Lost Star

Chapter 24 ~ Rooftop Scene

ALL RIGHTS RESERVED. NO part of this story may be reproduced, distributed, or transmitted in any form or by any means, including photocopying, recording or other electronic or mechanical methods, without the prior permission of the author and other non-commercial uses permitted by copy right law.

Certified and Registered in National Book Development Board.

~

Nang magsimula ang kaganapan, lahat ng Guro at estudyante ay nagtipon-tipon sa open field para sa Open Ceremony. Pagkatapos ay nagsimula ang paligsahan.

Isinuot ni Ada ang damit na ibinibigay sa kanya ni Kent. Ang kanyang hairstyle ay simple lang, si Joice lamang ang nag braided ng kanyang buhok at ang friend nitong gay ang gumawa para sa kanyang make-up.

Binigyan siya ni Kent ng isang na puting dress, na may disenyo sa gilid, at 1 pulgada sa itaas ng tuhod ang haba at hindi ito masyadong maikli ng kanya itong isinuot.

Nang ipakilala siya ng host bilang Football Team Muse, pumanik siya sa entablado at maraming humanga sa kanyang kagandahan.

Nagsalita siya sa microphone, bumati siya sa mga nanunuod at humingi ng tulong para sa pagboto sa kanya bilang Ms. Campus.

Samantalang si Joice naman ay isa sa nagbibigay ng papel o balota para kay Ada. Pagkatapos ay nagpasalamat siya, at agad siyang tinulungan at inalalayan ni Kent sa entablado para bumaba.

Nagsimula na ang football game, marami ang nanunood ng laro at ibang estudyanteng dumayo mula sa ibang school, dahil taga ibang school din ang kanilang makakalaban.

Sa first round, ang kalaban ang naka lamang ng tatlong puntos. Gayunman, agad silang humabol sa 2nd round, habang unti-unti na silang makalamang ng puntos. Maraming mag-aaral ang nag-checheers para kay Kent at para sa kanilang mga koponan.

Samantala, kinabahan si Ada ng mga sandaling iyon, dahil balak niyang gawin ang planong pag-akyat sa rooftop, sa huling round at pagkatapos ng laro nila Kent.

Sa tuwing breaktime ay tumitingin si Kent sa kanya, napansin naman ito ni Juice at biniro siya.

"Uyy, tumitingin na naman sayo si Kent, oh." Pagbibiro ni Joice kay Ada.

Hindi naman ito pinansin ni Ada at sa iba siya tumingin.

Sa pagdaang ng orsa, duamting ang last round ng game. Kaya naman, nagpasiya si Ada na gumawa ng kanyang plano para makapunta sa rooftop ng mag-isa at walang nakakapansin sa kanya.

Bumaling siya kay Joice at tinanong niya ito kung gusto ng inumin.

"Ah, Joice nauuhaw ka ba? Ibibili kita ng inumin." sabi ni Ada kay Joice.

"Ha? Okey lang." sagot naman ni Joice.

"Sige na, ibibili na kita, kanina ka pa namimigay ng balota, siguradong pagod ka na." sabi ni Ada.

"Okay, sige." Sumang-ayon naman si Joice.

Pagkatapos ay nagmadaling pumunta si Ada sa canteen at bumili ng softdrinks, pagkatapos ay tumakbo siya papunta sa locker room.

Inilagay niya muna ang dalang softdrinks sa loob ng locker room. Pagkatapos ay kinuha niya ang paper bag na may lamang damit at mega phone. Nagsusuot si Ada ng isa pang damit, nagsusuot siya ng jacket at nagsuot ng balabal sa kanyang ulo, para na din matakpan ang kanyang mukha.

Dinampot niya ang paper bag na may mega phone at dumiretso sa rooftop.

Mabuti na lang at walang tao doon ng siya'y umakyat.