Unicode ✅
^အယူခံ^
စိုက်ခင်းထဲကနေရာတွေအား အသေချာလိုက်ရှင်းပြနေတဲ့မြို့အုပ်မင်းခွန်းထယ်နောက် မျက်လုံးလေးကလယ်ကလယ်နဲ့ လိုက်ပါလာသူမှာ ဂျွန်ဧဒင်လေးပင်။ မြို့အုပ်မင်းခွန်းထယ်ကတော့ အလုပ်သဘောအရ ဘယ်ဟာဘယ်လိုလုပ်သင့်ကြောင်း အသေးစိတ်လိုက်ရှင်းပြနေပေမယ့် ဂျွန်ဧဒင်လေးကတော့ သူတခါမှမမြင်ဖူးတဲ့ စိုက်ခင်းတွေကိုသာ မျက်ဝန်းဝိုင်းလေးတွေနဲ့ လိုက်ကြည့်နေလေရဲ့။
"ဟိတ် ကျုပ်ရှင်းပြနေတာတွေကို နားထောင်နေရဲ့လားဗျ"
"ဗျာ..နားထောင်နေပါတယ်"
"ဒါဆိုဒီအသီးကဘယ်ရာသီမှာစိုက်ရတာလဲ"
မြို့အုပ်မင်းခွန်းထယ်က ခပ်တည်တည်နဲ့လက်ပိုက်ကာမေးလေတော့ ဂျွန်ဧဒင်ခမျာ မျက်လုံးလေးကလယ်ကလယ်နဲ့ မြိုအုပ်မင်းခွန်းထယ်အားကြည့်လာသည်။ နောက်တော့ အပင်အားတလှည့်ပြန်ကြည့်ကာ နှုတ်ခမ်းပိစိလေးက ရှေ့သို့ခပ်လုံးလုံးလေးစူထွက်လာပြီး လက်ပိစိလေးတွေကလည်း တဖတ်နဲ့တဖတ်ပွတ်သတ်နေလေရဲ့။
မြိုအုပ်မင်းခွန်းထယ်တစ်ယောက် သူ့အရှေ့ကကောင်လေးအားကြည့်ရင်း အသည်းပင်ယားချင်လာသလို။ သို့သော်လည်း ရုပ်ကတော့ခပ်တည်တည်အနေအထားပင်။
"မင်းသေချာလိုက်မနားထောင်ဘူးပဲ။ ကျုပ်ကတော့အသေးစိတ်ရှင်းပြလိုက်ရတာ။"
အတက်နိုင်ဆုံးရုပ်အားခပ်တည်တည်ထားပြီး အနည်းငယ်ဆူဟောက်သလိုလေး အသံအားမာမာပြောလိုက်တော့ သူ့အားဆူပုတ်ပုတ်နဲ့မော့ကြည့်လာတဲ့ ဂျွန်ဧဒင်။
"ကျုပ်ကဒါတွေနဲ့ရင်းနှီးတဲ့သူမှမဟုတ်တာ။ အသေးစိတ်ဘယ်လိုလုပ်လိုက်မှတ်နိုင်မှာလဲ။ ဒီအသီးကိုဘယ်ရာသီမှာစိုက်ရလဲကျုပ်မသိဘူး။ ကျုပ်သိတာတခုကသူတို့ကချိုမယ့်ပုံပဲ။"
စကားဆုံးတော့အပင်နားကိုသွားလိုက်ပြီး အပင်ထက်က စတော်ဘယ်ရီသီးတလုံးအားကောက်ဖြုတ်ကာ ပါးစပ်ထဲကောက်ထည့်ပြီး တမြုံမြုံဝါးနေတဲ့ဂျွန်ဧဒင်ကြောင့် မြို့အုပ်မင်းခွန်းထယ်မှာ ကြောင်တောင်တောင်ကိုဖြစ်လို့။
YOU ARE READING
"အယူခံ" [𝖢𝗈𝗆𝗉𝗅𝖾𝗍𝖾]
Romance~မောင့်ဧဒင်ဖို့ မောင်စိုက်ပျိုးမယ့်ပန်းခင်းဝယ်~ မြို့အုပ်မင်းခွန်းထယ်။ [Kim Taehyung] ဂျွန်ဧဒင်။ [Jeon Jungkook]