايحة سكت قالي راني نهدر فتحت الباب لقيتو جا يجري حكمني من رقبتي ملور قالي مزلتي برك درت عندو قتلو بعد عليا ماتمسنيش قالي وين رايحة قتلو راح نرقد قالي واش قتلك عليها هذه ترقد وحدك قتلو مانرقدش معاك قالي رايك قتلو ايه ورايك انت قالي مزالتي برك ترجعلي فالجواب سكت قالي امشي قدامي قتلو راح نرقد هنا عيط عليا نجاااااااة مشيت رحت لشمبرة هزيت مخدة رميتها على سجادة ورقدت دخل عليا قالي اطلعي لبلاصتك بقيت ساكتة جا وقف على راسي قالي نوضي سكت قالي راني نهدر نوضي اطلعي لبلاصتك سكت قالي اقسم بالله وماتطلعيش غير نكسرك بقيت ساكتة قالي نجاة راني نضربك نضت قتلو واشبيك مانرقدش معاك بسيف قالي ايه بسيف هيا خلي الليلة تفوت علي خير هزيت المخدة رميتلو لغطا وجبدت وحدة ليا لفلفت روحي ورقدت على ما حطيت راسي رقدت ديراكت ،صباح فطنت لقيتو قدام لكوافاز قالي صباح الخير درت خليتو جا عندي قعد نحا عليا لغطا عاودت جبدتو هو يجبد وانا نجبد قتلو واش تحوس عندي روح خطيني قالي مزلتي قتلو واش لي مزالت روح خطيني ياك راني خطياتك قالي قتلك صباح الخير رجعيلي قتلو مانرجعش بعد عليا وجبدت لغطا عليا غطيت روحي عاود نحا عليا لغطا قالي زعفانة مني قتلو روح برك خطيني قالي والله كنت مقلق وانتي تاني خبيتي عليا شحال من مرة وانا نسقسي فيك وماحبيتيش تهدري قتلو روح خطيني قالي نجاة خلاص حياتي انتي غلطتي وانا عاقبتك هو قالي هكذا وانا هبلت نضت قعدت قتلو واشنو هذه غلطتي وانا عقبتك انا واشنو عندك مرتك ولا عبيد عندك باه كل ماغلطت تعاقبني قالي حاشا شكون قال عبيد قتلو واشنو ملا هذه تاع عاقبتك قالي ايه نورمال مرتي صغيرة وماتعرفش صلاحها غلطت وعاقبتها باه ماتزيدش تغلط معايا بقيت نشوف معاه مالقيت مانقولو واذا هدرت راح نبدا نخلط فالهدرة ونطيح قدامو ومانفيقش مع روحي قالي نجاة انتي مرتي شريكة حياتي اي حاجة تصرا فالدار تخبريني ماتخبي عليا والو الحاجة لي مانسمعهاش انتي تقوليهالي اذا عدتي انتي مرتي تخبي عليا في من راح ندير الثقة ملا قتلو واش راك تهدر انت لاه حتى نخبرك انا واش دخلني فيها لاه مريانا بنتي باه نخبرك عليها واش راهي دير واش دخلني ديجا انت واش دخلك فيها مريانا عندها باباها ويماها وخوها هما لي حاسبوها ماشي انت قالي ملا تحمد ربي لي طاحت في يدي وانا قتلك الف مرة مريانا راهي تغلط بركاي ماتغطي عليها كون قلتيلي من نهار لول بلي راهي تهدر مع طارق كون مانوصلوش هنا وانا نعرف واش ندير قتلو واش راح ديرلها غير راح تضربها قالي معليش تدي كف ولا زوج خير ما تروح ترخس روحها قتلو علاه ماشي على جالك رخست روحها قالي وانا لاه قتلو على جالك راح خلاها وماحبش يهدر معاها قالي سما انتي حابة تهدر معاه قتلو ماعندو مادخلني قالي ياو افهمي كون تبقا تهدر معاه وترخس في روحها راح طيح من عينو ويشوفها وحدة ماتسواش انا حابها تجرجرو باه يوصل ليها ماجيهش بالساهل وهو كي يشوفها مرخسة روحها مراحش يحافظ عليها خاطر هي ماحفظاتش على روحها حابو يحفى باه يوصل عندها واذا كان بيناتهم مكتوب لازم تكون هي بقيمتها ماشي مطيحة بكرامتها اذا يحبها يقصد باباها