روحوا البيت و قعدوا يتغدوا...و الولد قاعد و قدامه طبقه...فجأه قام و قام حادف الطبق من عالطرابيزه و وقع اتكسر...امه و ابوه اتفزعوا و قالوله في ايه...قالهم الست العجوزه كانت في الطبق...
قالولوا في الطبق ازاي ... قالهم كانت طالعه من الطبق..
امه هديته و اكلته هي... و قالوا كل ده عشان تعبان نفسيا من اللي حصله و هو اساسا تعبان...
بعد ما الولد شاف اللي شافه في الطبق... و اهله قالوا انه عشان تعبان...امه اخدته و نيمته في السرير و قفلت الباب و طلعت ...راحت قعدت مع جوزها و بتتكلم معاه في موضوع ابنهم ده و اللي بيشوفه... و فجأه سمعوا صوت الولد بيصرخ في اوضته...جروا عليه فتحوا الباب لاقوا الولد مرمي عالارض و الدولاب محطوت قدامه... امه بصتله و قالتله انت ليه عملت كده...قالها مش انا...
المهم رجعوا الدولاب مكانه و اخدوا الولد نيموه جنبهم لحد الصبح و عادي... و الصبح راحوا عشان يكلموا ست كانوا يعرفوها بس مكلموهاش من 5 سنين تقريبا ...و كانت غاويه موضوع اللبس و المس و بتبحث فيه دايما...
اتفقوا معاها على معاد و راحوا... قبل ما يخشولها من على باب البيت شافت الولد...اترعبت و قامت قالتلهم ابعدوا ...متخشوش ... محدش هيخش ...مع السلامه... كلهم مكانوش فاهمين ايه ده...المهم الام كلمتها في التليفون...و قالتلها ايه اللي حصل...قالتلها ابنك محاصر بدايره سوده حواليه... و الدايره دي عباره عن لعنه اصابته لما عمل حاجه معينه...و السحر ده او اللعنه دي حد اللي عاملها ...يعني هو مأذاش كائن من العالم الاخر...بس هو عمل حاجه السحر معمول للي يعملها...و ابنك عملها...و اللعنه دي حسب ما قريت انها نوع من انواع السحر الترابي ...اللي هو السحر اللي بيزداد مفعوله مع تعرضه للتراب...و سعات بيستخدموا على عتبت باب بحيث ان اي حد يدوس عليه و طبعا بتكون جزمته فيها تراب فبتفعله ضد اللي خطى عليها ده...
الام فجأه .... عدى عليها شريط مشهد الولد و هو دايس على الرمله في المكان الفاضي ده ...و قام داخل البيت...
الام فهمت اللي فيها فجأه و قامت سالاها والسحر الترابي ده بيتفك ازاي...قالتلها لازم تجيبي الحاجه اللي معمول عليها السحر الاول...قالتلها و بعدين... قالتلها لا ..هتيها الاول و بعد كده قوليلي و انا هوصلك بحد...و قفلت السكه...
الام قالت انها هتروح تجيب الحاجه اللي معمول فيها السحر من البيت ده...جوزها قاللها انتي اتجننتي هتروحي لوحدك...انا جي معاكي...قام واخد مطرقه من بيته و راحوا للبيت التاني...الراجل قام كسر الباب ... و دخلوا...قبل ما يخش مراته لحقته و شدته بسرعه قبل ما يدوس عالعتبه... و قالتله نظف ايدك كويس و متقربش تراب خاااالص من العتبه... مسحوا ايديهم و فضلوا يدوروا...ملقوش اي حاجه تدل...و قاموا ووهما ماشيين مروحين ... الام بصت عالدور التاني ... لاقيت في ست عجوزه وقفه فوق و بصالها و فجأه اختفت...الام وقفت ثانيه...قامت خاطفه المطرقه من جوزها و جريت على عتبة الباب و كسرة عتبة الباب نفسها ...و كانت ارضية البيت خشب...قامت كسراها و اخدت الخشبه االي كسرتها...لاقيت مكتوب عليها من الناحيه التانيه كلام غريب...ايوه هو ده السحر... و اخدتها و كلمت صاحبتها دي...مرديتش عليها...كزه مرة مرديتش... و قامت صاحبتها بعتتلها رساله صوتيه بتقولها فيها "اهربي...بسرعه"
YOU ARE READING
قصص رعب 🔞🚫
Randomإذا كنت من عشاق الرعب وعالم الجن وما وراء الطبيعة فهنا المكان الأمثل ... جمد قلبك وتعمق ف القصص وتفاعل وصوت ليوصل لغيرك ولينضمو معنا إلى هذا العالم .
بداخل البيت ... الموتى لازالوا احياء
Start from the beginning
