A Wife's Suffer

Chapter 53: Name

A/N: Hi guys! Ito na po yung Chapter 53. Sorry po kung may mga ibang part na medyo ko iniba kasi hindi ko na po masyado matandaan pero atleast nasupply ko naman itong blangkong chapter for you guys. Thank you guys ng sobrang rami dahil rank 12 po tayo sa romace section! Hindi ko po macontain ang happiness sa katawan ko. Thank you so much and yeah thank you po talaga sa mga sumusuporta sa story ko. Love you all!

LUCKY'S POV

Masaya kong minulat ang aking dalawang mata pero nadismaya lang ako dahil sa pagtingin ko rin sa aking tabi sa kama ay wala na naman ulit siya. Nakaalis na ata siya, sabi ko sa aking utak. Bago pa ako bumangon ay hinimas ko ulit ang aking sinapupunan. Hindi ko mapigilan na matuwa dahil totoo nga ang sinabi ni Stephen sa akin na ang gender nga ng aming baby ay boy.

"Mamaya sasabihin ko kay Daddy na ang gender mo ay boy. Sigurado akong matutuwa iyon sa iyo at mas lalo ka pa niya mamahalin." Nakangiti kong sabi sa aking baby habang hinihimas ko ang umbok kong tiyan.

Ano kaya magiging pangalan niya? Isipan ko na kaya ng magiging baby boy namin oh hintayin ko na lang si Stephen mamaya para sabay kami mag-iisip ng pangalan ni baby boy.

Bumangon na nga ako at inayos ko na an gaming kama sunod naman iyon ay ginawa ko na ang morning routine ko.

Ngayon ay nandito ako sa library namin at nasa harap ako ng desktop. Hindi kasi akong makapaghintay pa para bumuo ng pangalan ni baby boy kaya naisipan ko na lang na kapag nakabuo na ako ng pangalan ay isusuggest ko kay Stephen kung maganda ang mabubuong kong pangalan kay baby.

Matapos ng dalawang oras mahigit ay nakapaglista na ako ng maraming pangalan at may meaning pa ang bawat pangalan dito. Ayoko kasi na kapag nagpapangalan ako ng magiging baby boy namin eh walang ka meaning meaning.

Masasabi kong mahirap talaga makahanap at makabuo ng pangalan dahil gusto ko kasi bagay na bagay sa baby ko yung pangalan niya at eksaktong eksakto sa kaniya kapag lumabas siya.

"How about this one baby boy?" hinawakan ko sa isang kamay ang baby bump ko at sa isa naman ay sa isang papel na nakalista doon ang mga pangalan ng lalaki pero babanggitin ko lang ang final na name para sa kaniya. Sana magustuhan niya ito kasi nagpakahirap talaga ako at pinag-isipan ko pa talaga.

"Felix Gilbert. Felix for happy and fortunate while Gilbert means a bright lad. Gusto ko sa paglabas mo baby ay lagi kang nakangiti at kahit sa paglaki mo ay patuloy ka lang maging masaya. Isa ka sa mga maswerte na babies kapag nilabas ka na kasi makikita moa ng lahat ng creations ni God and for sure sabi nga ng Daddy mon a malakas ang genes nila kaya sure na sure ako na matalino ka." Paliwanag ko sa baby ko habang himihimas ko ito.

"Ano baby boy, do you like your name? Felix Gilbert." Pagkasabi ko sa kaniya iyon ay pinapakaramdam ko kung sisipa at oo nga sumipa nga siya ng tatlong beses. Hindi ko mapigilan na magulat dahil ito ang first time na sumipa siya sa sinapupunan ko. For sure mamaya magugulat at matutuwa si Stephen dahil gusto ng baby ko na nabuo kong pangalan sa kaniya.

"Nakakabored naman dito sa bahay noh baby? Punta tayo sa mall para magkaroon na rin ako ng idea kung ano ang dapat bilhin sa iyo." Pagkasabi ko iyon sa kaniya ay nagsimula na akong mag-ayos sa sarili ko.

Nakafloral dress ako ngayon na hanggang tuhod pero sa dahil may bump nga ang tiyan ko ay umangat lang ito ng konti. Pagkalabas ko sa bahay namin ay sumakay ako sa taxi at sinabi ko kung saan ako ibababa.

Isang oras rin ang naging paglalakbay namin kaya ng nakarating na kami sa destinasyon ay nagbayad na ako sa kaniya at bumaba. Malaki itong mall na napuntuhan ko at sigurado akong maliligaw ka talaga kung first time o second time mo pa lang dito pero dahil sa nagpupunta kami dito dati ng mga kaibigan ko nung mga college days ko ay naalala ko pa rin ang loob nitong mall.