Law of Attraction

Film 15

Paige Maree's

'i know you hate almonds. you deserve someone who knows small details about you. someone who knows that your ovaltine and kitkat favs are to die for :)'

Nagkaroon na agad ako ng hinala kung sino 'yon. Writing pa lang, kilalang kilala ko na agad. Pero baka naga-assume lang ako? I'd chat him later once I get home.

"Kilala mo na ba?" Alissa asked.

"Hindi," tipid kong sagot bago nilapag yung bag ko ay ipinasok do'n yung mga pagkain na nasa desk.

"Sus, apaka denial." Kylie said. Sabay na silang umupo sa mga upuan nila.

"Sino ba kasi?" I asked them.

Si Kylie lang yung lumingon sa akin tapos nginuso yung bakanteng upuan sa tabi ko. Tama nga ang hinala ko.

"Pa'no niyo nalaman?" I asked Alissa again while we were eating snacks during recess time.

Nakaupo kami ngayon sa ilalim ng acacia tree, hinihiling na sana totoo nga yung sabi ng kabilang section na absent yung teacher namin. Sana naman wala siyang iniwan na gawain.

"Ikaw na nga lang hindi nakakaalam," she answered me pero naguguluhan pa rin ako. Alam ko naman ah, umamin naman sa akin si Red na gusto niya ako?

"Ano bang hindi ko alam?" I asked again.

"Red has a crush on you since elementary pa grabe ka!" sabat ni Kylie habang nilalapag yung mga pinamili niyang juice. Nagpresenta kasi siya kanina na siya nalang daw bibili.

"Ano?" naguguluhan kong sabi.

Ate Dayana's wedding was the first time I've seen him, or at least that was what I remembered.

I transferred here when I was 9 years old, when Mom and Dad divorced. Hindi ko maalalang naging magka-klase kami. Akala ko nga he just transferred here.

"Nakakastress naman 'to," biro ni Kylie. Tumawa naman si Alissa at napailing.

"Crush ka na niya no'ng grade 3. Bagong transfer ka pa no'n. Ewan, malay ko bang gano'n ka loyal si Red." Alissa explained.

"Ba't hindi ko alam? 'Tsaka bakit ako?" I asked.

"You ignore motives, Paige. Iniisip mong hindi mo deserve, tinatanong mo agad kung bakit ikaw kagaya ng ginagawa mo ngayon." Alissa said. Natahimik ako.

Kinuha ko agad yung cellphone ko pagdating ko sa bahay.

Paige Maree:
Bukas ba competition proper niyo?

I asked. Sa susunod na araw pa sila uuwi, nasabi niya sa akin kagabi. Kailangan ko pang magbihis ngayon kasi sa labas kami kakain. Saktong pagbukas ko ng closet ay kumatok si Jea.

"Do you have spare clothes?" She asked pagkatapos ay pinakita niya sa akin yung bitbit niyang damit.

"What happened?" I asked. May mantsa na kasi yung damit niya.

"The usual," she shrugged. I sighed. Nag-away na naman ata yung dalawa tapos nadamay na naman si Jea.

"I brought extra clothes naman but it's too revealing for dinner. Pang-beach 'yon, akala ko kasi magbe-beach tayo," she said.

Sabay kaming naghanap ng mga damit sa closet ko. Wala akong revealing clothes, I don't even wear sleeveless top or crop top. Tingin ko ay hindi bagay sa akin. Kung maganda lang yung katawan ko, magsusuot naman ako ng gano'n.