قتلو هاو قصد وانت ماحبيتش قالي اذا يحبها صح يقصد الف مرة ويحاول في باباها باه يمدهالو ماشي طيح بقيمتها قتلو هاك انت كنت تهدر معايا نورمال قالي وين هدرت معاك وانتي جرجرتيني قتلو مهم هدرت معايا والشي لي مادرتوش انت ماتستناش يديروه ناس قالي علاه انا ماحاولتش باباك روحي سقسيه نهار كومبلي وانا نحاول فيه ونقنع فيه وراح خلاني بلا ما يقولي ايه ولالا لعشية باه عيطلي وتفاهمنا سكت باسني على خدي قالي خلاص حياتي ماتكبريهاش قتلو ماشي بالسهولة هذه مانيش حيوان عندك باه تضربني وترجع عندي نورمال كون غير درت حاجة نستاهل الضرب عليها تحاسبني على غلط غيري قالي انتي ثاني غلطتي قتلو زاكي كرهت من العقلية هذه تاع كل ما غلطت نتحاسب لاه انا معصومة من الخطأ قالي ماشي معصومة بصح لازم تتعاقبي وانا لي نعاقبك قتلو وانت كي راك تضرب فيا هكذا شكون يعاقبك قالي انا نعاقب روحي والله مانحب نهز يدي بصح انتي تخليني نهز يدي قتلو روح عليا روح وغطيت راسي ناض خرج نضت وراه غسلت وهبطت رحت ديراكت لكولوار تاع ام مريانا لقيت ام مريانا قتلها صباح الخير رجعتلي قتلها وينها مريانا قاتلي في شمبرتها قتلها ناضت ولا مزال قاتلي ماعرف عليها الكلبة قتلها لاه مسكينة قاتلي عييت فيها اخطيك منو اخطيك منو وماتسمعش الكلام كون طاحت في يد باباها ولا خوها كيفاه تخلاص هذه الديڨة ماشي خلات داري مافهمتش انا واشبيها السيد كبير قد باباها وهي مغلوثة عليه سكت قاتلي انتي ثاني ضربك سكت قاتلي حتى انتي مامنعتيش قتلها نروح عندها نشوفها قاتلي روحي عندها رحت فت عندها لقيتها متغطية وتبكي قتلها نوضي نهدر معاك ناضت قعدت قتلها كون غير انا هذاك الوقت ديت طريحة من عمي ولا يحكمني بابا وخاوتي قاتلي كون حكموني نستاهل طيحت بقيمتهم قتلها لاه طيحي بقيمتهم غلطتي هدرتي معاه هدرة ولا زوج وديتي طريحة وفاتت راح تبقاي غير تبكي قاتلي قاسني عمي بالكلام بزاف قتلها واش صرا معاك صرا معايا انتي اوموا عمك انا حكمني بابا كون مزربش جا زاكي خطبني كون قتلت روحي قاتلي علبالك كرهت طارق من الكلام لي قالهولي عمي قتلها خلاص غلطتي غلطة وفاتت نوضي غسلي وجهك ماشي راح تقتلي روحك على جالو قاتلي ايه عندك الحق واحد ما يستاهل دموعي سورتو طارق من البارح نحيتو من حياتي قتلها حتى انا قلت كيما انتي نهار حكمني بابا زاكي صيبو وشوفي المكتوب راني هنا معاكم قاتلي ضربك انتي ثاني قتلها ايه وشعري يظل يشكر فيه حتى ڨلعهولي البارح ضحكت قتلها هيا نوضي نفطرو الميناج يستنا فينا ناضت قاتلي نغسل ونجي رحت خليتها جات فطرنا مع بعض درنا الميناج لغدا حطينا لغدا نتغداو زاكي دخل لاح سلام وجا قعد مريانا ناضت قالها وين رايحة بقات ساكتة قالها اقعدي كولي نهدر معاك شاف معايا قالي نوضي انتي حطيلي ناكل نضت حطيتلو بقينا ناكلو حتى قال لام مريانا السمانة الجاية راح يجو يخطبو مريانا قاتلو شكون قالها ناس كيما حنا قاتلو بصح شكون قالها كي يجو تشوفيهم وجدي روحك ناضت مريانا خرجت شاف مع زينة قالها انتي ثاني بعدها راح يجوك يخطبوك قاتلو انا قالها ايه انتي قاتلو مانقبلش رما الفرشيطة قالها وعلاش يا لالة