عصفورة جرف (نساء من فولاذ)

البارت الخامس والعشرين

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الحلقة ٢٥

عرفتلهه وكمت ماازاعل اليرحون
ولا عالباب اضل متاني ليلية
من شفت الحلم ينوخذ مو عاللون
بعد بطلت اظم احلام وردية
الناس اختلفت وظهرك
إتجي وين
اذا ماتلكه حايط تكعد بفية
لهسه وما عرف عايش وياهم ليش
ويذوب الثلج بس ينجوي شويه
حتى جروحي من عدهم خذتهن شوك
ابد ماحسستهم بيه منيه ...

..................

مثنى : يمعووودين افتحووو البببااااب، رجعت الجواهر مغمى عليها الجاهل يبجي مااعرف شسوي ، كمت ابجي كعدت بالكاع اتذكرت مره شفت ان لازم يكصون الحبل السري ، باوعت منا ومنا ادور شي اكص بي ، باوعت اكو مرايه كمت بسرعه كسرتها ، اخذت من المكسور ولزمت المسر لعبت نفسي ، كصيته ..

...نزعت قميصي شكيت منه وشديت المسر ، لفيت الطفل بقميصي وشلته بيدي ، كمت ابجي مااعرف بعد شسوي كمت اصيح بلكي احد يسمع حتى لو صوت قليل يطلع المهم واحد يفتح الباب ...

منى : دخلت انظف الغرفه استاذ سرمد ، اسمع صوت عياط ، هذا الصوت من اللابتوب ،
كلت اكيد استاذ سرمد ناسي على فد فلم او شي ، باوعت دا اطفي واشوف مثنى شايل طفل ويصيح ، احس جمدت بمكاني ، طلعت اعيط ، استاذ سرررمد ..

نسمة : منى شبيج تعيطين ..
منى : شفت مثنى بالكامرا شايل طفل وجواهر متخربطه ..

نسمه : عزززززا ، هاي جابت ، ضمييااااااء وينج ..
ضمياء : شبيكم ، عرفت الصاير كبل ركضنه فوك ، فتحنه الرازونه الصغيرة مثنى يمه ..

مثنى : يمه وينكم جواهر يمكن ماتت متجاوب ، يمه المكان كله دم والطفل يبجي افتحو البباااب ..

نسمه : وين المفتاح ..
منى : استاذ سرمد اخذا ويا للشغل ..

نسمه : كمت اكمز بمكاني واللطم ، هذا المخبل صدك يحجي البنيه راااح تموووت ، جيبو المبايل ، دكيت عليه ، بسرررعه تعال جواهر جابت بالحجز ومتخربطه مدري ميته ، بسرررعه ..

سرمد : حركت سيارتي وطلعت بكل سرعتي ، شلووون عفتها ، شلوون مفكرت اطلعها من الحجز شلون مأجه بالي هي راح تجيب ، وصلت للبيت ركض للطابق الثاني ، ايدي ترجف بالكوه سيطرت على اعصابي طلعت المفتاح وفتحت الباب ، ضليت جامد بمكاني جواهر منتهية ، والطفل يبجي ...

نسمة : جواهر يمه ، البنية راح تموت ، حسن يمه شيلها بسررعه ..

ضمياء : لالا بقيها بمكانها دقيقه خل نظفها قبل للنقلها اذا بقت المشيمه بطنها تموتها ، بسررعه اطلعووو منى بسرعه جيبي مي دافي وصل بسرررعه وتصل بالاسعاف يللله ...