شرفي عندك

البارت الثاني والأربعين

كوني مغروره حتى يبتعد عنكي
كل رجل ضعيف
وكوني مزعجه وانانيه وعنيده لا يتحملك
ألا ذاك الذي أعماه عشقك

بقلم الكاتبة الزهيريه الزهيريه

آيسن / أكثر الأحيان نشتكي من ظلم وگد ما گلوبنه ملچومه نرجع نسوي مثله يعني مختصر مفيد لا تنهي عن فعل وتأتي بمثله عارًا عليك بالفعاله بديعوا اني فيما بعد من صار بربى إلي صار وصارت تدعي على سوه بيها هيچي اذكرت اني ظلمتها وهي ما إلها ذنب وخطيه نالتها الفضيحة بسبب إلي سويته وشلت خطيتها برگبتي

بعد ما تحدد يوم الجمعة انه موعد خطوبة ومن قبل يوم التحضيرات قائمة على قدم وساق لآن العريس زميلها بالجامعه وياها بنفس القسم والى المرحلة الرابعة وهمه يحبون بعض وهو لكون غريب أهل رواد أحضروا من تحضيرات كل ما غله ثمنه أرقى التجهيزات جابوا ويوم الجمعه الصبح ربى راحت لصالون ويه بنات خالاتها وبعدها بدت الأقارب تجي ولكون نيفين محروگه گامت عمتي تبرر على الله رحم بحالها وجبر بخاطرها وراح يترس حضنها

واكثر نسوان أقاربهم حشريات يسألن عليه على هاي منو
وعمتي تگلهم خطيه فقيره ومحتاجه لهذا اجيبها هنا تخدمني وانطيها فلوس خلتني بنص هدومي ومتخلي اي وحده من أقاربها تساعدني على هي موجوده تخدمنه اگعدن انتن آني لكون هانتني تخبلت أريد أسوي شي بيهن بس شلون ما أعرف خصوصًا أم رواد اما كرهي لنيفين لا يوصف

بس من دزتني عمتي اجيب من غرفة ربى الشموع لان باقيات ويه غراض ربى صعدت لگيت موبايل ربى على الشحن سبحان الله بالشر غلبنه أبليس ظليت اباوع على الموبايل واجتي فكره على بالي والله ابليس گلي يا معلمه على هاي الفكره الجهنمية أخذت الموبايل مالتها ولكون هي نخطبت گامت تخلي موبايلها مفتوح متخلي رمز فتحته ودخلت على الفيس وبحثت على گروب الاعضاء يدورون بي سوالف جنس وطلبت انضمام من صفحتها وما شاء الله بسوالف المو زينه الرد گبل يجيك الرد لان گبل قبول طلب الانضمام وطلعت منشورات تخزي واني نزلت يمهم منشور على شغله طايح حظها ماكو بعد ما  نزلت المنشور بدقائق بدت التعليقات وبدوا يدخلون على الخاص وبدوا يطلبون صداقات هوايه ولد واني أوافق اما الماسنجر نترس مراسلات من ولد ويدزون صور ومقاطع اباحيه وأكثرهم الولد گاموا يضموني لگروبات على الماسنجر وما شاء الله هم نفس الشي الگروبات كلها بيها مقاطع اباحيه وصور واني ظليت اشبچ مره آخذ من هذا الگروب صور ومقاطع وانزل بالگروب الثاني والعكس واراسل أكثر من ولد هيچ گضيت الوقت كل شويه أصعد فوگ أراسل وأرجع وبعدها عفتهم للولد همه يراسلون حتى تبقى اشعاراتهم على الشاشة الرئيسية

وحدود الساعه 2 ونص جابوا ربى من الصالون وچانت طالعه تخبل وحتى لمعة الحب بعيونها وخطيه من فرحتها لكون الي تحبه راح يصير زوجها رسمي احسها تريد تخلي جناحات وتطير من الفرحه وحتى من راح جابها رواد واجى دخلها بنفسه للصاله وكلها گرايبهم گامن يهلهلن واحنه بس دخلت صبينه الغده للزلم بالاستقبال ألي همه عمامهم وخوالهم والامه مگلوبه وشگد حلو احنه ما سوينه بس المقبلات همه چانوا موصين من أرقى مطعم وكله إجى الأكل حار ومسلفن والنسوان گعدن بالصالة يم ربى وظلن ياكلن ويقشبن على الناس من خلصوا آكل ولكون همه ساكنين بمنطقة راقيه الآكل الي بقه والله كله ذبوا بحاوية الزباله