شرفي عندك

البارت الرابع عشر

دع ذكرهن فما لهن وفاء ريح الصبا والعهود
سواء يكسرن قلبك ثم لا يجبرنه وقلوبهن
من الحب خلاء
آيسن/ بعد ما  اتصلت بيه زوجة يزن ودزتلي البدله بيد يزن واني استلمتها منه من فتحتها كلش تعجبت بيها لان كلش حلوه البدله واخذتها ودخلت للغرفه ما بيها احد سجاد ما بايت بالبيت وابويه بالسوگ ودموع وموج بالمول

دخلت نزعت ملابسي ولبست البدله بس السحابه الي يم ظهري أيدي ما توصل إلهًا حسيت واحد ورايه وحضن خصري ويبوس بظهري

ويگلي / وين رايحه آيسن ولچ والله احبچ وما اگدر اعيش بدونچ

من حچى عرفته من صوته هذا صوت سجاد هذا الأنسان الي شگد ما اگول راعبني وخاف منه قليله بحقه

لان سجاد يمثل إلي الخوف من صغري
وهو شاف شلون ارجف منه وقرب شفايفه يم آذني ويگلي لچ اعشق كل شي بيچ واني أحاول ادفع بي وأخاف لا اعيط مثل ذيچ المره لا يرجع يغتصبني

گتله واني ابچي / الله يخليك سجاد عوفني ابوس أيدك والله حتى حرام هذا زنى

گال/ لا مو زنى اني احبچ واموت عليچ وما اعوفچ تروحين من أيدي

هنا فهمت شيريد بعد ما بيها مجال عطت وهو كتم صوتي ورجع اغتصبني مره ثالثه على ايد سجاد وهل مره طول يله عافني وايده حلگي وخشمي بحيث أحس الاوكسجين خلص وراح أموت

بس عافني وأبتعد عني وبسرعه لبس ملابسه أختفى من گدامي هنا بده الحالة النفسية عندي شلون المن أگول وأني كل مره ينعاد عليه السيناريو نفسه ماكو بس الله ويزن رحت اخذت موبايل البيت وأتصلت بيزن

وجاوبني وهو يتملل/ خير آيسن البدله ما عجبتچ ذبيها بالزباله بعد ما أرجع أخذها لو يحضر جدي من گبره

گتله/يزن سجاد أعتدى عليه

گال / لچ يا مصخمه انتي شنو من بشر زواجچ بعد يومين ما فكرتي ما صيرين گدامه لچ موتيني اني وهذا الرجال ابوچ الي أبتلى بيچ انتظري هسه اجيچ يا ربي شسويت والله بلاني بيچ

وسد الموبايل بوجهي بعد ما غلط وفشر على اهلي والجيران والمنطقة كلها

لبست ملابس مال طلعه وانتظرت لما اجى يزن وهو يسب يغلط
ويگلي/ امشي ويايه خلي نشوف مصيبة العمر الي بلاني بيها

وطلعت ويا وهو أتصل على الدكتوره الي فحصتني المره السابقه بس هي طلعت ما مداومه بالمستشفى بس إتصلت على دكتوره ثانيه مداومه وصتها عليه

ومن وصلنه للمستشفى دخلنه وسألنه عليها طلعت بصالة الولاده بعد أنتظار ممل اجتي شافتنه وگام يزن وگف يمها وشرحلها الوضع
وهي شويه تحچي بنبرة تعجرف
وگالت / عيني اني أفحص واگلك شبيها بس مال انطيك تقرير ما انطي هاي مسوؤليه انت تريد تثبت حاله تروح تشتكي يم الشرطه وهمه من توصل للمحكمه يحولوها على الطب الشرعي وهمه ينطوها تقرير اما اني لا ما انطي