ဆံညိုရှည်လေးနှင့်ကလေးမလေးသည်လည်း သူ၏ဆံပင်ရှည်လေးအား အရှေ့အနောက်အားကုန်လွှဲကာ Rocker များသဖွယ်ပြုမူ၏။ ကလေးမလေး၏အစ်ကို ကလေးမလေးအခေါ် "တိုတိုဘုန်း" သည်လည်း သူ၏လက်ညှိုးလေးနှစ်ချောင်းအား သူငယ်တော်များကသလို ခပ်မြန်မြန်လှုပ်ရှားရင်းကလျက်ရှိ၏။
ထိုကလေးနှစ်ယောက်ကိုချီပြီး အရူးအမူးကနေသူမှာ ကလေးတို့၏ ဖေကြီး ဦးအောင်ဘုန်းဟန်တည်း။
သို့ဆိုသော် မိုက်ခ်ကိုင်ထားပြီးပုဆိုးတိုတိုဝတ်ထားသူမှာ မည်သူနည်း။
ထိုစဥ် အိမ်ရှေ့တံခါးဝတွင်ယောဂီဝတ်စုံဝတ်ထားသော အမျိုးသမီးတစ်ယောက်သည် ဧည့်ခန်းထဲမှမြင်ကွင်းအား ရင်ဘက်ကလေးဖိကာပါးစပ်အဟောင်းသားဖြင့်ငေးကြည့်နေရှာ၏။
သီချင်းနောက်တစ်ပိုဒ်မစမီတီးလုံးသံတိုးသွားချိန်...
"အမလေး ကိုမြတ်ဟန် !! "
"အယ် မေ..."
မိုက်ခ်ကိုင်ထားသော ဦးမြတ်ဟန် မိမိနောက်ပါးဆီမှထွက်လာသောအသံလေးကြောင့် လှည့်ကြည့်လိုက်ကာမိုက်ခ်ကိုင်ထားရင်းတန်းလန်းဖြင့်ထူးလိုက်ခြင်းဖြစ်သည်။
"ဖွားဖွား"
"ဖေဖေ"
"အဟီးးး...ချမ်း "
ကလေးနှစ်ယောက်သည် သူတို့ဖေကြီးလက်ပေါ်မှဆင်းကာ ဖေဖေဖြစ်သူထံပြေးသွားပြီး ခြေထောက်တွေကိုတစ်ယောက်တစ်ဖက်စီတွဲခိုထားကြပြန်သည်။ အဆူခံရတော့မည့်အရေးကြိုမြင်၍ လာရောက်ကပ်ဖားရပ်ဖားလုပ်နေသည်ဆိုလည်းမမှား။
သင်္ကြန်အကြိုနေ့မို့ ဖွားမှုံနှင့်မိခင်ဖြစ်သူတို့ ဥပုသ်သီလယူနိုင်ရန်အတွက် ချမ်း,တစ်ယောက်ဘုန်းကြီးကျောင်းလိုက်ပို့ခြင်း။ သူတို့ဘုန်းကြီးကျောင်းသွားမည့်အချိန် ကလေးတွေနှင့်
သူ၏အိမ်ဦးနတ်ကမနိုးသေး၍ချမ်း,တစ်ယောက်တည်းသာ ကားမောင်းလိုက်ပို့ရ၏။ အဖေကတော့ဗိုက်အောင့်သည်ဟုဆိုကာ အိမ်မှာကျန်နေခဲ့ခြင်းဖြစ်သည်။ဘုန်းကြီးကျောင်းရောက်တော့ ဥပုသ်သီလယူပြီးခါမှ မေမေတစ်ယောက်ခေါင်းထဲရိုးတိုးရိပ်တိပ်ဖြစ်လာသည်ဆိုသောကြောင့် အိမ်မှာဘဲသက်သောင့်သက်သာသီလဆောက်တည်နိုင်ရန် ပြန်ခေါ်ခဲ့ရ၏။ ဖွားမှုံကတော့ဘုန်းကြီးကျောင်းတွင်ပင်ကျန်ရစ်ခဲ့သည်။
DU LIEST GERADE
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
Thingyan Extra (U+Z)
Beginne am Anfang