Bang Yedam။
သူက ကျွန်တော့်အပေါ်ကောင်းပေးတဲ့ တစ်ယောက်တည်းသော သူ။ကျွန်တော့်ထက် အသက်ကြီးပြီး ရင့်ကျက်တယ်။ကျွန်တော် သူ့ရဲ့ကြင်နာမှုတွေကိုမြင်ရပြီးပြီးချင်း ပါးစပ်ဖျားပထမဆုံးထွက်သွားမိတဲ့ နာမ်စားက Hyungတဲ့လေ။ ခင်ဗျားတို့ ဒီစကားကဘယ်လောက်လေးနက်မှန်း သိမှာမဟုတ်ဘူး။
Hyungက တက္ကသိုလ်မှာ အင်္ဂလိပ်စာသင်ေနတဲ့ ပါမောက္ခတစ်ယောက်။ နောက်ပြီး ကျွန်တော့်ကိုကူထိန်းကျောင်းပေးနေတဲ့ အိမ်နီးချင်းအကိုဆိုလည်း ဟုတ်တယ်။ ကျွန်တော်ကတော့ သူ ဂိုက်ပြပေးနေတဲ့ အထက်တန်း ကျောင်းသား။
ကမ္ဘာပေါ်မှာ ကျွန်တော့်ကိုကောင်းပေးတဲ့သူ တစ်ယောက်မှမရှိကြဘူး။ကောင်းပေးချင်စရာအကွက်လည်း တစ်ကွက်မှမှမရှိတာ ကျွန်တော့်အဖေနဲ့အမေနဲ့ကတောင် ကျွန်တော့်ကို "ဂြိုလ်ကောင်လေး"ဆိုပြီး အမြဲဆဲရေးနေကြသေးတယ်။ဒါပေမယ့်လည်း ကျွန်တော်ကတော့ ဂရုမစိုက်ပါဘူး။ ရှင်းရှင်းပြောရရင် ဘယ်သူမှ ကျွန်တော့်ကို ဂရုမစိုက်သလို ကျွန်တော်ကလည်း ဘယ်သူ့မျက်နှာမှ ကြည့်နေမယ့်သူမဟုတ်ဘူး။
ဒီနေ့က ကျွန်တော် တစ်ကောင်ကြွက်ဖြစ်တဲ့နေ့။ အစကတော့ အထူးတလည်မခံစားနေရပေမယ့် Hyungလည်းရောက်လာတော့ ကျွန်တော် မရှိမဲ့ရှိမဲ့မျက်ရည်တွေကိုညှစ်ထုတ်ပြီး ငိုပြလိုက်သေးတယ်။ Hyungကတော့ ကျွန်တော့်ပုခုံးကိုဖက်ရင်းနဲ့
"Jeongwoo-ya ဝမ်းမနည်းနဲ့နော် Hyungက အများကြီးဂရုစိုက်ပေးမယ်"ဆိုပြီး ပြီးစလွယ်ပြောတယ်။ဒါပေမယ့် Hyungဘာပြောပြော လိုက်နာမိ၊ ယုံကြည်မိတဲ့ ကျွန်တော်ကတော့ ဒီစကားတွေကို အရိုးထဲထိစွဲနေအောင် ဦးနှောက်ထဲမှာစုပ်ယူထားလိုက်တယ်။
အမှန်အတိုင်းပြောရရင် ကျွန်တော်ကတော့ ကျွန်တော့်မိဘတွေ သေသွားတဲ့အပေါ် နည်းနည်းလေးတောင် ဝမ်းမနည်းမိပါဘူး။ သူတို့နှစ်ယောက်လုံးဆီက အကျင့်စရိုက်တွေကိုအမွေရထားတဲ့ ကျွန်တော်က သူတို့မကောင်းမှန်း ကောင်းကောင်းသိတယ်။ အဖေ့ဆီက စိတ်မရှည်တတ်တဲ့အကျင့်ကို အမွေရထားပြီး အမေကတော့ ဒေါသကြီးပြီးလုပ်ချင်ရာလုပ်တတ်တဲ့အကျင့်ကို ကျွန်တော့်ထံလွဲပြောင်းပေးခဲ့တယ်။
နှစ်ယောက်လုံးက အရင်းရှင်တွေဖြစ်ကြပြီး ကုမ္ပဏီပိုင်ရှင်တွေမို့ တစ်နှစ်ပတ်လုံးအလုပ်များနေကြပြီး ကျွန်တော့်ကို ဂရုစိုက်ရကောင်းမှန်းတောင် မသိကြဘူး။ သူတို့ထင်နေတာက အိမ်ဖော်တစ်ယောက် ကျွန်တော့်ဘေးနားထားပေးခဲ့ပြီး သူတို့က အချိန်ပြည့်ကုမ္ပဏီမှာပဲ အချိန်ကုန်နေလို့ဖြစ်တယ်ဆိုပြီး ပေါ့ပေါ့ပျက်ပျက်တွေးခဲ့ကြတာ။ မသေခင်အချိန်ထိတောင် အဖေနဲ့အမေက သူတို့စီးပွားရေးတွေအတွက် ပြိုင်ဆိုင်နေရင်း အဆုံးသတ်သွားခဲ့ကြပြီး ကျွန်တော့်နာမည်ကိုတောင် ပီပြင်အောင် ရွတ်မသွားခဲ့ကြဘူး။
-tbc-
only short paragraph in one chapter
STAI LEGGENDO
𝖨𝗇𝖿𝖺𝖼𝗍, 𝖤𝗏𝖾𝗋𝗒𝗍𝗁𝗂𝗇𝗀 𝗂𝗌 𝖲𝗁𝖺𝗆
Fanfiction𝗣𝗮𝗿𝗸 𝗝𝗲𝗼𝗻𝗴𝘄𝗼𝗼 × 𝗕𝗮𝗻𝗴 𝗬𝗲𝗱𝗮𝗺 [completed] ➜ angst • hurt/no comfort ➜ good cry ➜ mention of suicide ➜ written in BURMESE