كرونيك: 💔غدر_الحياة💔

30

#غدر_الحياة_30
...هبط الطبيب راسو والحزن بادي على وجهو .. آدم : احكي يعيشك .. الطبيب : منيش متاكد حتى نعمل الفحصات اما اذا الاحتمال تاعي صح راه عندو سرطان الحنجرة .. تحلو عنين آدم على هدرة الطبيب ومن الصدمة معادش قادر يحافظ على توازنو وطاح على الكرسي مصدوم .. آدم : ميمكنش الشي هذا كان لباس عليه معندو حتى مرض وصحتو مليحة .. الطبيب : الاغلبية لي يشدههم السرطان عفانا الله كلنا يكونو هك علبيها يسموه المرض الخبيث خاطر يخدم لداخل ومايبانش حتى يلحق لمراحل متقدمة .. اما ملازمش نحكمو من دك لازم نعملو الفحصات بالاول .. آدم : نتمنى يكون الاحتمال هذا ماش صحيح .. الطبيب : هذا لي نتمناوه كلنا ودك سمحلي سي آدم عندي مرضى .. شوي ولحقت مريم ويسرى وخوها .. مريم : واش قالك الطبيب نشالله خير .. آدم يحاول يتقاوى ومايبينش صدمتو قدام امو وخواتو ويخلعهم ... آدم : نشالله امي ..🌹🌹
.. وصلو مرام ولينا للجامعة ودخلو للكفتيريا يحبو يكلو حاجة قبل مايدخلو للمحاظرة .. لينا: منيش مصدقة انك مزالك تخممي تقبلي ولا لا ايوب راجل مليح ومراحش تشوفي السعادة مع غيرو كوني متاكدة انو لي يضحي على خاطر امو واختو راح يضحي علخاطرك انتي تاني علبيها نصحك متتردديش واقبلي .. مرام : انا خايفة واش لكان منير عاود لقا خطة باش يفرق بينا ولكان الظروف تعاود تفرقنا واش نعمل منيش مستعدة نتحطم من جديد لينا انا رجعت وحدة ضعبفة عاللخر معتش نقدر نوقف ونواجه عييت معليش اذا معشتش سعيدة مع الراجل لي حبيتو اما المهم منكونش وحدة معقدة غالقة على روحها طول النهار فغرفتها وتبكي محباش نرجع نفوت بالمرحلة هاديك ..لينا : منيش مصدقة انو لي قدامي مرام لي قوية دايما وتحب تحقق احلامها ولاشي يوقف فوجه سعادتها .. مرام : صعيبة نرجع كيف كنت .. لينا : مرام لقديمة محفورة داخلك لازم تحوسي عليها وترجعيها قبل متتعقد حياتك كتر وتوحلي ملازمش تخافي لازم تواجهي .. مرام : انتي عندك الحق راح نحاول ونشالله الليلة نرد عليه ..
#samara