''တွေးမနေပါနဲ့တော့ဟယ်။နောက်တော့သူလည်းသိမှာပါ။နင်လည်းပြန်လာချင်ပြန်လာပေါ့။သွားတာနှစ်မှမနည်းတော့တာ။''
''အေး...ဒါပေမဲ့ ပြန်လာလို့ ငါတို့ကိစ္စကိုအစပြန်လုပ်နေရင်ရော''
ထိုအချက်ကလည်း ရှိသေးသည်။နှစ်ယောက်လုံးလူလွတ်ပေမို့ မိဘတွေစိတ်ထဲ လက်ထပ်ဖို့ကိစ္စသာ ခလုတ်တိုက်နေကြမှာအမှန်။ကိုယ်တွေအသက်ကလည်း ၃၀ကိုတောင်၁စွန်းလုလု မဟုတ်လား။ကလေးရူးနေသည့်ကိုယ့်အတွက် ဒီအသက်အရွယ်က ကလေးယူဖို့တောင် နောက်ကျနေပြီပြောရပေမည်။အချစ်အတွက်မဟုတ်လည်းပဲ ရင်သွေးလေးအတွက်တော့ အိမ်ထောင်တစ်ခုကို တည်ဆောက်ချင်ခဲ့ဖူးသည်။Single mom အနေနဲ့ ဘဝကိုလျှောက်လှမ်းရန်အထိ ကလေးကိုရူးသွပ်သူမို့ အချစ်မပါသောအိမ်ထောင်ရေးကို တည်ဆောက်ဖို့ရာလည်း ကိုယ့်အတွက်ဝန်လေးစရာမဟုတ်ချေ။
ကိုယ်ကိုင်နေကျ ဖုန်းကတ်ကို အကြောင်းအရာတစ်ခုကြောင့် ဖြုတ်သိမ်းထားခဲ့ပြီး မြတ်နဲ့လည်း လုံးဝအဆက်အသွယ်ပြတ်သွားခဲ့သည်။ပြောင်းလဲကိုင်သောဖုန်းနံပါတ်ကို တကူးတကပေးရအောင်လည်း မြတ်နဲ့ကိုယ်က ဘာမှမသက်ဆိုင်သူတွေပဲလေ။
''.....''
ဝင်လာသော ဖုန်းနံပါတ်လေးဟာ မြင်ဖူးနေကျဆိုပေမဲ့ ဟုတ်ရဲ့လားကိုယ်မသိ။
''ဟဲလို...''
အသံကို ကြားရုံဖြင့် မြတ်ဆိုတာသေချာသည်။ဒီဖုန်းနံပါတ်ကို ဘယ်ကနေဘယ်လိုရသွားပါလိမ့်။
''ဖုန်းကို ဘယ်လိုသိလဲ''
''ဘယ်လိုသိသိပေါ့။ဟိုဖုန်းက လုံးဝမကိုင်တော့ဘူးလား''
''အင်း...ဟုတ်တယ်။အချိန်တစ်ခုပေါ့။အခြေအနေအေးချမ်းသွားရင်တော့ ပြန်သုံးမှာပါ''
''အင်း..ကောင်းပါတယ်။ခုချိန်က အဆက်အသွယ်မရှိတာအကောင်းဆုံးပဲ။အဆင်ရောပြေတယ်မဟုတ်လား။ခုဘယ်မှာနေနေလဲ။အိမ်ကို ပြန်နေပါလားလို့။''
မြတ်ဆိုလိုသော အိမ်ဟာ ကိုယ့်အိမ်ကိုပြောတာမဟုတ်ဘဲ နယ်က မြတ်ရဲ့အိမ်ကို ဆိုလိုခြင်းဖြစ်သည်။ရန်ကုန်မှာနေရတာကို တစ်ခုခုဖြစ်မှာ စိုးရိမ်နေတာထင်ပါရဲ့။
![](https://img.wattpad.com/cover/280508774-288-k326136.jpg)
YOU ARE READING
မြတ် (မွတျ )
Romanceစစ်မှန်တဲ့ချစ်ခြင်းမေတ္တာရဲ့အေးချမ်းတဲ့ပုံရိပ်အချို့ကို လက်တွေ့ဘဝရဲ့ အဖြစ်အပျက်အချို့အပေါ်အခြေတည်ပြီးရေးဖွဲ့ထားပါတယ်။အပြင်မှာတကယ်ရှိတဲ့ဇာတ်ကောင်လေးတွေမို့ သူတို့ပျော်ခဲ့သလား ၊ဝမ်းနည်းခဲ့ကြသလားဆိုတာကို အတူတူခံစားကြည့်ကြရအောင်။အကြောင်းအရာတိုက်ဆိုင်တာ၊အမ...
20(Z & U)
Start from the beginning