💔غدر الحياة 💔
12
طلع نهار جديد ناضت مرام دوشت لبست و هبطت تلقاهم كل يفطرو قعدت قدام آدم لي كانت تتقرب منو باش تولي تقدر تروح لشركة آدم فهم عليها و حب يستغل هاذ شى لمصلحتو ناض آدم و ناضو يسرى و مرام معاه باش يلحقهم للجامعة يسرى ركبت قدام آدم و مرام قعدت وراهم كي لحقو للجامعة الناس كلهم يشوفو في مرام بشوفات كلهم شفقة و ياشرو عليها و كل واحد واش يحكي لي يقول لقيطة و لي يقول انها غلطة و زادت شافت صحباتها كل يشوفو فيها لنفس الطريقة شفقة و ذل من غير لينا لي نظرتها ماتبدلتش نظرا دافيا كلها حب و حنان كأنها تترجى فيها تترمى في حضنها و تبكي كيما متعودين كي تضيق بيهم الدنيا يلقو غير بعضهم البعض مرام ماتحملتش شي لي كان يصير معاها طاحت من طولها جرات ليها لينا تفيق فيها لكن بلا فائدة عيطو الإسعاف هزوها لسبيطار ومن جيهة أخرى آدم في مكتبو جاه تلفون يحكي آدم الو نعم طبيب الو انت آدم ## اخ مرام ## آدم بصوت مخلوع انعم انا هو واش بيها مرام واش كاين طبيب يحكي سي آدم لازمك جي للعيادة دوك تحاليل و تشخيصات مرام خرجو نتائجهم و لازم نحكيو خرج ادام و طار للعيادة يحكي مع طبيب و في نفس الوقت مرام كانت في سيارة الاسعاف و لينا معاها و تبكي مش عارفا واش راهو يصير مع اختها لي مش من نفس الام وصلو مرام للاستعجالات دخل طبيب يتفحصها حطولعا سيروم و خرج طبيب يحكي مع لينا انت اختها لينا تجاوب و تبكي لا انا صحبتها واش كاين مرام واش بيها طبيب هي تمر بانهيار عصبي و ضغوطات كبيرة و فوق طاقتها لازم تحكي مع الأهل تعها يجو عندها لينا عيطت ل إسماعيل و حكاتلو لي صار طار إسماعيل عند اختو و روح قلبو يطمن عليها و من جهة أخرى آدم لي باش يطيح من طولو من شي لي قالو طبيب آدم لا طبيب مستحيل شي لي انت تقول فيه يعني هي باش تموت هي باش تروح انا مشبعتش منها اختي و ماما كي تعرف واش يصير فيها و بابا اهلها لي كبروها واش يصير فيهم و في عيادة أخرى الممرضة تجري و تعيط دكتور لمريضة قلبها راح يحبس إسماعيل هبل جن جنانو قلب سبيطار عاونو اختي مستحيل تموت مستحيل تسمح فيا انا ربيتها لينا من صدمة طاحت و ما فطنتش غير وهي بقرعة سيروم نحات سيروم و خرجت تسقسي علي رفيقتها وين راهي حتى لمحت آدم رايح عندها و هزها من يدها احكي واش صار شكون لي لحقها لهاذ الحالة لينا بخوف مرام وين راهي اختي واش صار لها طاحت دمعة من عين آدم و باقي يشوف في لينا لي عينها بالدموع و باين خوفها علي صحبتها
أنت تقرأ
كرونيك: 💔غدر_الحياة💔
General Fiction💔غدر الحياة 💔 للكاتبة امال 🌷و الكاتبة samara🌷 #منقولة الحلقة ١ الحياة متقلبة اليوم بوجه سعيد و غدا بوجه كله دموع هذه هي الحياة بطبعها الغادر بطلة القصة اليوم مرام طفلة كيفها كيف لبنات تعيش في وسط عائلة كبيرة متكونة من 4 بنات و 2 ذكور إسماعيل او...
