كرونيك: 💔غدر_الحياة💔

07

💔غدر الحياة💔
7
كمل العشاء العائلي و كيما لعادة يتلمو الكل في الهول و يقعدو يحكيو اذا على ليوم كيش فات واذا اي مشاكل باش يدخلو الأهل و يحلوها و كيما جرات العادة أصغر واحد هو لي يتكلم يسرى تحكي و بنوع من التفاخر انها ليوم تعرفت على شاب و باش تولي تخرج معاه آدم و بصوت معصب واش راني نسمع لبارح حابستي و ليوم تقولي تعرفت على واحد جديد انتي صح ماتشوايش الاب تعصب من آدم و من كلامو عيط عليه لكن آدم سكتو بكلامو القاسي انو هذي و بدلا لها هي لي باش جيب لعار لاسمك يا سي منير توتر الجو بسبب لي صار حتى دخل عصام و انت يا مرام ليوم كيش كان بعد ما وليتي بنت اكبر رجل أعمال و اكبر مصممة أزياء مرام بصوت رقيق نحب نكون آخر واحدة تهدر لأني عندي بزاف كلام على ليوم و لبارح و لي حا يصير كملو لكل حكاو جا دور مرام لي قررت أنها تحكي و تحط نقاط على الحروف مرام تحكي و تخزر في منير لي تمنى تنشق الأرض و تبلعو مرام سي منير ايدا كنت انا غلطة علاش حوست عليا ايذا كانت البنت عار بالنسبة ليك علاش دخلتني لحياتك و خربت عليا حياتي علاش 20سنة و انا ما نعنيلك حاجة و ليوم وليت بنتك تقدر جاوبني سي منير هو بقى يشوف في الارض و مش قادر يرفد راسو مريم دخلت كي شافت حالتو مرام بنتي صحيح هو غلط لكن ناس كامل تغلط و لحنين هو لي يسامح و انت بنتي حنينة سامحيه يبقى باباك مرام فقدت أعصابها من كلام مريم انا حنينة انا لي راجلك خربلي حياتي انا لي صحباتي سمحو فيا انا لي ايوب لي كان يجري موباي و بعد ما كان مسميني فرحت حياتو رجعت اكبر غلطة يديرها انو يكون معايا انا لي خسرت كامل لي نحبهم في نهار انا لي سمحت في اغلى صديقة ليا لي كنت نعتبرها اختي انا خسرتها بارادتي ليوم وانت تقوليلي نسمحلو علاواش نسمح على عمري لي عشتو كلو كدب قولي مدام مريم واش من قلب يسمح واش من منطق يخليني نسمح قربت لمنير و تحكي بصوت واطي واش رايك اني نحققلك خوفك واش رايك اني ندمك على ليلة شابة لي كانت في حضن مرتك واش رايك اني انا لي نخلي اسمك في القاع و راسك ماتقدرش ترفدو بين الناس اه سي منير واش رايك. آخر كلمة تقولها مرام هي كلمات لوم و عتاب و فيهم نوع من التهديد