|| second installment of "habit series" ||
Solari Dominguez has a habit of biting her fingernails, especially at the times that she's nervous or guilty. It was a normal mannerism for everyone, not until Justine Klein Olivarez kissed her one day when...
Oops! This image does not follow our content guidelines. To continue publishing, please remove it or upload a different image.
Nagbuga ako ng malalim na buntonghininga habang nakatingin sa singsing na nakalagay sa sirang velvet box.
“Dadalhin ba kita?” tanong ko na para bang sasagutin ako nito.
Muli akong nagbuga ng malalim na buntonghininga bago kinuha ang cellphone at tinawagan ang maghahatid sa akin sa reception ng kasal nina Eureka at Gilbert.
“Constantine! Nasaan ka na?”
“Fuck you, Sol!” I laughed. “Nandito na ako sa harap ng bahay n’yo. Ano, susuduin pa kita sa loob? Prinsesa?”
Mas lalo akong natawa. “Okay, bababa na.”
Tumayo ako at tiningnan ang sarili sa harap ng salamin sa huling pagkakataon bago umalis.
Maganda naman ang dress na napili ni Trevor kaya nga no’ng sinukat ko, nagustuhan ko kaagad. Bagay na bagay ang white stilettos ko sa pastel pink na kulay ng dress ko.
Magaling din mag-ayos ang hair and makeup artist na pinadala ni Eureka kaya naman pakiramdam ko tuloy ngayon, maid of honor ako kahit na civil wedding pa lang at pagkapanganak pa niya ang church wedding.
Masyado naman kasing binonggahan ngayon ang reception! Hindi talaga papakabog ang kaibigan ko, eh!
Hindi rin ako nakasuot ng salamin dahil ginamit ko ang clear contact lenses ko na may grado. Bihira ko lang gamitin ’to dahil nakakairita ’to sa lahat! Ngayon lang, tutal, kasal naman ni Eureka. Kapag puro kain at inuman na lang ang gagawin, aalisin ko na’t ibabalik ang salamin.
Inilagay ko na ang velvet box, wallet, cellphone at kung ano-ano pang mga kailangan sa white handbag bago ako lumabas ng k’warto. Nakita ko sa living room si Mama na nanonood ng TV kaya naman lumabas muna ako para tawagin si Con na inip na inip na nakasandal sa kotse.
“Con! Tara muna!”
Naiirita siyang nagbuntonghininga bago tinanggal ang suot na sunglasses bago sumunod sa akin papasok sa loob.
“Bakit? Tara na!”
I chuckled. “Picture-an mo kami ni Mama.”
Umirap siya bago tuluyang sumunod sa akin sa living room. “Hindi lang driver, photographer pa!”
I laughed once again before sitting beside Mama. “’Ma, picture!”
Tumingin si Mama sa camera saka ngumiti. Tumayo pa kami at nag-picture ng ibang pose bago ako nagpakuha ng solo dahil ipapadala ko kay Papa.
“Alis na kami, Mama!”
Tumango si Mama habang inihahatid kami sa gate. “Magsabi ka kung anong oras ka uuwi! Tumawag ka, ha? ’Wag kang magpapakalasing do’n, lintik ka!”
Tumawa ako sa huling sinabi niya. “Hindi ako malalasing, ’Ma!”
Sumakay na ako sa shotgun’s seat kasabay ni Con na nasa driver’s seat. Ikinabit ko na ang seatbelt kasabay niya, saka siya nagsimulang mag-drive.
