كرونيك: التوسل_بعد_الندم

20

حلقة 20
(تبسمتلو ) انو تلين معايا ..نكونو صحاب ... انا كنت نتمنى يكون عندي راجلي يتهلا فيها ويحبني اما ربي ماكتبش الحمددلله على كل حال ...بلاك هذي فرصة بش نعيش صاحبة راجل ... جامي كان عندي صاحبي او صديقي ومدابيا نجربها (طاحت دمعة من عينها)حتى اخ ماعنديش ... وش قلت

-(تنهد وشاف فاللرض ) انا مانضمنلكش بصح علابالي قاع وش درتلك ماحقيش ومش ذنبك

-(قاطعاتو ) علابالك بلي سعادة المرا فالراحة تاع اهلها ..انا نتا كي ماكنتش مخليني نتهلا فيك ماكنتش قادرة نصبر بزاف خاصة وانا تزوجت باه نكون مسؤولة على عايلة ذاكعلاه فرغت غلي في اهلك وذاك اللي صرا

-(تبسم على جنب ) ههه اوك فهمتك وانا ثان مدابيا ..خلي نتمتع بزوج نسا لي كتبهملي ربي

- (نقزت عليه وهي تضحك ) صافي قبلت ؟

- ايه ونتي قبلتي

-(ضربتلو كيفو بيدها ) زواجك عرسك كلش خليه عليا

-الله يرضى عليك

هاذي كانت اول قاعدة البنت تمشي عليها

___طيبي ماكلتك العاصية على نار هااااادية ___

كي لقاتو مش متجاوب ومش معول يتقبلها كان لازم عليها تبداها بعايلتو والوسط اللي فيه تدخل بسياس بسياس لحياتو بلا مايفيق لازم لاااازم مايحسش بلي راها بدات تدخل لحياتو لويفيق اي حاجة تديرها بش تقرب منو تكون ملحوظة ومايتقبلهاش ..