كرونيك: التوسل_بعد_الندم

39

حلقة 39
اسحاق ثم خلاص ماعجبوش الحال ولا بين اهلو وزوج نسا سربا كاس تاي وناض خرج للزقاق قالهم صاحبي يستنا فيا

بهية : معليييه ياولدي معليييه وشمن صاحب صبحة العرس

ناضت هدى للكوزينة تكمل فالغدا لحقتها سلمى تعاون فيها .. ناضت بهية راحت لشمبرتها ولفخت الباب ويوسف راجلها خرج يقضي راح لهدى

هدى بنيتي كاش ماتسحقي

والله ياعمي المصروف مابقاش منو جيب اللي تتشهاه وانا نطيبلك

الله يحفظك ابنتي من العين والغيارين (يمعني )

واياد راح عند هدى قالها حبيبتي نحوس نلعب بالبلاي في دارك قاتلو روح العب ومن بعد اقرا نجي نلقاك حليت تمرينك

-خلاص نقرا ونلعب شكرا

-عفوا حبيبي

وسهيلة تسمع مش عاجبها قاع الحال كيف داهم النيف عليها وكيفاه قاع يحبوها ومقدرينها وهي قاعدة وحدها ماتدير في والو

كانت بهية خارجة من الشمبرة تسمع في سهيلة وهدى

هدى تهز فالماعين

سهيلة بصح انا مازال ماكليتش ...

هدى تفضلي

- ماعليش هزي لاتاي مانحبوش

-نجيبلك الجو (العصير )

-ايه مذابيك

... هي اي وحدة تغير على راجلها تدير ماكثر من هاك بصح هاك الراجل راح يضيع بيناتهم ويكره فالاخير راح يخلي وحدة ولا يطلقهم بين زوج ... ولازم كل وحدة تعود حاكمة عقلها وتحسب مليح لفعايلها

راحت هدى تجيب فالجو خرجت عجزتها من شمبرتها وريحت مقابلة سهيلة ... قاتلها .. نوضي بنتي ارفدي الماعين عاجبينك هاك يدور عليهم الذبان .. خرجت هدى في يدها كاس جو لا يما خليها تاكل مازال ماكلات

هدى بنتي الله يحفظك اعطيني ذاك الكاس نشرب ... وارفدي معاها وهي راها الله يبارك مخزنة فكل شبر منها طابلة كيما هاذي وضربتها بضحكة حتى ضحكت هدى تحت نيفها