"ပါး..ပါး..ဒယ်ဒီ ဒယ်ဒီ"
'ဖတ်..ဖတ်'
ပိတ်ရက်မို့ ဇိမ်နဲ့နှပ်နေတုန်း လူပေါ်ခွတက်ပြီး လက်သေးသေးလေးနဲ့ တဖတ်ဖတ်နဲ့ အရိုက်ခံလိုက်ရတာမို့ မျက်လုံးတွေကို မနည်းဖွင့်လိုက်ရတယ်။တရားခံကတော့ ဒယ်ဒီ့ပရင့်ဆက်လေး အိကျိတုန်ခေါ် Aliyah၊အိပ်ယာနိုးနိုးချင်း ကျွန်တော်တို့အခန်းကို ပြေးလာပုံပါပဲ
၂နှစ်ပြည့်ကတည်းက မောင်နှမနှစ်ယောက်ကို ကျွန်တော်တို့ရဲ့ မျက်နှာချင်းဆိုင်အခန်းမှာ သတ်သတ်ခွဲသိပ်ပြီး အိပ်တတ်အောင် ကျင့်ပေးထားတာပါ။စိတ်မချလို့ ညဆို ခဏခဏထကြည့်ရတာမျိုး ရှိခဲ့ပေမယ့် ၅လအတွင်းမှာတင် ကလေးတွေက ကျွန်တော်တို့မပါဘဲ အိပ်တတ်တဲ့ ကလေးတွေ ဖြစ်လို့လာပါပြီ။ကလေးတွေကို ချစ်မဝ၊ပိုက်ထွေးမဝဖြစ်ရပေမယ့် သူတို့လေးတွေရဲ့ အနာဂတ်မှာ အမှီအခိုကင်းကင်းနဲ့ သန်မာနေဖို့ပဲ ကျွန်တော်ရော၊အကိုရော တွေးရ၊ရွေးချယ်ရပါတယ်။မျက်လုံးနှစ်လုံးပွင့်တာနဲ့ Aliyahတို့ အရင်ဆုံးရှာတာက ဒယ်ဒီပါပဲ။ပိတ်ရက်တိုင်း မနက်အစောပြေးတတ်တဲ့ ထုံးစံအတိုင်း အကိုတစ်ယောက် ရိုးရာမပျက် ပန်းခြံဖက်ကို ပြေးလေရဲ့။
"အင်း...မောနင်းသမီးလေး...အစောကြီးနိုးလာတာလား အိကျိလေး
ပါပါးကို မောနင်းကစ်စ်ပေးပါဦး""အာဘွား ပါပါး..ဒယ်ဒီ..ဒယ်ဒီ"
လူကို အာဘွားပေးပြီး ဒယ်ဒီက ပါးစပ်ကမချတဲ့ အိကျိတုန်
သူ့ဒယ်ဒီကို ချစ်တဲ့နေရာမှာတော့ ကျွန်တော့်သမီးလို့ အပြောရလွတ်ပါပဲပုခုံးထိတော့မယ့် သမီးရဲ့ ရွှေရောင်ဆံပင်လေးတွေကို အသာသပ်ပေးရင်း
"ဒယ်ဒီက အပြင်မှာ လေ့ကျင့်ခန်းသွားလုပ်တယ်လေ အိကျိရဲ့
ခု ၈နာရီဆိုတော့ ဒယ်ဒီပြန်လာတော့မှာ၊ခဏနေ တွေ့ရတော့မှာ နော် သမီး""ဟုတ် ပါပါး...အိကျိ လွမ်း"
"အဟွန်း... အိကျိလေးက အချွဲတုံးလေးပါကွာ၊ဒယ်ဒီပြန်လာရင် လွမ်းနေတာပြောပြလိုက်နော်"
YOU ARE READING
Soulmate(Completed)
RomanceStart date:25Sep,2021 End date :19Dec,2021 ဆန့်ကျင်ဖက်အုပ်ထိန်းမှုတွေနဲ့ ကြီးပြင်းလာတဲ့ ကောင်လေးနှစ်ယောက်အကြောင်းပါ ထရော်မာတွေအပြည့်နဲ့ ကောင်လေးရဲ့စိတ်ကို healingလုပ်ပေးရင်း အနားမှာအမြဲရှိနေပေးချင်တဲ့ Jaydenရဲ့အကြောင်းပါပဲ။ P.S I'd li...