စုရွေ့ကျယ် လမ်းဘေးနားမြေပြင်ပေါ်တွင်ထိုင်ချလိုက်ပြီး လတ်ဆတ်သော အသီးအရွက်များ၊ ဖရဲသီးများနှင့် သစ်သီး၀လံများကို မြေပြင်ပေါ်ဖို့ချခင်းလိုက်ပြီး အော်လိုက်သည်။
"ကျနော့်ကိုယ်ပိုင် လတ်လတ်ဆတ်ဆတ် သစ်သီး၀လံတွေနဲ့ ဟင်းသီးဟင်းရွက်တွေရမယ်နော်။ ဈေးပေါပေါနဲ့ အရသာလည်းရှိတယ်"
ဟင်းသီးဟင်းရွက်လာ၀ယ်ကြသော ဦးလေးများနှင့် အဒေါ်များက သူဆွဲဆောင်လိုက်ခြင်းကြောင့် သဘောကျကြမည်မှာ သေချာသလောက်ရှိသည်။ အများစုက မနေ့ကသူ့ထံမှ ချယ်ရီသီးများ၀ယ်ခဲ့ကြသူများဖြစ်ပြီး ယနေ့သူ့ကိုမြင်ကြသောအခါ ချက်ချင်းပဲ ကြိုဆိုကြလေသည်။
" ကောင်ငယ်လေး* မင်းမနေ့ကရောင်းတဲ့ အာလူးနဲ့ သခွားသီးတွေရှိသေးလား "
ဆံပင်ဖြူနေတဲ့အမျိုးသမီးကြီးက ပြုံးလျက်မေးလာလေသည်။
" ငါ့ရဲ့မြေးလေးက သက်သတ်လွတ်အစားအစာတွေဆိုမကြိုက်ခဲ့ပေမယ့် မနေ့က မင်းဆီက၀ယ်သွားတဲ့အစားအစာတွေကိုတော့သူကြိုက်တယ်လေ။ နောက်ထပ်အပိုထမင်းတစ်ပန်းကန်တောင် ထပ်စားလိုက်သေးတယ်။ "
"ဟုတ်ကဲ့ အဖွား ဘယ်လောက်လိုချင်လဲဗျ "
"အာလူးငါးလုံးနဲ့ သခွားသီးနှစ်လုံးပေးပါ "
"ကောင်းပါပြီအဖွား ယွမ်နှစ်ဆယ်ပါ "
"ဒီမှာ "
ဈေးကသိပ်မသက်သာသော်ငြား လူငယ်လေးကို ဘယ်သူကကိုယ်တိုင်အသီးအရွက်တွေစိုက်ပျိုးခိုင်းလို့လဲ။ ဒီလိုလတ်ဆတ်ပြီး အရည်အသွေးကောင်းတဲ့ အသီးအရွက်တွေရဖို့ဆိုတာခက်သည်လေ။ နည်းနည်းလေးဈေးပိုကြီးရုံလောက်က သိပ်မဆိုးပါဘူး။
ဒီနေ့တော့ စုရွေ့ကျယ် အလွန်ကြီးမားကြီး ဖောက်ထွင်းမမြင်နိုင်သည့် အိတ်တစ်လုံးယူခဲ့လေသည်။ သူနှစ်ကြိမ်တိုင်တိုင် တိတ်တဆိတ်ထပ်ဖြည့်ခဲ့ပြီး တစ်မနက်ခင်းလုံးရောင်းနေခဲ့ကာ ပိုက်ဆံအမြောက်အမြားရခဲ့၏။
သူပိုက်ဆံတွေကို တစ်ရွက်ပြီးတစ်ရွက်ခေါက်ကာ အားကစား၀တ်စုံအိတ်ကပ်ထဲသို့ထည့်လိုက်ပြီး အိတ်နဲ့လှည်းကိုသိမ်းကာ အိမ်ပြန်ခဲ့လေသည်။
YOU ARE READING
My Cherry Will Explode in the Apocalypse 《Myanmar Translation》
Romance《 ငါ့ချယ်ရီက ကမ္ဘာပျက်ကပ်ကြီးမှာ ပေါက်ကွဲလိမ့်မယ် 》 ပျက်ကပ်ကြီးမတိုင်မီပြန်လည်မွေးဖွားလာခြင်းရဲ့ အရေးကြီးဆုံးအရာကအဘယ်နည်း? အစားအစာအသီးအနှံတွေသိုလှောင်ခြင်းလား? ဘယ်ဟုတ်လိမ့်ပါ့မလဲ အဲ့ဒါက ပြန်မမွေးဖွားမီ အတိတ်ဘ၀ရဲ့အရေးအပါဆုံးသောသူကိုရှာဖွေဖို့ကြိုးစ...
𝙲𝚑𝚊𝚙𝚝𝚎𝚛 𝟹 《ဆက်ဆံရေးက အလွဲတစ်ခုနဲ့စတင်ခဲ့တယ်》
Start from the beginning