عصفورة جرف (نساء من فولاذ)

البارت الواحد والعشرين

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الجزء الثاني
الحلقة ٢١

لا يا قــــطار الـعمـر .. بِـ هــداي مــن تـمـشـي ..
و لا تسرع امروّتك .. شيبي وصل رِمشي !

.............

ضياء : هذني الصور مفبركات مو حقيقية ،
والي دزلك الصور يريد يخرب بينه ...

ابو ضياء : حتى لو الصور جذب ، ماريدها جنه وام احفادي ،هسه اطلگها ...

ضياء : لو تنطبگ السما على الگاع مااطلگها ، صارلي اشهر منتظر هاي الايام وهسه جاي تگلي طلگها ..؟

ابو ضياء : لعد تطلع من بيتي ، ولا تشوفنه وجهك ، وبعرسك ولا واحد بينا يحظر ..

ضياء : هذا اخر كلام عدكم ، دار وجهه وعافني ، اني صعدت فوگ لميت ملابسي كلهن ، نزلت جوه ...

ام ضياء : يمه تعوف بيتك علمود وحده مثل هاي ، لتروح ابوس ايدك ، لتعوف البيت ...

ضياء : اذا تردوني مااروح ، وافقو على رسل ، غير هذا الحجي ماعندي ...

ابو ضياء : امشي اطلع برررررا ، ماريدك بيتي ، واني وامك تبرينه منك ...

ضياء : بست راس امي ، وطلعت من البيت ، خليت الجنط بالسيارة وطلعت گبل دكيت على صديقي ، هيه اتدبرلي بيت افتهمت لو لا ، رحت للفندق وحجزت ٣ ايام ...

رسل : تهسترت بالبجي وكمت اللطم على وجهي ،ختلت يم بيبي ، اسمع ابوي واخواني يردوني ،بوكتها عمي جمال جان ملتحق ...

جعفر : خل واحد بيكم يطخ شعره من راسها اذا مااخلي دم بركبتي ...

علاء : انت واحد غريب اطلع منها ...

عباس : لا والله انت الغريب ، والعدو ،
سوالفكم ابد ماتسولف، ويله بدون مطروود  ...

علاء : طلعوونه رسل ، ونروح ، غير هيج مانطلع ..

عامر : جيبووووها للعار ، ولكم خزتنه بين العالم ...

جعفر : تقدمت عليه بعصبية ، وانت ماخزيت خوانك بين العالم ، الموكفني ماسويلك شي هي العشرة لان ماتهون العشرة بس على ابن الحرام ...

عامر : اني ماعدي حجي وياك ، اطوني رسل ...

جعفر : سحبت سلاحي ، والله اذا ماطلعون من البيت اكسركم واطلعكم محملين وحق هو العباس ...

عباس : وكفت اني مهدي بصف جعفر ، ماننطيها الكم ،الا تعبرون على جنايزنه ...

هاجر : دكيت على جمال ماكو تغطية بتلفونه ، گبل خابرت عمار ، الحكنه ابو رضا ، عامر اجه تهجم علينه بسلاحه ويريد يكتل رسل...

عمار : شنو هل حجي ،يله يله جايكم ، حسسسن ،رضاااا يابه وينكم ،حسننن رضاااا ...

ماسه : هذا عمي ديصيح ، طلع حسن واني لبست شالي وطلعت ورى ...