عصفورة جرف (نساء من فولاذ)

البارت الثامن عشر

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊

الحلقه ١٨ هدييييييية ❤️

عريان شيكول...
چـنت اظنك
چـنت اظنك...
توگـــــــــف ابوجه الوكت ....
واتنشف الدمعه ابجفها
وا چـنت اظنك ...
بالمحبه الفاجده ,اوحنت لابنهه
ثاري ...
ســــــچـينه خواصر !
گـــطع الدال ,سنه
جاسي واجراحك ينزن ...
لو ردت ...
تنشدني عنهه
مادريت !..
المايهزها الريح ...
تالي يخف وزنها ..!
او مادريت ..!
اگـــلوب ...
بشطوط العشك
تركس لذنهه
جنت اضنك ...

............

زمرد : ضليت جامده بمكاني ، احس قلبي نمرد ، اريد ابجي او احجي ادافع عن نفسي ، ماكو انربط اللساني ، شال التلفون ، ركضت عليه ، امير لتخابر احد ، والله والله محد مطاخني والله ، دفعني ورجع بكل عصبية ..

امير : لج خمسة اشهر واني اتوسل بيج، بالكوه تخليني الزم ايدج ، كل هذا تمثيل عليه ، كلتي خل استغله اكيد يستر عليه ، بس ااااااخ ..

زمرد : بيش احلفلك محد متقربلي ، والله ياامير مجنت امثل اني احبك ، راح ودك تلفون بكل هدوء حجه ، اسمعه يكول ..

امير : اي حاولت اكثر من مره ، لا ماكو مطلع اي شي ، وهسه شسوي يعني ،
يعني شنو غشاء مطاطي ، اكو هيج شي ، اها ماشي اختي ، الله يسلمج ، هههههه ، لا ولج بالعباس ردت اذبحها ، يله انتن تفتهمن بعد ، ادري بيج الجبيرة ، وهم متستحين وخابرتج ،
خبره حظرتج ، هههههه ، باعي ميحتاج اوصي بعد هاي السالفه متطلع ابد ، يله اختي وانتي من اهل الخير ..

زمرد : رجع عليه بعصبية ، جر الخاولي وراح للحمام ، شكد خفت منه عبالك مو امير القبل شويه كله حب وحنان وكلام رومانسي ، طلع من الحمام صلى الفجر ، ورجع نام اني هم كمت سبحت وصليت الفجر ، ضليت ادعي الله سبحانه ، ان يبرينيي من هاي التهمه ، سجدت واني ابجي بكل حرگه ، حسيت واحد خلا ايده على جتفي ورفعني ..

امير : كافي بجي ، اني اسف اني افتهمت السالفه غلط ..
زمرد : شلون يعني غلط ..

امير : اشش ، خلينه ننسى الموضوع ، كأنو شيء لم يكن ، ماشي حبيبتي ، تعالي يمي ،لتبجين بعد ...

زمرد : رجع امير الهادء ، الرومانسي ، ههههه اخذني الحظنه هو غفى واني هم ، كعدت الصبح هو يتغزل بيه وبكل حب يعاملني ، رجعنه للبيت ، اتلكونه اهله ذبحو دجاجه
دخلنا للبيت ، بالهلاهل والجكليت ، اخذني للطابق الثاني ، بي اربع غرف ،
البيت جبير وحلو ، وعائلتهم جبيره ، دخلت الغرفتي كولش حلوه ، اجه امير حظني ..

امير : اييي ، واخيراً صرتي بغرفتي ..
زمرد : اي ، الايام ركضت ركض ، شنو البارحه عبالك انخطبنه ...
امير : انتي يمج ركضت ركض اني يمي جانت تمشي على كيفها ...