رسائل ✍️💙

الذنوب الطايرة

مُرعبه أوي فكرة " الذنوب الطايره " دي !
- ذنب سواق ماشي غلط ف شتمته .
- ذنب دكتور رخم عليك فـ امتحان ف شتمته .
- ذنب بتاع دليفري اتأخر و إنت جعان ف شتمته .
- ذنب أي واحد ع التلفزيون بيقول كلام مش ع مزاجك ف شتمته .
- ذنب لاعب كورة ضيع هجمة ف شتمته .
- ذنب شوية عربيات ف زفه عامله إزعاج كلاكسات ف شتمتهم كلهم .
- ذنب دكتور كتبلك علاج بيقلب بطنك ف شتمته .
- ذنب أي واحد شوفته ف الشارع بيعمل تصرف معجبكش فشتمته .
.... إلخ
ذنوب ذنوب ذنوب
المشكلة إننا مبنحسبلهاش اصلًا ؟
بننسى !!
بننسى إن في ملكين ورانا بيكتبو كل صغيرة و كبيرة !
" ما يَلفظ من قول إلا لديه رقيب عتيد "
ده احنا بننسى نستغفر حتى !
كأن صحيفة الواحد كلها هتبقي مليانه بشوية التخاطيف اللي مبتجيش ع البال دي .
فكرة مُخيفه أوي لما تعرف إن الناس دي كلها هتيجي تأخد حقها مني و منك يوم القيامه !
" إذ تلقونه بألسنتكم و تقولون بأفواهكم ما ليس لكم به علم و تحسبونه هيناً وهو عند الله عظيم " .
" اللهم ردنا إليك رداً جميلاً  "💚💚🦋

- #ذكر_غيرك