كرونيك: التوسل_بعد_الندم

33

حلقة 33
القهوة وتنحيلو الفاست والرجلين والتقاشر هاذ التفاصيل ... ماتبانش لكن كي تختفي تبان بلاصتها ...في حالة هدى عندها بابين المعدة اللي كان هو الوحيد المفتوح طيلة الثلث اشهر الاولى لكن ما أثرش بالقدر الكافي خاصة كي كان وحدو هو المفتوح... بعد موضوع سهيلة بدات تعمل على باب العقل بذيك التفاصيل الصغيرة اللي ذكرناها من اول مرة مسدتلو رجليه ولات دائما تمسدلو .. دائما القهوة السهرة الهدرة تغسلو دائما تقاشرو تحطهم حذا الباب ينشفو .. حتى كي ماشفتو مين مانطقاتوش فالفراش حس بالفراغ ... صار لازم كي يريح معاها تهدر معاه .. هاذ الامور رغم انها بسيطة لكنها تخلي اثر خاصة لو تعملها بطريقة مميزة هي تبتكرها .. كيما التقاشر كانت كل مرة كيفاش تحطهم ينشفو وتعطرهم بعطر خاص هي اختارتو يفوحو من بعيد وذوك مين عاد يبات معاها الباب تاع العقل زاد عطالها مساحة اخرى تاثر فيها ...

راحت شرات ريحة قمممممة تهبل وولات ذيك هي ريحتها ... شرات ستوك من ذيك الريحة دايما تديرها وكي تنوض صباح تديرها في شمبرتها وهو راقد ينوض عليها وتبخر الدار ببخور عرب وكي تروح تنوضو

تريح في لرض وراسو فالسرير يقابل راسها وتحط يدها في شعرو تحركولو بسياس وتهدرلو في ودنو ..