كرونيك: التوسل_بعد_الندم

24

حلقة 24
رجعت التيليفون لاسحاق وخمست معاك ايد بايد وكتف بكتف الخمسة تاع الرجال .. قاتلو واش صاحبي تستعرف ؟؟

قالها بضحكة نستعرف نستعرف

-مالا خلاص رانا صحاب

-مايكون اللاخاطرك هدى

هي تلبكت كي من ثلث شهر مانطقش اسمها يكلمها غير باسمعي

كي شاف اسحاق هدى دارت وش قاللها بفرحة وعاجبها الحال عرف باللي ماهيش حاطة عليه العين وحس بلي تجاوزت كلمت راجلي وذاك الشي اللي كانت فيه

فالليل دارتلو سهرة بالقاطو لاتاي و غنا شعبي غنا التقصيرة اللي يديروه الشباب فالسهرات وريحت معاه غير هومازوج فدارهم

- الحمدلله حسيت خاجة تهزتلي من كتافي

- والله يعطيك الصحة اللي درتيهولي ماننساهش

-ياحي عليك بلامزية ادعيلي برك

-ان شاء الله

-أول حب ؟

-لا انا حبيت وحدة من قبل تعرفت عليها فوقت الخطبة ماعرفتش بنات قبلها كنت طول الوقت نلهي فروحي بالقراية والخدمة بش مانحبش كنت نشوف فيها حاجة ولف وخلاص ماكنتش نستعرف بالحب

-اايا وش صرا

-كنت مزال صغير ٢٤ سنة وما بغات تزوجني بسيف ..وليت نحكي معاها كل يوم عجبتني مشبعتني حنانة ولقيت روحي نحبها حتي وين لقيتها مش تاع دار وخلاطة ومن واحد لواحد خطيتها ووليت نحب من فوق لفوق

-وسهيلة ؟

- سهيلة عرفتها عندي عامين صدفة لقيتها مع ولد خالتها عرفني عليها ايامات هاك بعثتلي انفيطاسيون حكينا حتى طحنا لوف وانا مش ناوب نامسخر بيها خاصة هي متربية ومانشوفش التمسخير خدمة الرجال

-ايه عندك الحق بصح كون خطبتها خير

- كنت خايف نباصي من جديد مع طفلة لقت حتى نتأكد ونتقدم ويما ماحبتش تخطيني وراكي عارفة الباقي

- ايه ماعليش المهم فالمستقبل تاعكم

- ونتي ماتحكيليش ... ما حبيتيش