كرونيك: التوسل_بعد_الندم

11

حلقة 11
ااااواه نكذب عليك ؟؟ احضري العرس و شوفيها ماتجيش في ظفر حبيبتي
هدى كانت مقلقة وكل شوي تمرض من التخرج تاعها ومن قصة الخطيب اللي رايحة تكمل نعاه حياتها كانت خايفة تندم على اللي قبلت بصح هي كانت دائما تستخير وهذا اللي طمنها شوي .. ومع التخرج كانت فيها قلقة كبيرة وكلش يرعش فيها .. حضرت عايلتها للجامعة وحباباتها وجابو القاطو والقازوز والباتيسري ولاتاي وكلش وستناوها حتى تكمل .. حتى تقولها الاستاذة تخرجت بعلامة ١٧ من عشرين وناضو يزغرتو روبلوها بالتزغريت من بعد كي لمو كلش وجاو خارجين تصيب خطيبها واقف البر يستنا فيها قالها ارواحي بيدو ضربتها ختها على يدها قاتلها روحيلو وهي خايفة راحتلو غير حاشمة وكلية الشريعة والناس يشوفوفيها ايا قالها

مبروك

يبارك فيك

هاكي

وشنو هاذا

شدي تعرفي... وراح مازادش معاها كلمة

بقات هي تترعد من الخوف والخلعة وقلبها يضرب شدت ذيك الساشي سكرتها مليح وخبات وماحبتش تشوف وش فيها .. حتى وصلو للدار مين جات فريحة تفرغ فالفيليات والنعمة لقات الساشي سقسات سلمى منين جات قاتلها اسحاق مدها لهدى ايا داتهالها تشوف وش فيها ... لقات فيها المصحف والريحة بدات ختها تديرلها فالنش وييييو ويييو شوفو وش جابلها ... هي تبسمت بحشمة من سكتت وتكسلت فالفراش وجاتها مها قعدت تواسي فيها وتهدن فيها وتباركلها واصبري يابنتي المرا عطاتنا كلما بلي بني مليح وكل الباقي عليك اذا لقيتيه مقلوب عليك خدمي راسك واعرفي كيفاه ترديه ودايما ربي معاك ... وهوما يتعشاو