حلقة 12
فاتو ايامات العرس وجا نهار الترواح وين نروح لدار راجلي كنت فرحانة ونرقص ونشطح وزعفانة مخلية عايلتي تبكي مورايا بصح قلت وقت ويفوت وحاولت نضحك قد مانقدر وصلوني لدار راجلي وشربتني مو لحليب وتمر وطلعوني لشمبرتي في داري الطابق الثاني فوق دارهم .. ماكنت فاهمة والو وذيك لاغوب بلونش غي تتكركر هبلتني دخلت معايا ماما وختي وبنت خالتي سقمولي الفراش الورد والشموع والبالون وانا نترعد من الخلعة ماما تهدي فيا وانا بسيف حاكمة دموعي على المكياج ماتقلي عندك تخافي ولا تهربي ولا خليه يفرج عليك شوي هاك خرجو وانا ناكل فاظفاري وخايفة ونسمع فالتزغريت لتحت يعلا ويعلا انا عرفتو جا ... حتى يتحل الباب البراني تاع الدار -دخل وحدو - وانا قلبي يخبط ويخبط كنت مريحة على ااسرير ودايرة ايدي على وجهي ونهدي في روحي ونقول دوك يدخل دوك يدخل فاتت نص ساعة وانا بءيك الربة حالتي حالة وهوقاع مادخلش خفت قلت كاش ما صرالو .. نضت خرجت من الشومبرة نلقاه فوسط الدار فالفوتاي ناح البرنوس والفاست تاع الكوستيم مكسل رجليه فوق الطابلة رجل على رجل مشعل تيليفيزيون ويشرب فالقازوز وانا كنت باقا نستنا فيه يدخل لي ... انا خفت حبست شوي من بعد زدت قدمت كنت موراه سمعني دارلي شاف فيا وعاود رجع يتفرج انا ثم رجليا فشلو ماعرفتش وش هذا الجاست لي دارولي اهانة استفزاز دمعتي طاحت وحدها وماحبوش يحبسو حتى طبطب الباب
YOU ARE READING
كرونيك: التوسل_بعد_الندم
Romantikusسلام حكاية هدي واقعية 100% باللهجة الجزائرية 🇩🇿 💗😍 #منقولة العنوان :التوسل بعد الندم الحلقة 1 علمته كيف يعشقني بعد أن تزوج علي وأهانني ... قصة خطيرة تحتوي أهم أسرار الرجل لتملكه والسيطرة عليه وجعله عاشقا مطيعا بارادته بطرق اثبتها علم النفس...