မြွေသားရဲ၏ဇနီးသည် 【MM Translation】

(43)

ရှုကျင်ထျန်းက အနည်းငယ် ပဟေဋ္ဌိဖြစ်နေသော်လည်း ဝမ်းသာမှုနှင့် ပျော်ရွှင်မှုတို့ကြား တိမ်မြုပ်သွားခဲ့သည်။

ရှုကျင်ထျန်းက ရှုဟန်ယွီကို သူ့ရင်ခွင်ထဲတွင် ပွေ့ဖက်ထားပြီး စိမ်းစိုနေတဲ့ မျက်လုံးတွေကိုကြည့်ရင်း
"ဟန်ယွီ၊ ဘယ်လိုနေသေးလဲ။ ပိုကောင်းလာလား။ မင်း ဒီရက်ပိုင်း ငှက်ဥတွေပဲ စားရတာ အရမ်း ဗိုက်ဆာနေလိမ့်မယ်!"

ရှုကျင်ထျန်းသည် သေနေသောသားကောင်များကို ရှုဟန်ယွီကိုကျွေးရန် စိတ်ကူးထားသော်လည်း ၎င်းက တစ်နေ့တာလုံး ထိုနေရာတွင် ထားခဲ့ခြင်းဖြစ်ရာ ပျက်စီးသွားမလားဆိုတာ ဘယ်သူသိနိုင်မှာလဲ။ ပြီးတော့ မြွေကြီးက သတိလစ်နေသည်မို့ အသားကျွေးရန်လည်း အဆင်မပြေပေ။

သူ့ကို အသားကျွေးဖို့ စဉ်းစားရင်း ရှုကျင်ထျန်းဟာ အစာကျွေးခံရခြင်းရဲ့ ကြောက်စရာကောင်းတဲ့ အတွေ့အကြုံကို သတိရသွားပြီး ထိုသို့လုပ်မည်ကို အလိုအလျောက် ငြင်းပယ်လိုက်သည်။ အကြောင်းပြချက် အမျိုးမျိုးကြောင့် ရှုကျင်ထျန်း သည် ရှုဟန်ယွီအား သေဆုံးနေသော တိရစ္ဆာန်အသေကျွေးရန် စိတ်ကူးကို စွန့်လွှတ်ခဲ့သည်။

ထို့ကြောင့် မစားရသေးသော သားကောင်ကို တောင်ကုန်းပေါ်မှ ပစ်ချခဲ့လိုက်သည်။

ရှုဟန်ယွီ သည် မိန်းမပျိုလေး၏ ရင်ဘတ်ကိုထိကာ ခေါင်းယမ်းလိုက်သည်။ ထိုဥများသည် သူ့ဇနီးလေးအတွက်ဖြစ်သော်လည်း ယခုမူ သူ့ဗိုက်ထဲတွင် ရှိနေကြသည်။ ဥတွေထပ်လိုချင်ရင် ဆောင်းရာသီရောက်တဲ့အထိ စောင့်ရပေလိမ့်မည်။

"မဟုတ်ဘူး...မင်း သွေးထွက်လွန်နေတာကြောင့် များများစားပေးရမယ်။ ငါအမဲလိုက်သွားလိုက်မယ်"

ရှုကျင်ထျန်း၏ရင်ဘတ်သည် ရုတ်တရပ် လေးလံလာသည်။ ရှုကျင်ထျန်းက ခေါင်းငုံ့လိုက်ရာ ရှုဟန်ယွီသည် နားမလည်နိုင်သော အကြည့်များဖြင့် ကြည့်နေသည်ကို တွေ့လိုက်ရသည်။ ထို့နောက် သူ့ပါးစပ်မှနီမြန်းသော မြွေလျှာလေးကို ထုတ်လိုက်သည်။

ရှုဟန်ယွီသည် သူ၏ တိုက်ခိုက်ရေးအင်အားကို အထင်သေးကြောင်း ရှုကျင်ထျန်းသိလိုက်ရပြီး သူ၏ရင်ထဲတွင် မွန်းကြပ်သွားသလို ခံစားလိုက်ရသည်။