رسائل ✍️💙

الذنوب القلبية

لازم نعي كويس جدًا جدًا
إن الذنوب -القلبية والفعلية- لها أثر في الخُلُق والتعامل
والصفاء بين كل اتنين بتربطهم علاقة شرعية -خِطبة أو زواج-

كان أحد السلف يقول:
إني لأجدُ أثر ذنبي في خلق زوجتي، وخلق دابتي.

عشان كده في العلاقات دي بالذات -لأنها طويلة-
لا يُعول على الدين والخلق فقط كما فالبداية
لازم لازم كل طرف منهم يركز مع نفسه وقلبه وحاله مع ربنا

لإن كل ذنب لحد منهم وارد جدًا أثره يظهر
في التفاهم بينهم مثلا أو عدم التوفيق فالحوار
ووارد جدًا يظهر على هيئة خناق مثلا أو غيره

عشان كدا مش بالضرورة لو كنا عارفين الشخص كويس
وعارفين دينه وخلقه في العادي وعلى مدار فترات طويلة
إن لما يظهر منه سلوك أو تصرف مش لطيف يبقا اتهمه في دينه
أو أظن إنه كان بيدَّعي وبيكذب وإنه أخلف ظني فيه.

عليكم بالاستغفار وقراءة القرآن ودوام التوبة
هتلاحظوا كم التفاهم والتوفيق والصفاء في علاقاتكم
أصلحوا ما بينكم وبين الله عزوجل، يصلح ما بينكم وبين العباد.

#منار_علي