كرونيك: 💔غدر_الحياة💔

25

#غدر_الحياة_25
.. الطفل جات امو داتو ومشاو بعيد قعدت تخزرلهم حتى غابو فكرتها فامها لي رباتها نرجس جات فبالها تروح تزورهم تواحشتهم ياسر .. خرجت من البارك وطول شدت طريق عندهم وهي تمشي لقات ايوب يتبع فيها بطنبلتو حتى نتبهتلو دارت اما مقدرتش تعرف شكون هذا لي راه يتبع فيها حتى لحق ليها وحبس عندها نزل وجرى عندها ايوب : انتي هنا وانا قلبت الدنيا عليك .. مرام : علاه تحوس عليا شكاين .. ايوب : كيفش اشكاين .. انا مزال نحبك ونعشق فيك يا مرام .. تلبكت مرام وهبطت راسها ملقات واش ترد عليه .. ايوب : علبالي مكانش لازم نسمح فيك مهما يصير اما امي واختي وظروفي جبر ني وانا نادم نحب نصلح كلش ونرجعو كيف زمان واحسن .. مرام : صعيبة يا ايوب صعيبة انا موليت عندي حتى رغبة فالحياة هادي حبو يدمروني وراهم نجحو .. ايوب : متقوليش هك .. متعرفي واش مخبلنا القدر .. جات تمشي شدها من درعها .. ايوب : هيا نعطو رواحنا فرصة باش نكملو واش قعد من حياتها فرحانين وهانيين .. مرام بتوتر : منعرف رجعت نخاف من كلش داير بيا والسعادة معاتش كاينة فقموسي .. وجات تمشي تنهد ايوب كل محاولاتو معاها تفشل مشات وخلاتو واقف ماش مصدق ان لي كانت تحكي هي مرام لي حبها هاذي شحال .. اما هي مشات ووصلت لدار الناس لي رباوها وكبرت وسط حبهم ودلالم لي هوما كانت معاهم سعيدة اما منير وعيلته دخلو حياتها وخربوها دخلت لقات نرجس فلباب ترمات فحظنها وطرطقت بلبكا داخلها معادش يهز تحب تفرغ برك علاو شهقاتها وعياطها ملا الدار جاو خوتها هوما زاد حظنوها وهي مزالت تبكي وتعيط تخرج فالطاقة السلبية كل لي داخلها شدتها امها نرجس وقعدتها فالصالة وهي مزال محظنتها محباش تطلقها قعدو هك وخوتها دايرين بيها حتى حست روحها مليحة وخرجت كل لي كان داخلها وقالت لنرجس انها تحب تقعد معاهم تحب ترجعلهم معداش عليها نهار مليح من وقت فارقتهم .. اذا حبت ترد الروح لحياتها لازم ترجع لمكان لي لقات فيه فرحتها اللولة
#امال&samara🌹🌹