شرفي عندك

البارت التاسع والعشرون

ينكسر الزجاج فينتهي الصوت بسرعه
وتبقى قطع الزجاج تجرح من يلمسها
كذلك الكلام الجارح ينتهي
ويبقى القلب يتألم طويلًا

بقلم الكاتبة الزهيريه الزهيريه
آيسن/ خير الخاطئين التوابين واني حمدلله أبد ما أتوب من صائب أبد وهذا يرجع لحبي اله واحنه البشر بينه طبيعة ونحب دائماً نخلي الي نحبه ملاك من ملائكة السماء منزه كل خطأ ما عنده وهو عيوبه اكثر من عنده بس احنه نحب نداري على عيوبه حتى يبقى نفس ذاك الملاك ما ندرك انه هذا الملاك هو إنسان واسوء صفات الانسان هي الكذب والخيانة والغدر

وهذا چان حالي ويه صائب ما اريد أقتنع انه صائب تغيير ويريد يخليني طعم حتى يصيد بي يزن وأعظم أعداء صائب چان يزن وهو يسوي المستحيل حتى يوگع يزن لهذا من طردني يزن وگعدت بالباب اكو رقم من وصلت لبيت زوجة يزن الى ما نطردت رمشت على الرقم ورجع إتصل بيه أتفاجأت بي طلع صائب گلي
آيسن أريد اشوفچ وعندي إتفاق أريد اتفق بي وياچ

گتله/ إتفاق شنو صائب انت من اجيت ودگيت بيت اهل يزن وحرگته ورجعت على بيت اهلي وهم دگيته وحرگته وبيت عمو كريم هم ما فكرت بأطفالي لا يكونون بعدهم بالبيت ويحترگون

گال /هاااا

وسكت والظاهر كلامي مثل ألي خله صائب خطرت على باله فكره بعدها رجع
گال / آيسن أنتي وين هسه
گتله / بيت زوجة يزن لان وين أروح حرگتوا بيتنه ما گلت هاي وين تولي وثانيًا احنه مو من نفس العشيره مالتهم همه من عشيرة واحنه من عشيرة وبعدين فلاح هو داس عرض ياسين شنو نگلبت الموازين صار صاحب الحق هو المطلوب وصاحب الباطل هو ابو الراهي المفروض يزن واهله همه يگاوموكم عشائرياً ويحرگون بيوتكم ومو بالعكس انت دگوهم وتحرگون بيوتنه

گال / آيسن شلون ما ألكم دخل ابنچ الصغير مو ابن يزن شنو بعد وثانياً بأمر من الشيخ العام تندگ كل البيوت إلي إلها صله بيهم قرابه لان على موج الكلمه الي گلتها بحقها بوقتها احنه نطينه فصلين لعشيرتچ وعشيرة يزن وياسين شنو شعليكم

گتله/ صائب وهسه شنو تريد مني شو صفيت لفو عند طليقة يزن

گال / شوفي آيسن أريد أتفق وياچ إتفاق أنتي اني مستعد أنزل بيتكم للگاع وأرجع أبني من جديد بنيان حديث ورحي اگعدي بي ما ثقين عادي احولچ آي مبلغ بس اريد منچ شغله

گتله/ وهي

گال/ أريد منچ تجين تشهدين ضد ياسين آنه  ماكو شي بين موج وفلاح وهو سوه مكيده و وگعهم حتى يشهر بيهم وهم اسمها ما تنفضح

گتله/ ليش ياسين شنو گال

بعده ما حاچي ومجاوب عليه سمعت صوت سرگي الباب گبل غلقت الموبايل وسويته وضع طيران طلعت زوجة يزن
وگالت / ياااا ام جود تگعد بالباب واني موجوده يا گاع نشگي وبلعيني تعالي ماما تفضلي دخلي واعذري يزن ترى الي صار مو شويه