رسائل ✍️💙

ينفع المسلم يحتفل بالكريسماس؟

هو ينفع المسلم يلبس سلسلة عليها صليب؟!
إذا كان لأ، يبقى لسه مسلم وفاهم دينه.

هو ينفع المسلم لما يتولد يتعمّد في الكنيسة؟!
طبعاً مينفعش لإن دي شعائر خاصة بالديانة النصرانية.

هو ينفع المسلم يتجوز بطقوس ديانة أخرى؟!
طبعاً مينفعش "لكم دينكم ولى دين"

هو ينفع المسلم يحتفل بيوم أو عيد لديانة أخرى زي عيد الغفران اليهودي أو الكريسماس النصراني؟!
طبعاً مينفعش لإن الأعياد دي بتعبّر عن اعتقادات مخالفة لعقيدة المسلم.

هو ينفع اعمل نفسي من بنها وما اتكلمش عن الموضوع ده وأريّح الشوية اللي فاضلين في البرج اللي في عقلي؟!
لا مينفعش، علشان انكار المنكر هو الوسيلة الوحيدة لاستمرار النصح والمقاومة والمدافعة بين الحق والباطل.

هو ينفع تسمي الاحتفال بالكريسماس باطل يا مولانا وناس كتير قوي بتحتفل بيه؟!
إن لم يكن الاحتفال بميلاد الرب "تعالى الله عما يقولون علواً كبيراً" باطلاً فلم يعد هناك باطل!!

هو احنا لما بنقول كده هل ده معناه إننا بنشتم حد أو بنسبه؟!
طبعاً لأ، فبيان عقيدة المسلم ليست سباً لغيره، وإنما تغاير وتمايز، وكل عقيدة في الدنيا بتعمل كده.

وفي النهاية:
قل هو الله أحد الله الصمد لم يلد ولم يولد ولم يكن له كفواً أحد.

- محمد سعد الأزهري

#عيدك_هويتك
#رسايل_الكريسماس
#رسايل_نهاية_العام