عصفورة جرف (نساء من فولاذ)

البارت السادس والثلاثين

🔅رواية🔅
🔸⚜️🔸🕊عصفورة جرف🕊🔸⚜️🔸
(نساء من فولاذ)
🕊الكاتبة🔸فاطمة علي 🕊
🕊🔸لايك ⚜️رأيكم🔸🕊
الجزء الثاني
الحلقة ٣٦

لا شئ يُعذب الإنسان مثل كِتمان حُزنه
‏إنه مُجرد هلَاك و إنهيار داخلي لَكن بهُدوء ..

.

......................

كرار : گبل سحبت اقسام وثارت الطلقة من المسدس ، اجت گبل بالحايط ، كام هجم عليه  وكمنه نتلاوه اني ويا ، دفعني وكعنه ثنينه بالگاع ، طفر المسدس من ايدي ، سحب سجينه وجرحني بجتفي ....

.... اني سحبت النرگيله وخليتها براسه كمت جريت المسدس وخليت طلقه برجله  ، هجمت عليهم ثنينهم نهيتهم نهي ، فلشت الاستقبال على راسهم  ، اريد شي يبرررد گلبي ماكو ...

... لزمته ربطته بالمحجر ، شلت التلفون واني اللهث خابرت على اخوته ، تعالو اخذو الهذااااا العااا.ااررررر ، سمعتهم اجو كمت فتحته ، شلته وذبيته بالحوش ، ورجعت قفلت الباب ، ركضت ورى رفل ...

.... احس گلبي كام يدك على كيف ويرجع ينبض سريع ، لزمتها لطخت راسها بالحايط ، كعت بوكسيات على وجهه ..

...كح*** ملفيلي ك**** خرب ****** كلبه ب**** شمقصر وياج وتخووونينيييي، انوووب ويامن وييه اقرب واحد من جمااااعتييي ، اااااااا ، انتهت بيدي بحيث بس تون ، شمرتها ...

...جسمي كله يرجف ايدي وملابسي كلهن دم ، كعدت على المحجر وخليت ايدي على وجهي وبجيت من كل گلبي ...

.... ربي والله مامسوي شي ليش هيج تعاقبني ،والله اخاف اباوع على مره اكول خاف تردها بمرتي لو خواااااتي ، اااااااااااااا .....

....لزمت گلبي ، احس راح يوگف ، وريگي نشف ،  شلت التلفون دكيت على صالح ، الو خوية تعال الحكلي ، جاي اموووت ...

صالح : اسم الله عليك خوية انت وين بس كلي انت وين ...

كرار : بالبيت ، بالبيت ...
صالح : جايك ...
فضه : وين رايح ...

صالح : كرار مدري شبي ، ركضت لبست ، ودكيت على احمد ،لك جاااوب ، الو ها حمودي ، بسرررعه روح البيت كرار شوفه شبي ، خابرني يبجي ويكلي راح اموت بسرررعه ،اني جاي بالطريق ، اخذت سيارتي وطلعت للدورة نص الليل ....

رحمه : فزيت على صوت احمد ، كمزت من مكاني شكو احمد شصاير ...

احمد : ماادري صالح يكلي كرار مخابرة يكله الحكلي جاي اموت ...

رحمه : كبل لطمت على صدري اسم الله على كرار ، امشي خل نروحله ، بسررعه ، طلعنه من البيت ،نركض ، البيت قريب علينه ، وصلنا لكينه باب الشارع مفتوح ، والبيت اظلم ، شغلت الفلاش مال تلفوني ، گبل عطت ،احمدد باع الدم بالگاع ...