قاتلو مزال شوية قالها واش لي مزال قاتلو مزلت صغيرة قالها واش الصغير فيك مرتي راهي قل منك السمانة الجاية نمدكم في زوج مراحش نستنا كل نهار وحدة ديرلي ديڨا فدار دخلت لعجوز قالها يما سمانة الجاية راح يجو يخطبو مريانا لغدوا وراها يخطبو زينة قاتلو مرحبا بصح شكون هذو تعرفهم قالها ايه قاتلو ملا ربي يتمم على خير تغدا وناض قالي ارواحي انتي وراح طلع لشمبرة قالت زينة لعجوز يما انتي قابلة قاتلو ولاه مانقبلش روحو تزوجو واش بقالكم قريتو كملتو قرايتكم درتو ديبلوماتكم صاي ماعندكم ما تستناو قاتلها وانتي رضيتي بلا ما تعرفي شكون قاتلها مدام قبل زاكي ماعندي حتى شك زاكي مراحش يرميك كون ما شافش بلاصة مليحة ما يقبلش قالت لام مريانا وانتي راح تقبلي قاتلها ايه واش ندير بيها تحوسي تتعاود الحكاية تاع البارح سمعتو يعيط عليا نجاااة خرجت رحت دخلت للكولوار لقيتو فالدروج شافني طلع لحقتو دخلت لشمبرة قالي راح ندوش اعطيلي قشي فتحت لخزانة جبدتلو شورت وتريكو جا ورايا حظني وباسني على خدي قالي مزلتي زعفانة مني بقيت ساكتة قالي حياتي خلاص سكت زاد باسني ودورني عندو حكملي وجهي مهبطة عينيا قالي شوفي عندي ماحبيتش نشوف قالي غير شوفي عندي شفت معاه قالي نحبك ماتعذبنيش فكيت روحي منو عطيتلو قشو وجيت خرجت قالي اهربي على روحك خرجت هبطت لتحت ،فاتت سمانة وانا مصمطاتو ما لقى مايدير معايا ويبقا كي عوايدو يعيط مهملتني وماهيش مقيمتني انا نسكت نخليه يدير كلش وحدو نحيتلو ڨاع دلال هذاك ،اليوم راح يجو الخطابة عند مريانا سقسيت ام مريانا معلبلهاش شكون هذو قاتلي معلبلهاش وباباها اليوم باه يروح حتى زاكي قالو جايين خطابة لبنتك ارواح وراه جاي مريانا صبحت تبكي قتلها لاه قاتلي مانيش حابة تمنيتو يكون طارق قتلها ياك قلتي نحيتو من بالي وخلاص قالي قلبي لي يحوس عليه واذا قدرتي تنحي زاكي من بالك حتى انا ضك نحي طارق من حياتي وقت لغدا جات جميلة وامها غير شفتها قلقت هذه المرة ديما مانحملهاش عندي حساسية كبيرة منها كنا نتغداو حتى دخل علينا زاكي لاح سلام وقعد نضت حطيتلو يتغدا عطاني تلفون قالي هاكي طلعيه يتشارجا فابل نضت ديتو طلعت لشمبرة حطيتو شفت كادو محطوط على السرير فتحتو لقيتو جابلي تلفون ومعاه بارفا وساعة عجبوني يهبلو هبطت التحت دخلت شاف معايا هبطت راسي وبقيت ناكل كملنا ناضت قاتلي ام مريانا انتي اغسلي لماعين معليش قتلها ايه نورمال روحي برك وجدي روحك قاتلي جميلة هاتي ضك نعاونك قتلها خلي ضك نغسل وحدي قاتلي لالا معليش وتتمعڨن في هدرتها وجعتلي قلبي سكت ناضو خرجو بقيت انا وياها ماهدرت معايا ماهدرت معاها خلصنا قتلها روحي برك ضك نسيق الكوزنية وحدي قاتلي ملا نروح نوجد روحي قتلها لاه جايين يخطبوك انتي قاتلي لازم وخرجت سيقت كملت ورحت عند مريانا نشوفها كيفاه جات دخلت عليها لقيت زينة تماكييلها جات تهبل بالمكياج هي شعرها مقصوص ديقرادي قصير شوية طلقاتو لبست روبة فالروز ستيل قفطان بالحزام جات تهبل تهبل حتى زينة ستيكات روحها دخلت ام مريانا قاتلي وانتي نوضي وجدي روحك مابقاش يوصلو قتلها وانا لاه نوجد روحي قاتلي نوضي نوضي تحوسي