عصفورة جرف (نساء من فولاذ)

البارت الثامن والعشرين الاخير

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الحلقه ٢٨ الاخيره

اجدادنا يگولون : لا تحزن اذا ضاع حگك الحوبه
تلحگ وتسحگ وتاخذ ثلثين من الحگ 🖤🔥

زمرد : سمعنه عياط صار بيت عمي ، كلنا ركضنه عليهم لكيت عمتي الاء لازمه فيروزة وترزل بيها ..

الاء : هاي الادبسز تتمضحك بفاتحة اخوية ..
فيروزة : وانتي منو يمج ، هسه اتذكرتي عندج اخ ..

صالح : فيروز ..
الاء : باااع الصلفه شلون تراددني ..
نجلاء : شكو ياستار ، شبيكم عياطكم واصل السابع جار ..

الاء : هاي الممتربيه العرمه تراددني وتتمضحك بفاتحة ابوها ..

فيروزة : عمه والله مو هيج ، اني اتشاقيت ويه صالح وابتسمت هذا كل الصار ..

الاء : يممه ياعيارتي ، اني شفتها بعيوني تصفك وتتمضحك ..
نجلاء : عيني هسه مصار شي ..
الاء : يبووووو. عمتي عيني عليك خووويه ، شلون مصار شي وبته ممحترمه وافته ..

نبراس : فيروزة امشي للمطبخ ..
الاء : هي التربية منين تجيبنها ، عرامه وصلافه ، وراثه ...

نبراس : خيه روحي اكعدي ، وسدن هذا الموضوع ..

فيروزة : امي وكفت على صفحه شفتها حيل تعبانه ، بس عمتي ضلت تترادد ويه خالتي نجلاء ، بالكوه انحلت امي سحبتنه للغرفتها وسدت الباب ، كعدت على جربايتها وبجت بجي مصاير ، وتسولف ..

نبراس : تاليتي هاي يفقار ، شلون تعوفني ، مو كتلي اذا اموت نموت سوى
شلون خليت عليه هذا الحمل ، عفتني ورحت ، شلون بيه ، شلوووون ...

الماسه : يمه لتبجين ...
نبراس : يمه شلون ماابجي ، هذوله اهل ابوكم اعرفهم مو خوش ..

فيروزة : ذبيت روحي بحظنها ، يمه اني اسفه والله بعد مااسوي شي غلط بس والله ابتسمت ...

نبراس : لا يمه خل يولن مااعرفهن هذني شنو ، خل يولن ، انتن انتبهن على تصرفاتجن يمه لتخلنهن يتشمتن بيه ويحجن على تربيتي الج ...

🔅اخ يالليل المفارك موت يـتمشه علة كيف ...

فيروزة : حاظر يمه ، خلص ثالث يوم الفاتحة ، اجه صالح بليل صاحني ..
صالح : فيرزوة اطلعي نظفي الحوش ، احنه فرغنا من الغراض ..

فيروزة : منو بي ..
صالح : محد بقى اطلعي نظفي لان صاير لويصه ..

فيروزة : حاظر ، طلعت جريت الصوندا وبديت اغسل بي ،
رفعت شويه من البجامه ، كاعده اكنس وارش مي ، حسيت احد وراي ، باوعت محد ماكو ،
باوعت بالحديقة اكو واحد شايل جكاره بس ممين منو ، شغلت ضوه الحديقة طلع عباس كاعد يشرب جكاير ويباوع عليه ، كبل نزلت البجامه ، اهوو شعليه بي كعدت اكمل تنظيف ..