بقلم الكاتبة الزهيريه الزهيريه
خلف صمت المرآة 3 أحتمالات:-
- اما ان يكون أنهكها التفكير.
-او انها تعبت من الانتظار.
-او تكون محطمه من الداخل .
آيسن/ كلنه دعائنه نگول يارب نكون مظلومين ما ظالمين لإن دعوة المظلوم الله يرفعها فوق سبع سموات ويگول لانصرك ولو بعد حين وسبحان الله عين الظالم تنام وعين المظلوم ما تنام ومن رحمة ربك من يريد يظهر براءة احد
احنه بعد ما رحنه على عقيد فرقد وفهمنه على الاستئناف ومن طلعنه شفنه هاي المخبله الي تعاركت ويايه على مود العقيد فرقد والله عبالي بنته بعدين فهمت انه كانت زوجته وتغار عليه بشده وهو هم يحبها ويغار عليها حتى تعجبت عليهم والله ذوله مخابيل مو عقال يعني هيچي واحد يحب الثاني واحد يغار على الثاني عليمن منفصلين ارجعوا لبعضكم عليمن مدوخين نفسكم ومدوخين غيركم وياكم
على ثاني يوم عمي راح على المحامي وطلب منه يرفع استئناف بقضية رواد وبالفعل نرفعت القضية الاستئناف بس إرادة الله تبقى فوگ كلشي وطبعًا دعاء الوالدين مستجاب عد رب العالمين والله بيوم الي رحنه على العقيد فرقد من طلعنه من يمهم عمتي طلبت من عمي انه يروح يزور ويدعي لرواد واحنه وصلنه للبيت وعمتي بدت تدعي وتنخي رب العالمين وتگله ربي أريد رواد من عظمتك وقوتك ربي تظهر براءة رواد مخليه رواد أمانه عندك وانت خير من ترد الأمانات تردلي رواد سالم غانم
والله تكسرباب الگلب لهذا من اجتنه المعجزه انه لازمين منتسب على وزارة الدفاع بالناصرية يوهم البنات بالحب وبعدين يسحبهن يمه ومسوي بيهن شبكة يقدمهن للضباط ينامون وياهن ومن ضمن هاي الشبكه چانت نيفين چانت اكبر صدمه النه شنو نيفين ضمن هاي الشبكه يعني معقوله عافت هذا الدلال والحب مال زوجها الها وگعت هيچ وگعه
وبالفعل عمي من عرف ثاني گبل رجع للناصرية وصحيح هو وتمام على نفس المركز الي بي نيفين موجوده من ضمن شبكة مال البنات يعني هذا الي چانت تحچي ويا كام نيفين وعدها علاقه بي ما چان ضابط چان منتسب ويلبس ملابس الضباط ويوهم البنات انه هو ضابط وناصب على هواي بنات ومسوي بيهن شبكه ويگو .... بيهن ويسلمهن للضباط
وبالفعل عمي صور نيفين ورسل الصور للمحامي الي طلب من القاضي بالغاء أصلًا قرار باعدام رواد نظراً الى انه أصلًا الي متهم بيها بعدها على قيد الحياة
وبالفعل بعد أيام من لگوا نيفين ترحلت الى بغداد إما رواد بمساعدة المحامي وعقيد فرقد الي چان صديق القاضي گدروا في خلال ايام يطلع من السجن براءة ورجع للبيت ومن دخل للبيت حدود الساعه چانت المغرب لان تم إطلاق سراحه من سجن الناصرية لهذا ما قابل يبقى يبات في بيت الشيخ شاهين اجوي بنفس اليوم من أطلقوا سراحه وبس دخل رواد للبيت عمتي ظلت تهلهل ما ادري تبچي من فرحتها ما تعرف شتريد
ŞİMDİ OKUDUĞUN
شرفي عندك
Genç Kız Edebiyatıتحكي فتاة تتعرض للأغتصاب من أخيها لتعيش بأغتصاب المحارم منبوذه من أقرب الناس لها لتحمل ذنبآ لم تقترفه سوى أنها كانت ضحيه لمن سلبها أعز شيء تملكه تحت مسمى الأخ
