Kinabukasan, inihatid na nila Gerald at Sarah si Richard sa kanyang opisina. Umakyat muna sila sa mismong opisina nito dahil may mga ibibilin daw ito sa kanila.
“Sarah, please be mindful of your surroundings. Makiramdam ka dahil hindi mo alam kung sino ang may mga masamang balak sa’yo, nasa paligid lang sila.” Pagpapaalala ni Richard kay Sarah
“Yes kuya. I can handle myself already saka don’t worry kasama ko naman si Gerald eh.”
“Gerald, bantayan mo ng maigi yan ah. Wag kang titingin tingin sa iba.”
“Yes sir Richard. Makakaasa po kayo.”
“And Sarah, one last thing.” Pahabol ng kanyang kuya
“Ano yun kuya?”
“Behave, ok? Siguraduhin mo lang na si Gerald lang ang kasama mo ngayon. Ayaw kong malaman na makikipagkita ka kung kaninong manliligaw mo. Dapat dadaan muna sila sa akin.” Seryosong sabi ni Richard
Lumapit si Sarah sa kanyang kuya at hinalikan ito sa pisngi, “I promise I will behave. Saka parang wala ka namang tiwala sa akin niyan kuya eh.”
“I’m just making sure. Ayaw kong mapahamak o masaktan ka.”
“OA ka naman sa pagkaprotective kuya.” Pang-aasar ni Sarah
“OA na kung OA pero ganun talaga. Mahal kita eh.”
“Nako, si kuya. Nagdadrama. Sige na kuya, aalis na kami.” Pagkasabi nito ay muli niyang hinalikan ang pisngi ng kanyang kuya
“Sir Richard, aalis na po kami.” Pagpapaalam ni Gerald
“Mag-ingat kayo. At Gerald, dahan-dahan sa pagmamaneho.”
“Opo.” At tuluyan ng lumabas ng opisina ni Richard ang dalawa
*************
Habang nasa kotse
“Pagpasensyahan mo na si kuya ah. Medyo OA lang kung minsan yun.”
“Wala po yun ma’am.”
“Di’ba sabi ko Sarah na lang?”
“Sarah. Wala yun Sarah, kung ako din may kapatid na babae katulad din siguro ako ni sir Richard.”
“Ganun. Gerald, wag kang mahihiya sa akin ah. Gusto lang kitang makilala ng lubos lalo pa’t ikaw ang nagligtas sa buhay ng kuya ko. Gusto ko rin na kahit papaano ay mabago ko yung impression mo sa akin. Alam kong hindi maganda yung unang encounter natin.” Nakangiting sabi ni Sarah
“Gusto ko na nga magpasalamat sa’yo kasi ang bait mo sa akin.”
“Oo naman, halos pamilya na rin ang turing ko sa’yo. Kung wala ka, baka wala na rin si kuya.”
“Salamat ah. Mahal na mahal mo talaga ang kuya mo.”
“Oo. Siya lang kasi sa pamilya, maliban kay daddy, ang tumuring sa akin na parang tunay niyang kapatid.”
“Di’ba magkapatid naman talaga po kayo ni sir Richard?” Nagtatakang tanong ni Gerald
“Magkapatid kami sa papel pero hindi kami magkadugo.” Maiksing paliwanag ni Sarah
“Ibig pong sabihin?”
“Ampon lang ako ng pamilya nila kuya Richard. At sa kanilang 3 magkakapatid, tanging si kuya Richard lang ang tumanggap sa akin ng buong buo.”
“Pasensya na po ma…Sarah. Hindi ko naman sinasadyang ungkatin yan. Hindi ko sinasadyang masyadong maging personal yung mga malaman ko sa’yo.” Nahihiyang sabi ni Gerald
