كرونيك: التوسل_بعد_الندم

29

حلقة 29
كل واحد وحدو

هدى : والله حلاتلي ذاك السرير الله الله مرة نرقد بالطول مرة نرقد بالعرض وكان يحتاج واحد فينا حاجة راه يروح للاخر (وغمزتلها)

ثم اسحاق زادت كبرت في عينو كيفاش محافظة على العلاقة تاعو مع يماه مع انو قادرة تقولها كلش وتستشفا فيه وتدي اللي تحبو ومايقدرش يطلقها عرفت كيفاش تتصرف رغم انها كذبت بصح كذبة بيضة ..

بهية : والله ياولادي مافهمتلكم بصح نتا شوف والله تزيد تبات فهاذ الشمبرة مانرضى عليك ليوم الدين ودعوة الشر عليك تخليها تبات وحدها والله يالعرس ماتشوفو ونتي يابنتي والله يزيد يخليك تباتي وحدك وماتقوليليش مانزيد ندوق لقمة من يدك وغدوة نخرج نشريلك نويزات

هدى لا يما والله ماتصرا راني نضل نشري ... بصح ماعليش ناقصيني مياميات

خلاص نجيب لبنتي ... وخرجت من الدار منارفيا

طاحو للزوج يضحكو بالعالي من بعد قالها

وهاذي وش معناها ؟

شوف نتا وين وصلتنا المرة الجاية تقولنا ديروها قدامي

-بعث فيها تيليكوموند(ماجاش فيها ) .. روحي روحي لا نجيك بضحكة مخبية

-ماعندك ماتقضيلي

-نجيك نوريك ...

-بصح والله يما بهية