يجو يلقاوكم زي الغولات باه يقولو مهملين رواحهم هيا نوضي قتلها كي قريب يجو ضك نلبس روبة ندير سامبل ونقعد قاتلي ديري سامبل نوضي تشوفي ضرتك واش راهي لابسة قتلها شكون ضرتي قاتلي ارواحي تشوفيها خرجتني للكولوار قاتلي طلي طليت لقيت زاكي قاعد على الكرسي فالهول مع عجوزتي وام جميلة وجميلة واقفة لابسة روبة فالنوار تاع برا من الفوق سيري والتحت لارج وطالقة شعرها كي شفتها لابسة هكذا قدام زاكي ضربني سيلان وليت مانضويش درت عند ام مريانا قتلها واشبيها هذه لابسة قدام زاكي هكذا قاتلي من بكري دور بلا خمار فالدار قتلها كيفاه دور بلا خمار قاتلي ايه دور قدامهم نورمال ماشي زاكي برك ڨاع ماشي بنت عمهم نورمال قتلها واشنو نومال كيفاه توقف قدام راجلي هكذا قاتلي نجاة فالحاجة هذه من بكري تمشي بلا خمار قدامهم ماشي زاكي برك حتى راجلي سلافي وليدي ولاد عمومها ڨاع وماشي هي برك بنات عمومهم وخوالهم ڨاع نومال قعدت غير نشوف بصح شعلت نار في قلبي كيفاه تلبس هكذا قدام راجلي وزيد مقبلاتو وليت طليت بقيت نشوف اسكو يشوف معاها ولالا كون يشوف معاها اليوم نشعل عليه دار بقيت نشوف ما شافش ڨاع معاها يهدر غير مع يماه وليت خرجت غير شافني عيطلي رحت عندو شفت معاها لقيت طابلو في وجها لحماير حرقاتو لخر قتلها علبالك كي شفتك هكذا استغربت قاتلي لاه ماعرفتنيش قتلها لالا ماشي لدرجة هذه بصح استغربت برك قاتلي علاه قتلها كي شفتك بلا خمار قاتلي واش فيها قتلها حنا عندنا مانخرجوش قدام ولاد عمومنا بلا خمار قاتلي عندكم ماشي عندنا شفت مع زاكي قتلو ولاه ماقتليش بلي عندكم نورمال ضحك قالي انا حكيتلك على دارنا ماشي علي ناس قتلو ايه معليش قالي روحي طيبيلي قهوة روحي رحت دخلت الكوزينة جبدت لبراس وبقيت نخبط عقل ماقعد في راسي واش يطفي ناري هذه لاه قعدت على راسي مانتنهاش منها حتى تروح تتزوج درت قهوة حطيت لبراس لقيتو جا وريا باسني على رقبتي قالي ياعمري غارت درت عندو قتلو انت عجباتك كي راهي دور قدامك هكذا قالي وانا لاه تعجبني لاه مرتي حتى تعجبني قتلو لالا راني نشوف فيك فرحان قالي صح فرحان بصح ماشي على جال جميلة فرحان خاطر غرتي بقيت نشوف معاه قالي علاه اول مرة نشوف جميلة بلا خمار جميلة تربات معايا بنت عمي تربينا في دار وحدة وكبرنا مع بعض يعني ماشي حاجة جديدة قتلو كي كنتو صغار حاجة وكي كبرتو حاجة قالي ومبعد وشراح يتبدل قتلو ماحقهاش تخرج هكذا قالي نورمال ماشي حاجة جديدة قتلو ملا من اليوم حتى انا نخرج بلا خمار قدام ولاد عمومي وياربي وتهدر كلمة حكمني من ذراعي واشنو هذه ياربي تهدر كلمة وتخرجي بلا خمار ندفنك في بلاصتك فهمتي ضربت يدو بعد عليا انت شاطر غير عليا قرصني من ذراعي بكيت قالي ريڨلي فمك لا نكويلك لسانك قتلو اطلقني برك قالي زيدي عوديها بعدتو عليا وخرجت رحت ديراكت بقات عجوزتي تعيط عليا رحت خليتها قالت لزاكي واشبيها هذه قالها خليها برك طلعت الفوق خبطت الباب مريض قاعد على الكرسي الكلبة تاعو مقبلاتو ملهيه وانا دايرني غير لضرب وهذيك الكلبة كون نحكمها ناكلها بقيت ندور فالشمبرة كي المجنونة رايحة جاية شعلت ولهبت واش يطفي ناري