شرفي عندك

البارت الواحد العشرون

من تنازل عن قلبي وهو فيه ملكًا
لن يعود إليه ولو أصبح لهُ عبداً
بقلم الكاتبة الزهيريه الزهيريه
آيسن/ اكو انسان مرات اشوفه مره وحده بس وجهه تحسه مألوف ومريح حتى بدك تخلي كل أسرارك عنده وأكو أنسان تعيش ويا عمر كامل بس وانت ما تحبه ولا ترتاحله وتتمنى يختفي من حياتك وأني الشخص آلي أكره هو سجاد والله أتمنى عندي مساحه مو تمسح الكتابه لا أريد مساحة تمسح أشخاص حتى أمسح سجاد من حياتي

وهذا چان حالي ويه سجاد من شفته احس رجلي وحده تضرب بالثانية من الخوف وحتى من نزل الأطفال من السياره صورت راح ياخذهم ويروح گمت أخاف ورحت قريب وهو يبوس بيهم

وگتله / انت شنو متستحي فرحان مخلف من اختك وفرحان

أتقرب عليه وخله حلگه يم أذني وهو يگلي / منو گلچ احنه اخوه

ظليت متفاجئة شنو مو اخوه گلته/ انت شگد وسخ شنو مو أخوه بس انت تريد تبرر أفعالك

گال / عيني ليش مدوخه نفسچ موجود يزن واسالي واذا گال سجاد چذاب بعد بعمرچ ما شوفين وجهي بحياتچ بس ما شوفين غريبه انه عيني عليچ مو على موج في حين المفهوم هي أختي وأنتي اختي بس من تسألي گليله سجاد يكول تحچي لو أطبق ألعب لو أخرب الملعب

رجع أطفالي للسيارة وراح اني ظليت حسبه جيبني وحسبه توديني بالبداية ما صدگت بس بعدين لا گلت ليش گال يزن اسأله واشوف سجاد يحچي صدگ

من رجعت ونزلت أطفالي ومن دخلت للبيت چان بعده يزن ما جاي من دوامه أني أغسل للأطفال وبالي يم كلام سجاد للعصر يله أجى يزن اني بالي يم كلام سجاد وهو
يگلي / شبيچ آيسن خاتون صايره تصفنين هوايه خاف لگيتيلچ شاب عجبچ وتصفنين عليه

گتله / أكلك رحمه لمحمد وسواس ياسين لا جيبه عليه اني ما ناقصة خبالات

گال/ باعي طولت لسان ما اريد فهمتي لو تحترمين لو تسدين حلگچ

گتله/ تدري اليوم المن شفت وشگالي

گال / خير المن شفتي الوحي وشگالچ

گتله/ شفت سجاد وگالي حچايه  عجبتني وگالي سألي بيها يزن

گبل هجم عليه وحصرني ويه الكنتور وخنگني
ويگلي / شسوالچ احچي وين رحتي ويا لا هسه ادفنچ هنا وشنو هاي الحچايه

هنا أشر بدماغي شي ثاني ليش گالي هيچي يعني اني عرفت اكو شي يخاف منه يزن لإن أكد على شگال دفعت ايده من على رگبتي

وگتله/ انت ليش هيچي مرتبك يعني السالفة بيها آنه بالموضوع گال اني مو اخوچ أصلًا وسألي يزن ليش أسألك آلك ما أسأل أبويه شمعنى انت

تخبل من سمع كلام سجاد وتقرب عليه وهو
يگلي / اياچ تسمعين كلام سجاد ولا تحچين ويا

گتله/ عجيبه ما گلت سجاد كذاب بس گلي گولي ليزن العب لو أخرب الملعب