رسائل ✍️💙

أغض بصري عن اي؟

بسم اللّٰه/

حبيت أنبه عن شئ منتشر جدًا، ولعل اللي بيعمله مش واخد باله ولا مُنتبه ..

طبعًا كلنا عارفين إن الأفلام والمسلسلات حرام!
نظرًا لما فيها من "المعازف، التبرج، التلامس، السف، إطلاق البصر، الحث على فعل المعاصي بشتّى الطرق، ومخالفات شرعية كثيرة .."
طيب لما حضرتك تبقى عارف إنها حرام بتستخدمها وسط الهزار ليه؟ وتتحط في كوميكس وإستيكرز واتس و و و، كل ده ليه؟ ..
أين إنكار المنكر ولو بالقلب "وده أضعف الإيمان"!
يعني حضرتك تُبت عن المشاهدة، تقوم تدعم بالكوميكس!

ده غير إن المفروض انت كرجل مسلم تغض بصرك عن نساء الأرض كافةً إلا محارمك، وكذلك البنت!
انتِ يا حلوة مأمورة زي الرجل بالظبط بغض البصر حتى لو كان حد كبير في السن، في الأول والآخر هوَ أجنبي عنك وسنه مش حجة إنك تطلقي بصرك حتى لو بدون شهوة!
"وده ينطبق على الشيوخ والدعاه الرجال، مش الممثلين بس"

فياريت نخلي بالنا بعد إذنكم.

منقول