🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الجزء الثاني
الحلقة ٥٠ القسم الاخير
اخذني وياك ...
صوّغني ولو من ليلكم نجمة
...تبات وياي....
ومن تشبع سهر
وايجيسهه الوهواس...
اطّفيهه ابصبح والغبشة
رشكة ماي...
واشعلني ولع يدوي العطش
بالعود....
حتى انزع جلد روحي
وارّد لصباي...
أمّلني الفرح بسمك
ورد عالباب....
فاحت ريحته ولنّك بعد ما جاي....
بعد ما جاي...
عريان السيد خلف ....♥️
........................ ٢٠٢١
ملاحظه / كل الاحداث الي راح اذكرها هي حصرا من اخر سنه ونص ، والى الان ، لان اريد نهائيا اختم الرواية .....
فيروزة : رجعنه لبيتنا بعد مرور ٨ اشهر ، بناء كامل ، صح ارتب واحدث ، بس مو مثل بيت قبل احس الحيطان مالتها كلها ذكريات ، بكل زاوية ، حتى ريحة البيت متغيرة ، ياترى ترجع هل ذكريات .....
جواهر : ابتعدنا اني وجعفر كمنه بالشهر مرة لو اشوفه لو لا ، واذا نتشاوف ادير وجهي واعرف ، يباوعلي بنظرة اسف ، شكد اشتاقله ، بس السوى صعب والله صعب ....
.... كيان بعد مشفته ابببد والارقام كلهم الجنت اتصل عليهن غيروهن ، ابني حبيبي كيان مشتاقتلك حيل ....
ماسه : مرت سنتين ونص على وفاة مريم ، وكل مرة نروحلها اني وحسن عبالك هسه متوفية ، شكد حاولنا يصير عدنه طفل ثاني بس مصار ، المشكله ماكو اي سبب لا بيه ولا بحسن ....
فيروزة : رجعت اداوم خامس اعدادي مسائي وبالگوه ، همزين اكثر الدوام الالكتروني ، دراستي كلها بالبيت ، واروح ساعتين وارجع للبيت ....
.... عباس رافض يصير عدنه هسه جهال ، مااعرف شنو السبب بس يكول خلينه نعيش حياتنه ونتونس ، بس اني حيل عاجبني يصير عدنه على الاقل طفل واحد بس بعد ممكتوب النه ....
رحمه : حياتي صح مستقرا بس المرض معافني ابد ، ملازمني ، كحه مستمرة ، واختنگ اليل كله مااكدر انام مفاصلي كلهن مفلشات ، الدكتور يكول بسبب شغلج بالبستان والحظيرة ، اوووف شلون ايام كسرتني تكسر والله ، بردها وحرها ....
.... عندي اطفال تلاثه مالين علينه الدنيا ، واحمد يحبني ومداريني ، بس اتمنى صحتي ترجع مثل قبل واحسن ....
هدير : شكد غلطت بأيام مراهقتي وتندمت ، بس الحمدلله رب العالمين دائما يوكف ويا المظلوم ، واني غلطي هذا جنت طفله مراهقه ماافتهم ، عبالي الحب هيج ...
.... اذا ادزله صور معنى ابين اله مدا حبي بس بالحقيقه هل شي اكبر غلط ، لان متعرفون هذا الشخص شنو ، وشكد ماتثقون بي يجي يوم ويخذلكم ، او يطلع ابن اوادم ويكون كد الوعد رجالها ......
أنت تقرأ
عصفورة جرف (نساء من فولاذ)
Short Storyالكاتبة⚜️فاطمة علي اخذني وياك ⚜️عصفورة جرف⚜️ بلل جنحها الكيض اخذني وياك 🔆 جملني بعد كطره وخذني وياك هناك 🔆الفيض كلبك حتى روحي تنام عصفورة جرف🔅بلل جنحها الكيض اخذني وياك امشي ابغير واهس 🔅 والطواري كصار وعيوني غرب 🔅 وجفوف اديه اوداع واسمي 🔅 ...
