ရှုကျင်ထျန်းမှာ မရှောင်လွှဲနိုင်ဘဲ သူ့ပါးစပ်ကိုသာ ပိတ်ဆို့ထားရသည်။ ငန်ကျိနေသောသွေးသည် သူ့ပါးစပ်ထဲသို့ ချက်ချင်းကျဆင်းသွားပြီး ပြင်းထန်သော သွေးအရသာက ရှုကျင်ထျန်းကို သေလုမတတ်ဖြစ်စေသည်။
"ဟင့်အင်း..."
ရှုကျင်ထျန်းက အသည်းအသန် ထထိုင်လိုက်ရာ သူဟာအိပ်ယာပေါ်တွင် ဖြစ်နေပြီး သူ့ရှေ့က ပုံရိပ်က သူ့အကျွမ်းတဝင်လိုဏ်ဂူအဖြစ် ချက်ချင်းပြောင်းလဲသွားလေ၏။ ရှုကျင်ထျန်းမှာ အိပ်မက်မက်နေတာမှန်း အတည်မပြုခင် ခဏလောက် စိတ်ကိုငြိမ်ငြိမ်ထားလိုက်ရသည်။
ကျေးဇူးတင်လိုက်တာ...ဒါက အိမ်မက်တစ်ခုပဲ။ ရှုကျင်ထျန်းမှာ ပြန်လည်မွေးဖွားလာသလို ခံစားလိုက်ရပြီး အလွန်ဝမ်းသာသွားလေ၏။
ထိုအရာတွေကို အိပ်မက်မမက်တာကြာခဲ့ပြီ။ ရှုကျင်ထျန်းက သူ့ကို လွှတ်ထားပြီလို့ တွေးခဲ့ခြင်းပင်။ ဒီတစ်ခါအိပ်မက်ဆိုးက လက်တွေ့လိုဖြစ်နေမယ်လို့ မမျှော်လင့်ထားခဲ့။ သူ့ကိုယ်သူ လှည့်စားနေတာကြောင့် လှောင်ရယ်ခံလိုက်ရသလိုမျိုး စိတ်ထဲမှာ အကြောက်တရားတွေ အခုချိန်ထိ မပျောက်ကွယ်သေးပေ။
ရှုကျင်ထျန်းသည် သူ့ရင်ဘတ်ကို လက်တစ်ဖက်ဖြင့်ဖိကာ သူ၏အလွန်မြန်နေသော နှလုံးခုန်သံကို ငြိမ်သက်စေလိုက်သည်။
"ဟန်ယွီ"
ရှုကျင်ထျန်းမှာ စိတ်မချမ်းသာ။ မြွေကြီးက စပျစ်နွယ်ပင်ကို ဖြတ်လိုက်ပြီမဟုတ်ဘူးလား။ ဘာလို့ထပ်ချည်ထားသေးတာလဲ။
ရှုကျင်ထျန်းသည် ဂူပတ်ပတ်လည်ကို လှည့်ပတ်ကြည့်လိုက်သော်လည်း သူမှလွဲ၍ မြေပြင်ပေါ်တွင် သားရဲအသေကောင်သာ ရှိသည်။ ရှုဟန်ယွီ၏ပုံသဏ္ဍာန်ကို မတွေ့ခဲ့ရပေ။
သားကောင်က ဒီမှာရှိတယ်လေ... မြွေကြီးက ဘာလို့ အပြင်ထွက်သွားတာလဲ။
မြေပြင်ပေါ်ရှိ သားကောင်ကို ကြည့်လိုက်တော့ ရှုကျင်ထျန်းဟာ ရုတ်တရက် တစ်စုံတစ်ခုကို သတိရသွားပြီး မျက်လုံးများ ပြူးကျယ်သွားသည်။ မြွေကြီးက သူ့ကို သွေးသောက်စေချင်ခဲ့တာ...
ပြီးတော့ရော? နောက်ပိုင်း ဘာဆက်ဖြစ်သွားတာလဲ။မြွေကြီးဘယ်မှာလဲ။ သူက ဘာလို့ အိပ်ပျော်သွားတာလဲ။ ဘာလို့ ဘာမှမမှတ်မိရတာလဲ။
YOU ARE READING
မြွေသားရဲ၏ဇနီးသည် 【MM Translation】
FantasyTitle - Beastman Forcefully Raising a Wife (Unicode) ချမ်းသာသော ဒုတိယမျိုးဆက်သခင်လေး ရှုကျင်ထျန်းဟာ ပြန်ပေးဆွဲခံရပြီးနောက် ရုတ်တရက်တခြားကမ္ဘာသို့ရောက်သွားခဲ့လေသည်။ သူသည်ရက်စက်သော စပါးအုံးမြွေအသိုက်သို့ ပြန်ပေးဆွဲခံခဲ့ရသည်။ သို့သော်သူသည် သူ့ကိုမစားရု...
