عصفورة جرف (نساء من فولاذ)

البارت الخامس

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي🕊
البارت الخامس
🕊🔸لايك ⚜️رأيكم🔸🕊

مخنوك كاتلني القهـر
مامش سوالف دافيه💔
والـعله بيـه مجـودره
لاواهـس اولاعـافـيه

ولادة حياة جديدة ..🌺..)

نبراس : دخل جمال يعيط وهدومه كلهن دم ، ويكول فقار انكتل ، معقوله لالا جذب
، جذاب انت واحد جذذذذاب ، فقار مامات فقار عايش ، كعدت بالكاع وكمت ادك على وجهي ، فقاااار وينك اريد فقااار، بعد مالي حيل اخسررر ، اااااخ يابه ،
سوده بوجهي فقااااار ..

.. اخذوني اريد اشوووفه ، بداعت جهالك اريد اشوووفه ..
جمال : وين ترحين خويه وانتي بهاي الحاله ، والمستشفى كلها زلم ..

نبراس : بس كلي عايش لو ميت ، عافني وطلع ، تهسترت ، بالبجي واللطم ،
جيبولي عباية بسرررعه ماابقى دقيقه هنا ، اروح الفقااار ..

... البيت كله عياط  وبجي ، اصلا نسيت مرضي ونسيت العركة ، وكولشي ،
اريد واحد يجي يبرد قلبي بخبر ماكو ، كلهم بديوان ، ضليت اللوب بمكاني ، شلون اوصل الفقار شلون اعرفه عايش لو اسم الله ميت معقوله مات ، معقوله عافني ، زين اني بعد منو اليه من بعده ، شلون ياربي ، ادري بيك متعوف احد ، بس فقار عنده جهال ، المن يخليهم
العامر لو الناصر وعمار المابيم خير ، لو جمال الي اصلا ممعترف بأهله من ورى مشاكلهم ..

... ياالله مالي غيرك ، لليل ، دخل جمال وعامر ، كلنا ركضنه عليهم ، ها بشرو ..

جمال : الطلقه جايه فوگ قلبه ، والثانيه بجتفه ، الصبح من انضرب جان يمي ، و قلبه وقف ..
نبراس : سوده عليه ، فقار ، وابجي ..

جمال : اخذنا للمستشفى ميت ، بس ارادة الله سبحانه فوگ كلشي ،
الحمدلله رجعوا نبض قلبه بمعجزه ، ودخلو عمليات وهسه هو بالعناية المشدده ميقبلون اي احد يدخله ومنا ليومين يله تستقر حالته بس بعده معابر الخطر ادعوله يطلع منها سلامات ..

نبراس : اخذوني اشوفه الله عليك ابو عباس ، بداعت عباس اخذني اشوفه ..

جمال : وعد مني الج ، بس يكعد اخذج اله هل يومين ، والله ممنوع احد يدخله ، ادعيله انتي انسانه مؤمنه ، وان شاء الله يكوم بالسلامه ..

نبراس : شلون راح اتحمل يومين هذني اليومين شيخلصهن ، ربي مسني الضر وانت ارحم الراحمين ، امن يجيب المضطر اذا دعاه ويكشف السوء ، رحت اتوضيت و كعدت
على المصلاية ابجي وادعي و اسبح ،يارب يامجيب دعوة المضطر اجب دعوتي اقسم عليك بأحب الخلق اليك محمد وفاطمة وعلي والحسن والحسين والتسعة المعصومين من ذرية الحسين عليهم مني سلام الله ..